The Bible

Fakin er-y-fa shen dy vel yn oik shoh ain, myr ta shin er gheddyn myghin? cha vel shin lhiggey nyn gree voin:

Therefore seeing we have this ministry, as we have received mercy, we faint not;

Agh ta shin er choyrt slane obbal da ny cliaghtaghyn follit scammyltagh, cha nee gimmeeaght ayns molteyrys, chamoo shirveish goo Yee dy foalsey, agh liorish soilshaghey magh yn irriney, faagail shin hene gys [briwnys] cooinsheanse dy chooilley ghooinney ayns fenish Yee.

But have renounced the hidden things of dishonesty, not walking in craftiness, nor handling the word of God deceitfully; but by manifestation of the truth commending ourselves to every man's conscience in the sight of God.

Agh my ta'n sushtal ain follit, te follit vouesyn ta caillit:

But if our gospel be hid, it is hid to them that are lost:

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co-chaslys Yee, soilshean hucsyn.

In whom the god of this world hath blinded the minds of them which believe not, lest the light of the glorious gospel of Christ, who is the image of God, should shine unto them.

Son cha nee shin hene ta shin dy phreacheil, agh Creest yn Chiarn: as shin hene ny sharvaantyn euish er graih Yeesey.

For we preach not ourselves, but Christ Jesus the Lord; and ourselves your servants for Jesus' sake.

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

For God, who commanded the light to shine out of darkness, hath shined in our hearts, to give the light of the knowledge of the glory of God in the face of Jesus Christ.

Agh ta'n verchys shoh ainyn ayns siyn craie, dy vod ard-ooashley yn phooar ve veih Jee, as cha nee voïnyn.

But we have this treasure in earthen vessels, that the excellency of the power may be of God, and not of us.

Ta shin seaghnit er dagh cheu, agh cha vel shin ayns chennid: ta shin êginit, agh cha vel shin fo mee-hreishteil

We are troubled on every side, yet not distressed; we are perplexed, but not in despair;

Tranlaasit, agh cha nee treigit; tilgit sheese, agh cha nee er nyn stroie;

Persecuted, but not forsaken; cast down, but not destroyed;

Dy kinjagh gymmyrkey mygeayrt-y-mooin ayns y chorp, baase y Chiarn Yeesey, dy voddagh bioys Yeesey ve myrgeddin jeant cronnal ayns y chorp ainyn.

Always bearing about in the body the dying of the Lord Jesus, that the life also of Jesus might be made manifest in our body.

Son ta shinyn ta bio, dy kinjagh er nyn livrey gys baase er graih Yeesey, dy voddagh bioys Yeesey ve myrgeddin jeant cronnal ayns yn eill marvaanagh ainyn.

For we which live are alway delivered unto death for Jesus' sake, that the life also of Jesus might be made manifest in our mortal flesh.

Myr shen eisht, ta baase gobbraghey aynin, agh bioys ayndiuish.

So then death worketh in us, but life in you.

Fakin dy vel ainyn yn spyrryd cheddin dy chredjue, myr te scruit, Ren mee credjal, as er-y-fa shen ren mee loayrt: ta shinyn neesht credjal, as er-y-fa shen loayrt;

We having the same spirit of faith, according as it is written, I believed, and therefore have I spoken; we also believe, and therefore speak;

Toiggal dy jean eshyn hrog seose y Chiarn Yeesey, shinyn myrgeddin y hroggal liorish Yeesey, as shinyn y ghoaill stiagh mêriu.

Knowing that he which raised up the Lord Jesus shall raise up us also by Jesus, and shall present us with you.

Son ta dy chooilley nhee er y ghraih euish, dy voddagh yn ghrayse feoilt, trooid toyrt-booise ymmodee, bishaghey gys gloyr Yee.

For all things are for your sakes, that the abundant grace might through the thanksgiving of many redound to the glory of God.

Son yn oyr shen cha vel shin lhiggey nyn gree voin, agh ga dy vel y dooinney ain er cheu-mooie goll naardey, foast ta'n dooinney er cheu-sthie er ny niartaghey laa lurg laa.

For which cause we faint not; but though our outward man perish, yet the inward man is renewed day by day.

Son ta'n seaghyn eddrym ain, nagh vel agh son shallid, gobbraghey nyn gour towse erskyn earroo foddey smoo as dy bragh farraghtyn dy ghloyr;

For our light affliction, which is but for a moment, worketh for us a far more exceeding and eternal weight of glory;

Choud as ta sooill ain, cha nee er ny reddyn ta ayns fakin, agh er ny reddyn nagh vel ayns fakin: son cha vel ny reddyn t'ayns fakin agh son tammylt; agh ny reddyn nagh vel ayns fakin, t'ad dy bragh farraghtyn.

While we look not at the things which are seen, but at the things which are not seen: for the things which are seen are temporal; but the things which are not seen are eternal.