The Bible

Hiarn, t'ou uss er ve nyn gemmyrk: veih sheeloghe gys sheeloghe.

Lord, thou hast been our refuge: from one generation to another.

Roish my daink ny sleityn rish, ny rieau yn thalloo as y seihll er nyn groo: she uss Jee er-dy-rieau, as seihll gyn jerrey.

Before the mountains were brought forth, or ever the earth and the world were made: thou art God from everlasting; and world without end.

T'ou chyndaa dooinney gys toyrt-mow: reesht t'ou gra, Tar jee reesht, shiuish chloan gheiney:

Thou turnest man to destruction: again thou sayest, Come again, ye children of men.

Son cha vel thousane bleïn ayns dty hilley's agh myr y laa jea: fakin dy vel shen er n'gholl shaghey myr arrey 'syn oie.

For a thousand years in thy sight are but as yesterday: seeing that is past as a watch in the night.

Cha leah as t'ou dyn skeayley ad, t'ad dy jarroo myr cadley: as fioghey ersooyl chelleeragh myr y faiyr.

As soon as thou scatterest them they are even as a sleep: and fade away suddenly like the grass.

Ayns y voghrey te glass, as gaase seose: agh ayns yn astyr te giarit sheese, te creen as fiojit.

In the morning it is green, and groweth up: but in the evening it is cut down, dried up, and withered.

Son ta shin lheïe ersooyl ayns dty yymmoose: as ta aggle orrin roish dty chorree hrome.

For we consume away in thy displeasure: and are afraid at thy wrathful indignation.

T'ou er hoiaghey nyn ghrogh-yannoo kiongoyrt rhyt: as nyn beccaghyn follit ayns soilshey dt'eddin.

Thou hast set our misdeeds before thee: and our secret sins in the light of thy countenance.

Son tra t'ou uss corree, ta ooilley nyn laghyn er n'immeeaght: ta ny bleeantyn ain ec kione myr skeeal t'er ny insh.

For when thou art angry all our days are gone: we bring our years to an end, as it were a tale that is told.

Ta laghyn yn eash ain three-feed bleïn as jeih: as ga dy vod deiney 've cha lajer as dy roshtyn kiare-feed bleïn: ny-yeih cha vel y troshid oc eisht agh deinys as trimshey; cha leah shen te er n'gholl shaghey, as ta shin goit jeh.

The days of our age are threescore years and ten: and though men be so strong that they come to fourscore years: yet is their strength then but labour and sorrow; so soon passeth it away, and we are gone.

Agh quoi ta toiggal pooar dty yymmoose: son dy jarroo myr ta dooinney goaill aggle, shen myr ta dty chorree.

But who regardeth the power of thy wrath: or feareth aright thy indignation?

Ynsee dooin myr shen dy earroo nyn laghyn: dy vod ny creeaghyn ainyn ve soit er creenaght.

So teach us to number our days: that we may apply our hearts unto wisdom.

Chyndaa uss reesht, O Hiarn, ec y jerrey: as bee graysoil da dty harvaantyn.

Turn thee again, O Lord, at the last: and be gracious unto thy servants.

O jean uss shin y yannoo magh lesh dty vyghin, as shen dy leah: myr shen nee mayd boggey 'ghoaill, as bee mayd gennal ooilley laghyn nyn mea.

O satisfy us with thy mercy, and that soon: so shall we rejoice and be glad all the days of our life.

Gerjee shin reesht, nish lurg y traa t'ou er cherraghey shin: as son ny bleeantyn ayndoo ta shin er hurranse seaghyn.

Comfort us again now after the time that thou hast plagued us: and for the years wherein we have suffered adversity.

Soilshee dt'obbyr da dty harvaantyn: as da nyn gloan dty ghloyr.

Shew thy servants thy work: and their children thy glory.

As dy row Ard-ooashley gloyroil y Chiarn yn Jee ain orrin: bishee uss obbyr nyn laueyn orrin, O bishee uss ny ta shin dy ghoaill ayns laue.

And the glorious majesty of the Lord our God be upon us: prosper thou the work of our hands upon us, O prosper thou our handywork.