The Bible


As yeeagh eh dou awin glen dy ushtey yn vea, sollys myr crystal, gell magh ass stoyl-reeoil Yee, as yn Eayn.

And he shewed me a pure river of water of life, clear as crystal, proceeding out of the throne of God and of the Lamb.


Ayns mean y straid eck, as er y dagh cheu jeh'n awin, va billey yn vea, ve ceau daa cheint jeig dy vessyn, as ren gymmyrkey mess dy chooilley vee: as va duillagyn y villey son slaynt ny Hashoonyn.

In the midst of the street of it, and on either side of the river, was there the tree of life, which bare twelve manner of fruits, and yielded her fruit every month: and the leaves of the tree were for the healing of the nations.


As cha bee mollaght arragh: agh bee stoyl-reeoil Yee, as yn Eayn aynjee: as nee e harvaantyn eshyn y hirveish.

And there shall be no more curse: but the throne of God and of the Lamb shall be in it; and his servants shall serve him:


As hee ad yn eddin echey: as bee'n ennym echey scruit er glaare nyn eddinyn.

And they shall see his face; and his name shall be in their foreheads.


As cha bee oie edyr ayns shen, as cha vel ad feme cainle, chamoo soilshey'n ghrian; son ta'n Chiarn Jee coyrt soilshey daue: as nee ad reill son dy bragh as dy bragh.

And there shall be no night there; and they need no candle, neither light of the sun; for the Lord God giveth them light: and they shall reign for ever and ever.


As dooyrt eh rhym, Ta ny raaghyn shoh firrinagh as ynrick. As ta'n Chiarn Jee jeh ny phadeyryn casherick er choyrt e ainle dy hoilshaghey da e harvaantyn ny reddyn shegin dy gerrit v'er nyn gooilleeney.

And he said unto me, These sayings are faithful and true: and the Lord God of the holy prophets sent his angel to shew unto his servants the things which must shortly be done.


Cur-my-ner, ta mee cheet dy tappee bannit ta eshyn ta freayll raaghyn phadeyrys y lioar shoh.

Behold, I come quickly: blessed is he that keepeth the sayings of the prophecy of this book.


As honnick mish Ean ny reddyn shoh as cheayll mee ad. As erreish dou ve er chlashtyn as er vakin, huitt mee sheese dy chur ooashley ec cassyn yn ainle, hoilshee ny reddyn shoh dou.

And I John saw these things, and heard them. And when I had heard and seen, I fell down to worship before the feet of the angel which shewed me these things.


Eisht dooyrt eh rhym, Jeeagh nagh jean oo: son ta mish dty heshey harvaant, as jeh dty vraaraghyn ny phadeyryn, as jeusyn ta freayll raaghyn y lioar shoh: cur ooashley da Jee.

Then saith he unto me, See thou do it not: for I am thy fellowservant, and of thy brethren the prophets, and of them which keep the sayings of this book: worship God.


As dooyrt eh rhym, Ny seal raaghyn phadeyrys y lioar shoh: son ta'n traa er-gerrey.

And he saith unto me, Seal not the sayings of the prophecy of this book: for the time is at hand.


Lhig dasyn ta neu-chairagh, ve dy kinjagh neu-chairagh: as lhig dasyn ta neu-ghlen, ve kinjagh neu-ghlen: as lhig dasyn ta cairagh, ve kinjagh cairagh: as lhig dasyn ta casherick, ve kinjagh casherick.

He that is unjust, let him be unjust still: and he which is filthy, let him be filthy still: and he that is righteous, let him be righteous still: and he that is holy, let him be holy still.


As cur-my-ner, ta mee cheet dy tappee; as ta my leagh mârym, dy choyrt da dy chooilley ghooinney cordail rish e obbraghyn

And, behold, I come quickly; and my reward is with me, to give every man according as his work shall be.


Mish Alpha as Omega, yn toshiaght as y jerrey, yn chied er as y fer s'jerree.

I am Alpha and Omega, the beginning and the end, the first and the last.


Bannit t'adsyn ta cooilleeney e annaghyn, dy vod cairys ve oc gys billey yn vea, as dy vod ad goll stiagh er ny giattyn gys yn ard-valley.

Blessed are they that do his commandments, that they may have right to the tree of life, and may enter in through the gates into the city.


Son cheu-mooie ta moddee, as fir-obbee, as maarderee, as dunveryn, as adsyn ta cur ooashley da jallooyn, as quoi erbee shynney lesh as ta jannoo breg.

For without are dogs, and sorcerers, and whoremongers, and murderers, and idolaters, and whosoever loveth and maketh a lie.


Ta mish Yeesey er choyrt my ainle dy ve feanish diu jeh ny reddyn shoh ayns ny kialteenyn. Mish fraue as sluight Ghavid, as rollage sollys y voghrey.

I Jesus have sent mine angel to testify unto you these things in the churches. I am the root and the offspring of David, and the bright and morning star.


As ta'n Spyrryd as ben y phoosee gra, Tar-jee. As lhig dasyn ta clashtyn, gra, Tar-jee. As lhig dasyn ta paagh cheet: As lhig da quoi-erbee saillish goaill ushtey yn vea nastee.

And the Spirit and the bride say, Come. And let him that heareth say, Come. And let him that is athirst come. And whosoever will, let him take the water of life freely.


Son ta mee gymmyrkey feanish gys dy chooilley ghooinney ta clashtyn goan phadeyrys yn lioar shoh, My nee dooinney erbee cur veg smoo gys ny reddyn shoh, ver Jee ersyn ny briwnyssyn trome ta scruit ayns y lioar shoh:

For I testify unto every man that heareth the words of the prophecy of this book, If any man shall add unto these things, God shall add unto him the plagues that are written in this book:


As my ghoys dooinney erbee veg ersooyl veih goan lioar y phadeyrys shoh, gow-ee Jee ersooyl yn ayrn echeysyn ass lioar y vea, as ass yn ard-valley casherick, as veih ny reddyn ta scruit 'sy lioar shoh.

And if any man shall take away from the words of the book of this prophecy, God shall take away his part out of the book of life, and out of the holy city, and from the things which are written in this book.


T'eshyn ta gymmyrkey feanish gys ny reddyn shoh, gra, Dy firrinagh ta mee cheet dy tappee. Amen. Eer myr shoh, tar Hiarn Yeesey.

He which testifieth these things saith, Surely I come quickly. Amen. Even so, come, Lord Jesus.


Grayse nyn Jiarn Yeesey Creest dy row mêriu ooilley. Amen.

The grace of our Lord Jesus Christ be with you all. Amen.