The Bible

As ren cloan Israel reesht shen ny va olk ayns shilley'n Chiarn, as ren y Chiarn ad y livrey gys laue ny Philistinee da-eed bleïn.

And the children of Israel did evil again in the sight of the Lord; and the Lord delivered them into the hand of the Philistines forty years.

As va dooinney dy row ayns Zorah jeh sluight ny Daniteyn, yn ennym echey va Manoah; as va'n ven echey gennish, gyn cloan.

And there was a certain man of Zorah, of the family of the Danites, whose name was Manoah; and his wife was barren, and bare not.

As haink ainle y Chiarn gys y ven, as dooyrt eh r'ee, Cur-my-ner nish, t'ou uss gennish, as gyn cloan: agh nee oo giennaghtyn, as gymmyrkey mac.

And the angel of the Lord appeared unto the woman, and said unto her, Behold now, thou art barren, and bearest not: but thou shalt conceive, and bear a son.

Nish er-y-fa shen, jeeagh, ta mee guee ort, nagh jean oo giu feeyn ny jough lajer, as nagh jean oo gee nhee erbee neu-ghlen:

Now therefore beware, I pray thee, and drink not wine nor strong drink, and eat not any unclean thing:

Son cur-my-ner; nee oo giennaghtyn, as mac y ymmyrkey; as cha jig razor er e chione: son bee'n lhiannoo Nazarite gys Jee veih'n vrein: as hed eh er e hoshiaght dy livrey Israel ass laue ny Philistinee.

For, lo, thou shalt conceive, and bear a son; and no razor shall come on his head: for the child shall be a Nazarite unto God from the womb: and he shall begin to deliver Israel out of the hand of the Philistines.

Eisht haink y ven, as dinsh ee da e sheshey, gra, Haink dooinney dy Yee hym's, as va'n eddin echey goll-rish eddin ainle veih niau, feer atchimagh; agh cha denee mee jeh cre voish v'eh, chamoo dinsh eh dou e ennym.

Then the woman came and told her husband, saying, A man of God came unto me, and his countenance was like the countenance of an angel of God, very terrible: but I asked him not whence he was, neither told he me his name:

Agh dooyrt eh rhym, Cur-my-ner, nee oo giennaghtyn, as gymmyrkey mac; as nish ny iu feeyn ny jough lajer, chamoo eeys oo nhee erbee neu-ghlen: son bee'n lhiannoo ny Nazarite gys Jee veih e ymmyrkey gys laa e vaaish.

But he said unto me, Behold, thou shalt conceive, and bear a son; and now drink no wine nor strong drink, neither eat any unclean thing: for the child shall be a Nazarite to God from the womb to the day of his death.

Eisht ren Manoah guee gys y Chiarn, as dooyrt eh, O my Hiarn, lhig da'n dooinney dy Yee ren uss y choyrt cheet reesht hooin, as gynsaghey dooin kys hroggys mayd y lhiannoo vees er ny ruggey.

Then Manoah intreated the Lord, and said, O my Lord, let the man of God which thou didst send come again unto us, and teach us what we shall do unto the child that shall be born.

As hug Jee clashtyn da coraa Manoah as haink ainle y Chiarn reesht gys y ven myr v'ee soie 'sy vagher: agh cha row Manoah e sheshey mâree.

And God hearkened to the voice of Manoah; and the angel of God came again unto the woman as she sat in the field: but Manoah her husband was not with her.

As roie yn ven dy siyragh dy insh shoh da e sheshey, as dooyrt ee rish, Cur-my-ner, ta'n dooinney er jeet hym's reesht, haink my raad er y gherrit shoh.

And the woman made haste, and ran, and shewed her husband, and said unto him, Behold, the man hath appeared unto me, that came unto me the other day.

As hrog Manoah er, as deiyr eh er e ven, as haink eh gys y dooinney, as dooyrt eh rish, Nee uss y dooinney ren loayrt rish y ven? As dooyrt eh, Mish eh.

And Manoah arose, and went after his wife, and came to the man, and said unto him, Art thou the man that spakest unto the woman? And he said, I am.

As dooyrt Manoah, Nish lhig da dty ghoan's ve jeant mie: cre'n aght nee mayd yn lhiannoo y oardrail? as cre ta kiarit da dy yannoo?

