The Bible


As vannee Jee Noah as e vec; as dooyrt eh roo, Bee-jee messoil, as jean-jee bishaghey, as jean-jee yn seihll y aa-lheeiney.

And God blessed Noah and his sons, and said unto them, Be fruitful, and multiply, and replenish the earth.


As bee yn aggle as yn arrym reue-ish er ooilley beiyn y thallooin as er ooilley eeanlee yn aer, er ooilley ny ta gleashagh er y thalloo, as ooilley eeastyn ny marrey: fo yn laue euish t'ad er nyn goyrt.

And the fear of you and the dread of you shall be upon every beast of the earth, and upon every fowl of the air, upon all that moveth upon the earth, and upon all the fishes of the sea; into your hand are they delivered.


Bee dy chooilley chretoor ta bioys ayn son beaghey diu; eer myr glassyragh y vagher ta mee er choyrt diu dy chooilley nhee:

Every moving thing that liveth shall be meat for you; even as the green herb have I given you all things.


Agh feill lesh y vioys t'ayn, ta shen, yn uill, cha jean shiu gee.

But flesh with the life thereof, which is the blood thereof, shall ye not eat.


As dy shickyr, son fuill nyn mioys shir-yms cooilleeney: jeh dy chooilley vaagh hir-yms eh; as veih laue dooinney, veih laue braar dagh dooinney; neem's bioys dooinney y hirrey.

And surely your blood of your lives will I require; at the hand of every beast will I require it, and at the hand of man; at the hand of every man's brother will I require the life of man.


Quoi erbee ta deayrtey fuill dooinney liorish dooinney bee yn uill echeysyn er ny gheayrtey; son ayns caslys Yee hie dooinney er croo.

Whoso sheddeth man's blood, by man shall his blood be shed: for in the image of God made he man.


As shiuish, bee-jee messoil, as jean-jee bishaghey; as coamree-jee yn seihll dy palchey, as jean-jee bishaghey ayn.

And you, be ye fruitful, and multiply; bring forth abundantly in the earth, and multiply therein.


As loayr Jee rish Noah, as rish e vec mârish, gra,

And God spake unto Noah, and to his sons with him, saying,


As mish, cur-my-ner, ta mish niartaghey my chonaant riuish, as nyn sluight nyn yeï;

And I, behold, I establish my covenant with you, and with your seed after you;


As rish dagh cretoor bio ta meriu, jeh ny eeanlee, jeh yn ollagh, as jeh ooilley beiyn y thallooin meriu, veih ooilley ny ta goll magh ass yn arg, gys ooilley beiyn y thallooin.

And with every living creature that is with you, of the fowl, of the cattle, and of every beast of the earth with you; from all that go out of the ark, to every beast of the earth.


As neem's my chonaant y niartaghey riuish: chamoo vees dy chooilley eill er ny ghiarey jeh arragh liorish ushtaghyn y thooilley: chamoo vees thooilley arragh ayn dy stroie yn seihll.

And I will establish my covenant with you, neither shall all flesh be cut off any more by the waters of a flood; neither shall there any more be a flood to destroy the earth.


As dooyrt Jee, Shoh cowrey yn chonaant ta mee dy yannoo eddyr mish, as shiuish, as dagh cretoor bio ta meriu, son sheelogheyn foddey beayn:

And God said, This is the token of the covenant which I make between me and you and every living creature that is with you, for perpetual generations:


Ta mee soiaghey my gholl-twoaie ayns y vodjal, as bee eh son cowrey jeh yn chonaant ta eddyr mish as y seihll.

I do set my bow in the cloud, and it shall be for a token of a covenant between me and the earth.


As hig eh gy-kione, tra verym lhiam bodjal harrish y thalloo, dy bee yn goll-twoaie ry akin 'sy vodjal.

And it shall come to pass, when I bring a cloud over the earth, that the bow shall be seen in the cloud:


As cooin-yms er my chonaant, ta eddyr mish as shiuish, as dy chooilley chretoor bio, jeh dy chooilley eill; as cha jig ny ushtaghyn arragh, dy ve ny hooilley dy stroie dy chooilley eill.

And I will remember my covenant, which is between me and you and every living creature of all flesh; and the waters shall no more become a flood to destroy all flesh.


As bee yn goll-twoaie ayns y vodjal; as jeeagh-ym er, dy vod-ym cooinaghtyn er y chonaant dy bragh farraghtyn, ta eddyr Jee as dy chooilley chretoor bio, jeh dy chooilley eill t'er y thalloo.

And the bow shall be in the cloud; and I will look upon it, that I may remember the everlasting covenant between God and every living creature of all flesh that is upon the earth.


As dooyrt Jee rish Noah, Shoh cowrey yn chonaant ta mee er hickyraghey eddyr mish as dy chooilley eill t'er y thalloo.

And God said unto Noah, This is the token of the covenant, which I have established between me and all flesh that is upon the earth.


As mec Noah, hie magh ass yn arg v'ad Shem, as Ham, as Japheth: as Ham va ayr Chanaan.

And the sons of Noah, that went forth of the ark, were Shem, and Ham, and Japheth: and Ham is the father of Canaan.


Ad shoh nyn droor mec Noah: as lioroosyn va'n slane seihll jeant magh lesh cummaltee.

These are the three sons of Noah: and of them was the whole earth overspread.


As ghow Noah toshiaght dy obbraghey yn thalloo: as ren eh garey-feeyney y hoiaghey.

And Noah began to be an husbandman, and he planted a vineyard:


As diu eh jeh'n feeyn, as v'eh er meshtey, as v'eh rooisht ayns e chabbane.

And he drank of the wine, and was drunken; and he was uncovered within his tent.


As honnick Ham ayr Chanaan nearey e ayrey, as dinsh eh shoh da e ghaa vraar v'er cheumooie jeh'n chabbane.

And Ham, the father of Canaan, saw the nakedness of his father, and told his two brethren without.


As ghow Shem as Japheth garmad, as hug ad eh er nyn gheayltyn, as hie ad gour nyn drommey, as choodee ad nearey nyn ayrey: as va nyn eddinyn chyndait, as cha vaik ad yn nearey echey.

And Shem and Japheth took a garment, and laid it upon both their shoulders, and went backward, and covered the nakedness of their father; and their faces were backward, and they saw not their father's nakedness.


As ghooisht Noah lurg y feeyn, as hooar eh fys cre va e vac saa er n'yannoo rish.

And Noah awoke from his wine, and knew what his younger son had done unto him.


As dooyrt eh, Cursit vees Canaan; sharvaant dy harvaantyn vees eh da e vraaraghyn.

And he said, Cursed be Canaan; a servant of servants shall he be unto his brethren.


As dooyrt eh, Bannit dy row Chiarn Jee Shem, as bee Canaan e harvaant.

And he said, Blessed be the Lord God of Shem; and Canaan shall be his servant.


As ver Jee reill da Japheth, (harrish mooarane cheeraghyn) as nee eh cummal ayns cabbaneyn Shem, as bee Canaan e harvaant.

God shall enlarge Japheth, and he shall dwell in the tents of Shem; and Canaan shall be his servant.


As va Noah bio lurg y thooilley, three cheead as jeih bleeaney as da-eed.

And Noah lived after the flood three hundred and fifty years.


As va slane eash Noah nuy cheead bleïn as jeih as da-eed: as hooar eh baase.

And all the days of Noah were nine hundred and fifty years: and he died.