The Bible

Ceau dty arran er ny ushtaghyn son lurg ymmodee laghyn yiow soylley jeh.

Cast thy bread upon the waters: for thou shalt find it after many days.

Cur cooid ronney da shiaght, as myrgeddin da hoght; son cha vel fys ayd, cre'n lhag-haghyrt hig er yn ooir.

Give a portion to seven, and also to eight; for thou knowest not what evil shall be upon the earth.

My ta ny bodjallyn lane fliaghey, t'ad folmagh ad-hene er y thalloo, as my huittys yn billey lesh y jiass, ny lesh y twoaie, 'sy voayl huittys eh, shen y raad nee eh lhie.

If the clouds be full of rain, they empty themselves upon the earth: and if the tree fall toward the south, or toward the north, in the place where the tree falleth, there it shall be.

Eshyn ver geill da'n gheay, cha jean eh cuirr: as eshyn ta goaill baght jeh ny bodjallyn cha jean eh buinn.

He that observeth the wind shall not sow; and he that regardeth the clouds shall not reap.

Myr nagh vel toiggal ayd jeh raad ny geayee, ny kys ta ny craueyn er ny chiaddey ayns breïn y ven chorrey: eer myr shen cha vel toiggal ayd jeh obbraghyn Yee, cre'n aght t'eh jannoo dy chooilley nhee jeu shoh.

As thou knowest not what is the way of the spirit, nor how the bones do grow in the womb of her that is with child: even so thou knowest not the works of God who maketh all.

Sy voghrey cuirr dty rass, as ec yn astyr ny lhaggee dty laue: son cha vel fys ayd quoi jeu nee bishaghey, edyr shoh ny shen; er-nonney bee ad ny-neesht co-laik mie.

In the morning sow thy seed, and in the evening withhold not thine hand: for thou knowest not whether shall prosper, either this or that, or whether they both shall be alike good.

Dy jarroo ta'n soilshey aalin, as red eunyssagh te da ny sooillyn, dy chur-my-ner yn ghrian.

Truly the light is sweet, and a pleasant thing it is for the eyes to behold the sun:

Agh ga dy vel dooinney er cheau ymmodee bleeantyn, as er ghoaill boggey ayndoo ooilley: ny-yeih, lhig da smooinaghtyn er laghyn y dorraghys, son bee ad ymmodee. Son ooilley ta ry-heet, cha vel eh agh fardail.

But if a man live many years, and rejoice in them all; yet let him remember the days of darkness; for they shall be many. All that cometh is vanity.

Gow boggey, O ghooinney aeg ayns dty aegid, as lhig da dty chree oo y gherjaghey ayns laghyn dty aegid, as jean gimmeeaght ayns raaidyn dty chree, as lurg shilley dty hooillyn hene: agh toig uss son ooilley ny reddyn shoh, dy der Jee lesh oo gys briwnys.

Rejoice, O young man, in thy youth; and let thy heart cheer thee in the days of thy youth, and walk in the ways of thine heart, and in the sight of thine eyes: but know thou, that for all these things God will bring thee into judgment.

Shen-y-fa scugh trimshey veih dty chree, as freill dty challin veih skielley: son cha vel lambaanid as aegid agh shallid.

Therefore remove sorrow from thy heart, and put away evil from thy flesh: for childhood and youth are vanity.