The Bible

My vraaraghyn, ny shir-jee dy ve ymmodee fir-ynsee, toiggal [liorish shoh] dy bee mayd ny s'geyre er nyn mriwnys.

My brethren, be not many masters, knowing that we shall receive the greater condemnation.

Son ayns ymmodee reddyn ta shin ooilley foiljagh. My ta dooinney erbee nagh vel foiljagh ayns e ghlare, ta'n fer cheddin ny ghooinney ynrick, as abyl myrgeddin dy reayll yn slane corp fo smaght.

For in many things we offend all. If any man offend not in word, the same is a perfect man, and able also to bridle the whole body.

Cur-my-ner ta shin coyrt streeanyn ayns beïll ny cabbil, dy bee ad beasagh dooin; as ta shin reill yn slane corp oc.

Behold, we put bits in the horses' mouths, that they may obey us; and we turn about their whole body.

Cur-jee my-ner neesht ny lhongyn, ga dy vel ad wheesh, as er ny imman lesh geayghyn niartal, foast t'ad er ny hyndaa mygeayrt lesh stiurey beg fardalagh, raad saillish yn mainshter.

Behold also the ships, which though they be so great, and are driven of fierce winds, yet are they turned about with a very small helm, whithersoever the governor listeth.

Myr shen ta'n chengey ny olt beg, as boggyssagh reddyn mooarey. Cur-my-ner, cre'n lossey mooar ta drillin dy aile foaddey!

Even so the tongue is a little member, and boasteth great things. Behold, how great a matter a little fire kindleth

As ta'n chengey ny aile, seihll dy vee-chairys: myr shen ta'n chengey mastey ny oltyn ain, dy vel ee milhey yn slane corp, as cur yn seihll bun-ry-skyn; as t'ee soit er aile liorish niurin.

And the tongue is a fire, a world of iniquity: so is the tongue among our members, that it defileth the whole body, and setteth on fire the course of nature; and it is set on fire of hell.

Son ta dy chooilley ghooghys dy veïyn, as dy eeanlee, as dy ard-nieughyn, as reddyn ayns yn aarkey, er ny veenaghey, as er ny ve jeant meen liorish deiney:

For every kind of beasts, and of birds, and of serpents, and of things in the sea, is tamed, and hath been tamed of mankind:

Agh y chengey cha vod dooinney erbee y smaghtaghey; t'ee olk mee-reiltagh, lane dy physhoon baasoil.

But the tongue can no man tame; it is an unruly evil, full of deadly poison.

Lesh ta shin bannaghey Jee, dy jarroo yn Ayr; as lesh ta shin gweeaghyn da deiney, ta jeant lurg caslys Yee.

Therewith bless we God, even the Father; and therewith curse we men, which are made after the similitude of God.

Ass yn un veeal ta cheet bannaght as mollaght. My vraaraghyn, cha lhisagh ny reddyn shoh ve myr shen.

Out of the same mouth proceedeth blessing and cursing. My brethren, these things ought not so to be.

Vel farrane cur magh ass yn un gheill ushtey millish as sharroo?

Doth a fountain send forth at the same place sweet water and bitter?

Vod y billey-figgagh, my vraaraghyn, gymmyrkey berrishyn-olive? ny billey-feeyney figgyn? myr shen cha vod farrane erbee cur magh ushtey sailjey as oor?

Can the fig tree, my brethren, bear olive berries? either a vine, figs? so can no fountain both yield salt water and fresh.

Quoi ta ny ghooinney creeney as tushtagh ny mast'eu? lhig da soilshaghey, liorish ymmyrkey mie, e obbraghyn ayns y veenid dy chreenaght.

Who is a wise man and endued with knowledge among you? let him shew out of a good conversation his works with meekness of wisdom.

Agh my ta eu myskid sharroo as streeu ayns nyn greeaghyn, ny jean-jee boggyssagh, as ny jean-jee breg noi'n irriney.

But if ye have bitter envying and strife in your hearts, glory not, and lie not against the truth.

Cha vel y chreenaght shoh cheet neose veih'n yrjey, agh te thallooinagh, beishtagh, niurinagh.

This wisdom descendeth not from above, but is earthly, sensual, devilish.

Son raad ta troo as streeu, ayns shen ta anvea, as dy chooilley ghrogh obbyr.

For where envying and strife is, there is confusion and every evil work.

Agh y chreenaght ta veih'n yrjey t'ee hoshiaght glen, eisht sheeoil, meen, as aashagh dy ve coyrlit, lane dy erreeish as dy vessyn mie, fegooish neu-chorrymid, as fegooish craueeaght-oalsey.

But the wisdom that is from above is first pure, then peaceable, gentle, and easy to be intreated, full of mercy and good fruits, without partiality, and without hypocrisy.

As ta'n mess dy ynrickys er ny chuirr ayns shee dauesyn ta cur rish shee.

And the fruit of righteousness is sown in peace of them that make peace.