The Bible

As haink Spyrryd Yee er Azariah mac Obed.

And the Spirit of God came upon Azariah the son of Oded:

As hie eh magh quail Asa, as dooyrt eh rish, Clasht-jee rhym's Asa, as ooilley Yudah as Venjamin, Ta'n Chiarn meriu, choud as vees shiu mârishyn; as my nee shiu shirrey huggeysyn, bee eh er ny gheddyn lieriu; agh my hreigys shiu eshyn, nee eh shiuish y hreigeil.

And he went out to meet Asa, and said unto him, Hear ye me, Asa, and all Judah and Benjamin; The Lord is with you, while ye be with him; and if ye seek him, he will be found of you; but if ye forsake him, he will forsake you.

Nish son foddey dy hraa ta Israel er ve fegooish y Jee firrinagh, as fegooish saggyrt-ynsee, as fegooish y leigh.

Now for a long season Israel hath been without the true God, and without a teaching priest, and without law.

Agh ayns nyn seaghyn my nee ad chyndaa gys y Chiarn Jee Israel, as shirrey huggey, bee eh ry-gheddin lioroo.

But when they in their trouble did turn unto the Lord God of Israel, and sought him, he was found of them.

As ayns ny traaghyn shoh, cha bee veg y shee ny chour-syn hed magh, ny eshyn hig stiagh, agh bee seaghyn trome er ooilley cummaltee ny cheeraghyn.

And in those times there was no peace to him that went out, nor to him that came in, but great vexations were upon all the inhabitants of the countries.

As bee ashoon er ny stroie liorish ashoon, as ard-valley liorish ard-valley, son nee Jee ad y heaghney lesh dy chooilley arkys.

And nation was destroyed of nation, and city of city: for God did vex them with all adversity.

Bee-jee dunnal er-y-fa shen, as ny bee-jee lhag-laueeagh: son bee nyn obbyr er ny chooilleeney.

Be ye strong therefore, and let not your hands be weak: for your work shall be rewarded.

As tra cheayll Asa ny goan shoh, as phadeyrys Obed y phadeyr, ghow eh cree, as hug eh ersooyl ny jallooyn eajee ass ooilley cheer Yudah as Venjamin, as veih ny ard-valjyn v'eh er ghoaill veih cronk Ephraim, as ren eh altar y Chiarn y choamrey ass-y-noa, va roish porch y Chiarn.

And when Asa heard these words, and the prophecy of Oded the prophet, he took courage, and put away the abominable idols out of all the land of Judah and Benjamin, and out of the cities which he had taken from mount Ephraim, and renewed the altar of the Lord, that was before the porch of the Lord.

As ren eh ooilley Judah as Benjamin y haglym cooidjagh, as ny joarreeyn mâroo, ass Ephraim, as Manasseh, as veih Simeon: (son haink harrish huggey ass Israel ymmodee sleih, tra honnick ad dy row yn Chiarn e Yee mârish).

And he gathered all Judah and Benjamin, and the strangers with them out of Ephraim and Manasseh, and out of Simeon: for they fell to him out of Israel in abundance, when they saw that the Lord his God was with him.

Myr shen ren ad ad-hene y haglym cooidjagh ec Jerusalem 'sy trass vee, ayns y wheiggoo vleïn jeig jeh reill Asa.

So they gathered themselves together at Jerusalem in the third month, in the fifteenth year of the reign of Asa.

As heb ad gys y Chiarn ec y traa cheddin, jeh'n spooilley v'ad er choyrt lhieu, shiaght cheead dow, as shiaght thousane keyrrey.

And they offered unto the Lord the same time, of the spoil which they had brought, seven hundred oxen and seven thousand sheep.

As chiangle ad ad-hene ayns conaant dy hirrey eddin y Chiarn Jee nyn ayraghyn, lesh ooilley nyn gree, as lesh ooilley nyn annym:

And they entered into a covenant to seek the Lord God of their fathers with all their heart and with all their soul;

Quoi-erbee nagh jinnagh yn Chiarn Jee Israel y hirveish, dy beagh eh shen er ny choyrt gy-baase, edyr beg ny mooar, edyr dooinney ny ben.

That whosoever would not seek the Lord God of Israel should be put to death, whether small or great, whether man or woman.

As ren ad breearrey 'yannoo da'n Chiarn lesh ard choraa, as lesh yllagh, as lesh trumpetyn, as lesh cayrnyn.

And they sware unto the Lord with a loud voice, and with shouting, and with trumpets, and with cornets.

As ghow ooilley Judah boggey jeh'n breearrey: son v'ad er n'yannoo yn breearrey lesh slane cree, as er hirrey eh lesh ooilley nyn yeearree, as v'eh er ny gheddyn lioroo: as hug y Chiarn fea daue ooilley mygeayrt.

And all Judah rejoiced at the oath: for they had sworn with all their heart, and sought him with their whole desire; and he was found of them: and the Lord gave them rest round about.

As myrgeddin Maachah moir Asa yn ree, hug eh sheese ee nagh beagh ee ny ben-reïn, er-yn-oyr dy row ee er hoiaghey seose jalloo ayns keyll: as yiare Asa sheese y jalloo eck, as vrish eh eh dy peeshyn, as losht eh eh liorish y strooan Kidron.

And also concerning Maachah the mother of Asa the king, he removed her from being queen, because she had made an idol in a grove: and Asa cut down her idol, and stamped it, and burnt it at the brook Kidron.

Agh cha row ny ard-ynnydyn er ny ghoaill ersooyl ass Israel: ny-yeih, va cree Asa ynrick ooilley e laghyn.

But the high places were not taken away out of Israel: nevertheless the heart of Asa was perfect all his days.

As hug eh lesh stiagh gys thie Yee ny reddyn va e ayr er chasherickey, as ad shen v'eh hene er chasherickey, argid, as airh, as siyn.

And he brought into the house of God the things that his father had dedicated, and that he himself had dedicated, silver, and gold, and vessels.

As cha row caggey ayn arragh derrey'n wheiggoo vleïn jeig as feed dy reill Asa.

And there was no more war unto the five and thirtieth year of the reign of Asa.