The Bible

Son ta dy chooilley ard-saggyrt reiht veih mastey deiney, er ny oardaghey son [vondeish] deiney ayns reddyn bentyn rish Jee, dy vod eh chammah giootyn as ourallyn y hebbal son peccaghyn:

For every high priest taken from among men is ordained for men in things pertaining to God, that he may offer both gifts and sacrifices for sins:

Oddys chymmey y hoilshaghey er ny mee-hushtee, as orroosyn t'er n'gholl er-shaghryn; son dy vel eh-hene injillit gys annoonid:

Who can have compassion on the ignorant, and on them that are out of the way; for that he himself also is compassed with infirmity.

As er yn oyr shoh lhisagh eh myr son y pobble, myrgeddin er e hon hene, oural y hebbal son peccaghyn.

And by reason hereof he ought, as for the people, so also for himself, to offer for sins.

As cha vel dooinney erbee goaill yn ooashley shoh er hene, agh eshyn ta er ny eam liorish Jee, myr va Aaron:

And no man taketh this honour unto himself, but he that is called of God, as was Aaron.

Myr shen, cha ghow Creest yn ooashley shoh er hene, dy ve jeant ny ard-saggyrt; agh eshyn dooyrt rish, Uss my Vac, jiu ta mee er dty gheddyn.

So also Christ glorified not himself to be made an high priest; but he that said unto him, Thou art my Son, to day have I begotten thee.

Myr t'eh gra myrgeddin ayns boayl elley, T'ou uss saggyrt son dy bragh myr va Melchisedec.

As he saith also in another place, Thou art a priest for ever after the order of Melchisedec.

Ayns laghyn e ghooghys-foalley, tra v'eh er hebbal padjeryn as aghinyn, lesh eam jeean as jeïr, huggeysyn va pooaral dy hauail eh veih baase, as v'eh er ny livrey veih shen ny ghow eh aggle [crauee] roish;

Who in the days of his flesh, when he had offered up prayers and supplications with strong crying and tears unto him that was able to save him from death, and was heard in that he feared;

Ga dy nee Mac v'eh, ny-yeih dynsee eh biallys, liorish ny reddyn duillee eh:

Though he were a Son, yet learned he obedience by the things which he suffered;

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

And being made perfect, he became the author of eternal salvation unto all them that obey him;

Er ny ockley magh liorish Jee ny ard-saggyrt, myr va Melchisedec.

Called of God an high priest after the order of Melchisedec.

My-e-chione ta ymmodee reddyn ain dy ghra, as doillee dy choyrt bun orroo; fakin dy vel shiu moal ayns clashtyn.

Of whom we have many things to say, and hard to be uttered, seeing ye are dull of hearing.

Fakin son y traa lhisagh shiu ve fir-ynsee, ta shiu hene feme fer dy ynsaghey diu reesht cre ta ny chied banglaneyn jeh leigh Yee; as ta shiu lheid as ta feme bainney, as cha nee bee lajer.

For when for the time ye ought to be teachers, ye have need that one teach you again which be the first principles of the oracles of God; and are become such as have need of milk, and not of strong meat.

Son ta dagh unnane ta cliaghtey er bainney, neu-ynsit ayns y ghoo dy ynrickys: son oikan eh.

For every one that useth milk is unskilful in the word of righteousness: for he is a babe.

Agh ta bee lajer cooie dauesyn t'ec slane eash, dy jarroo dauesyn ta liorish cliaghtey er gheddyn keeal as tushtey dy vriwnys eddyr mie as sie.

But strong meat belongeth to them that are of full age, even those who by reason of use have their senses exercised to discern both good and evil.