The Bible

Hie Elihu lesh ny-sodjey, as dooyrt eh,

Elihu also proceeded, and said,

Surr dou son tammylt, as soilshee-ym dhyt cre t'aym ny-sodjey dy lhiasaghey ayns lieh Yee.

Suffer me a little, and I will shew thee that I have yet to speak on God's behalf.

Ver-ym lhiam my hushtey veih foddey, as ver-yms cairys gys lieh my Er-croo.

I will fetch my knowledge from afar, and will ascribe righteousness to my Maker.

Son ayns firrinys cha bee my ghoan foalsey; ga [er lhiat] dy vel ooilley'n cheeayll ayd hene.

For truly my words shall not be false: he that is perfect in knowledge is with thee.

Cur-my-ner, ta Jee niartal, as cha vel eh soiaghey-beg jeh unnane- erbee: t'eh pooaral ayns niart as creenaght.

Behold, God is mighty, and despiseth not any: he is mighty in strength and wisdom.

Cha vel eh coadey bioys ny mee-chrauee; agh t'eh cur cairys da'n voght.

He preserveth not the life of the wicked: but giveth right to the poor.

Cha vel eh scughey e hooillyn veih'n vooinjer chairal; agh marish reeaghyn t'ad er y stoyl-reeoil; dy feer, t'eh dy hickyraghey ad son dy bragh, as t'ad er nyn yrjaghey.

He withdraweth not his eyes from the righteous: but with kings are they on the throne; yea, he doth establish them for ever, and they are exalted.

As my t'ad kainlt ayns geulaghyn, as er ny hionney lesh ny coyrdyn dy heaghyn;

And if they be bound in fetters, and be holden in cords of affliction;

Eisht t'eh soilshaghey daue nyn obbyr, as nyn ghrogh-yannoo cre wheesh t'ad er ve.

Then he sheweth them their work, and their transgressions that they have exceeded.

T'eh fosley nyn gleaysh myrgeddin gys ynsagh, as cur daue sarey dy hyndaa veih nyn mee-chairys.

He openeth also their ear to discipline, and commandeth that they return from iniquity.

My ver ad biallys as shirveish da, nee ad baarail nyn laghyn ayns maynrys, as nyn mleeantyn ayns shee:

If they obey and serve him, they shall spend their days in prosperity, and their years in pleasures.

Agh mannagh bee ad biallagh, nee ad cherraghtyn liorish y chliwe, as yiow ad baase ayns nyn mee-hushtey.

But if they obey not, they shall perish by the sword, and they shall die without knowledge.

Agh ta ny crauee-oalsey ayns cree cur seose jymmoose nyn gour hene; cha vel ad geamagh huggey tra t'eh cur seaghyn orroo:

But the hypocrites in heart heap up wrath: they cry not when he bindeth them.

T'ad geddyn baase ayns nyn aegid, as ta nyn mioys ny mast' ocsyn ta giarit magh.

They die in youth, and their life is among the unclean.

T'eh livrey yn voght ayns e heaghyn, as fosley nyn gleayshyn ayns nyn jennid:

He delivereth the poor in his affliction, and openeth their ears in oppression.

Eer myr shen veagh eh er scughey uss: ass y chennid gys reamys, raad nagh row chennid erbee; as veagh gien dty voayrd jeant magh lesh slane meeaylys.

Even so would he have removed thee out of the strait into a broad place, where there is no straitness; and that which should be set on thy table should be full of fatness.

Agh t'ou uss er n'yannoo magh slane towse briwnys ny mee-chrauee: shen-y-fa ta briwnys as cairys dy dty ghreimmey.

But thou hast fulfilled the judgment of the wicked: judgment and justice take hold on thee.

Fakin dy vel jymmoose dt'oï, cur twoaie nagh bee oo goit ersooyl lesh orraghey baaish: eisht cha bee saase ayns berchys dy chur feaysley dhyt.

Because there is wrath, beware lest he take thee away with his stroke: then a great ransom cannot deliver thee.

Jean eshyn soiaghey jeh dty verchys? Beggan; chamoo jeh airh, ny ooilley pooaraghyn dty niart.

Will he esteem thy riches? no, not gold, nor all the forces of strength.

Ny shir dorraghys yn oie, tra ta sleih er ny yiarey jeh ass nyn ynnyd.

Desire not the night, when people are cut off in their place.

Cur twoaie, ny gow taitnys ayns meechairys: son shoh t'ou er reih roish seaghyn.

Take heed, regard not iniquity: for this hast thou chosen rather than affliction.

Cur-my-ner, ta Jee troggal seose lesh e phooar: quoi ta gynsaghey goll-rishyn?

Behold, God exalteth by his power: who teacheth like him?

Quoi t'er n'oardaghey yn raad echeysyn? ny quoi oddys gra, T'ou er n'yannoo mee-chairys?

Who hath enjoined him his way? or who can say, Thou hast wrought iniquity?

Cooinee dy der oo ard-voylley da son e obbraghyn, ta deiney cur-my-ner.

Remember that thou magnify his work, which men behold.

Foddee dy chooilley ghooinney goaill baght jeu; foddee dooinney ad y chronnaghey foddey jeh.

Every man may see it; man may behold it afar off.

Cur-my-ner, ta Jee mooar, as cha vel enney ain er; chamoo oddys earroo ny bleeantyn echey ve er ny ronsagh magh.

Behold, God is great, and we know him not, neither can the number of his years be searched out.

Son t'eh jannoo myn ny bineyn ushtey: t'ad deayrtey neose fliaghey rere bree yn chay t'er hroggal;

For he maketh small the drops of water: they pour down rain according to the vapour thereof:

Shen ta ny bodjallyn deayrtey as shilley neose dy palchey er cloan ny cruinney.

Which the clouds do drop and distil upon man abundantly.

Myrgeddin vod fer erbee toiggal skeayley-magh ny bodjallyn, ny feiyr e chabbane?

Also can any understand the spreadings of the clouds, or the noise of his tabernacle?

Cur-my-ner, t'eh skeayley sollyssid e hendreil er-y-skyn, as t'eh dy hyndaa seose grunt ny marrey.

Behold, he spreadeth his light upon it, and covereth the bottom of the sea.

Son lioroo shoh t'eh dy vriwnys ny ashoonyn; as shirveish beaghey ayns mooarane sonnys.

For by them judgeth he the people; he giveth meat in abundance.

Lesh bodjallyn t'eh coodaghey yn toilshey, as cur sarey da, nagh jean eh soilshean, liorish bodjal cheet eddyr ad.

With clouds he covereth the light; and commandeth it not to shine by the cloud that cometh betwixt.

Ta'n feiyr echey fockley magh cre voish te, ta'n maase myrgeddin gennaghtyn y vree.

The noise thereof sheweth concerning it, the cattle also concerning the vapour.