And Manoah said, Now let thy words come to pass. How shall we order the child, and how shall we do unto him?

As dooyrt ainle y Chiarn rish Manoah, Jeh ooilley ny ta mee er ghra rish y ven, lhig ee goaill tastey.

And the angel of the Lord said unto Manoah, Of all that I said unto the woman let her beware.

Ny lhig j'ee gee jeh mess y villey-feeyney, chamoo lhig j'ee giu feeyn ny jough lajer, ny gee red neu-ghlen erbee: ooilley ny ta mee er harey lhig j'ee jannoo.

She may not eat of any thing that cometh of the vine, neither let her drink wine or strong drink, nor eat any unclean thing: all that I commanded her let her observe.

As dooyrt Manoah rish ainle y Chiarn, Ta mee guee ort, fuirree mârin, derrey aarlys mayd mannan er dty hon.

And Manoah said unto the angel of the Lord, I pray thee, let us detain thee, until we shall have made ready a kid for thee.

As dooyrt ainle y Chiarn rish Manoah, Ga dy vuirrin mêriu, cha jeanym gee jeh dty arran; agh my nee oo oural-losht y hebbal, shegin dhyt chebbal eh gys y Chiarn: son cha row fys ec Manoah dy nee ainle y Chiarn v'eh.

And the angel of the Lord said unto Manoah, Though thou detain me, I will not eat of thy bread: and if thou wilt offer a burnt offering, thou must offer it unto the Lord. For Manoah knew not that he was an angel of the Lord.

As dooyrt Manoah rish ainle y Chiarn, Cre ta dty ennym, dy vod mayd, tra vees dty ghoan jeant mie, ooashley y choyrt dhyt.

And Manoah said unto the angel of the Lord, What is thy name, that when thy sayings come to pass we may do thee honour?

As dooyrt ainle y Chiarn rish, Cre'n fa t'ou fenaght myr shoh lurg m'ennym's, ta folliaght?

And the angel of the Lord said unto him, Why askest thou thus after my name, seeing it is secret?

Myr shen ghow Manoah mannan, as oural-arran, as heb eh shen er y chreg gys y Chiarn: as ren yn ainle red yindyssagh; as va Manoah as e ven jeeaghyn er.

So Manoah took a kid with a meat offering, and offered it upon a rock unto the Lord: and the angel did wonderously; and Manoah and his wife looked on.

Son shen myr ve, tra hrog y lossey seose 'syn aer veih'n altar, dy jagh ainle y Chiarn seose ayns y lossey: as tra honnick Manoah as e ven shoh, huitt ad er nyn eddin gys y thalloo.

For it came to pass, when the flame went up toward heaven from off the altar, that the angel of the Lord ascended in the flame of the altar. And Manoah and his wife looked on it, and fell on their faces to the ground.

Agh cha daink ainle y Chiarn arragh fenish Manoah as e ven. Eisht va fys ec Manoah dy nee ainle y Chiarn v'ayn.

But the angel of the Lord did no more appear to Manoah and to his wife. Then Manoah knew that he was an angel of the Lord.

As dooyrt Manoah rish y ven, Yiow mayd dy shickyr baase, son dy vel shin er vakin Jee.

And Manoah said unto his wife, We shall surely die, because we have seen God.

Agh dooyrt e ven rish, My ve aigney'n Chiarn dy ghoaill nyn mioys, cha row eh er n'yannoo soiagh jeh oural-losht as oural-arran veih nyn laueyn, chamoo veagh eh er hoilshaghey dooin ooilley ny reddyn shoh, ny ee y traa shoh er n'insh dooin cre ta ry-heet.

But his wife said unto him, If the Lord were pleased to kill us, he would not have received a burnt offering and a meat offering at our hands, neither would he have shewed us all these things, nor would as at this time have told us such things as these.

As ren y ven gymmyrkey mac, as denmys ad eh Samson: as daase y lhiannoo, as ren y Chiarn eh y vannaghey.

And the woman bare a son, and called his name Samson: and the child grew, and the Lord blessed him.

As ren Spyrryd y Chiarn toshiaght dy ghreinnaghey eh nish as reesht myr v'eh ayns camp Dan, eddyr Zorah as Eshtaol.

And the Spirit of the Lord began to move him at times in the camp of Dan between Zorah and Eshtaol.