The Bible


As honnick mee ainle cheet neose veih niau, lesh ogher yn diunid gyn-grunt, as geuley mooar ayns e laue.

And I saw an angel come down from heaven, having the key of the bottomless pit and a great chain in his hand.


As haare eh greme er y dragon yn chenn ard nieu shen, ta'n jouyl as Satan, as ren eh eh y chiangley son thousane bleïn,

And he laid hold on the dragon, that old serpent, which is the Devil, and Satan, and bound him a thousand years,


As hilg eh eh ayns y diunid gyn-grunt, as yeigh eh seose eh, as hug eh seal er, nagh jinnagh eh molley ny ashoonyn arragh, derrey veagh y thousane bleïn ec kione: as ny lurg shen, shegin da ve feayshlit son traa giare.

And cast him into the bottomless pit, and shut him up, and set a seal upon him, that he should deceive the nations no more, till the thousand years should be fulfilled: and after that he must be loosed a little season.


As honnick mee stuill-reeoil, as hoie ad orroo, as va briwnys er ny choyrt daue: as honnick mee ny anmeenyn ocsyn va'n kione goit jeu son gymmyrkey feanish da Yeesey, as er coontey goo Yee, as nagh row er choyrt ooashley da'n veisht ny da e yalloo, chamoo va er ghoaill e chowrey er glaare nyn eddinyn, ny er nyn laueyn; as v'ad bio as reill marish Creest thousane bleïn.

And I saw thrones, and they sat upon them, and judgment was given unto them: and I saw the souls of them that were beheaded for the witness of Jesus, and for the word of God, and which had not worshipped the beast, neither his image, neither had received his mark upon their foreheads, or in their hands; and they lived and reigned with Christ a thousand years.


Agh cha ren y chooid elley jeh ny merriu bioghey reesht derrey va'n thousane blein ec kione. Shoh yn chied irree-seose-reesht.

But the rest of the dead lived not again until the thousand years were finished. This is the first resurrection.


Maynrey as casherick t'eshyn ta ayrn echey ayns y chied irree-seose-reesht: orroo shoh cha vel pooar ec y nah vaase, agh bee ad saggyrtyn Yee, as Chreest, as nee ad reill marish son thousane bleïn.

Blessed and holy is he that hath part in the first resurrection: on such the second death hath no power, but they shall be priests of God and of Christ, and shall reign with him a thousand years.


As tra ta ny thousane bleïn ec kione, bee Satan er ny eaysley ass e phryssoon.

And when the thousand years are expired, Satan shall be loosed out of his prison,


As hed eh magh dy volley ny ashoonyn t'ayns ny kiare ayrnyn jeh'n theihll, Gog as Magog, dy haglym ad dy cheilley gys caggey: nyn earroo ta myr genniagh ny marrey.

And shall go out to deceive the nations which are in the four quarters of the earth, Gog, and Magog, to gather them together to battle: the number of whom is as the sand of the sea.


As hie ad seose er lheead ny hooirey as chruinnee ad camp ny nooghyn er dy chooilley heu, as yn ard valley casherick: as haink aile neose ass niau veih Jee, as stroie eh ad.

And they went up on the breadth of the earth, and compassed the camp of the saints about, and the beloved city: and fire came down from God out of heaven, and devoured them.


As va'n jouyl ren ad y volley, er ny hilgey ayns y logh dy aile as brimstone, raad ta'n veisht as y phadeyr foalsey, as bee ad er nyn dorchaghey oie as laa son dy bragh as dy bragh.

And the devil that deceived them was cast into the lake of fire and brimstone, where the beast and the false prophet are, and shall be tormented day and night for ever and ever.


As honnick mee stoyl-reeoil mooar gial as eshyn va ny hoie er, veih e enish ren niau as thalloo chea ersooyl, as cha row ynnyd ry-gheddyn er nyn son.

And I saw a great white throne, and him that sat on it, from whose face the earth and the heaven fled away; and there was found no place for them.


As honnick mec ny merriu, beg as mooar, nyn shassoo fenish Yee; as va ny lioaryn foshlit: as va lioar elley foshlit, ta lioar y yea: as va ny merriu er nyn mriwnys liorish ny reddyn shen va scruit ayns ny lioaryn, cordail rish nyn obbraghyn.

And I saw the dead, small and great, stand before God; and the books were opened: and another book was opened, which is the book of life: and the dead were judged out of those things which were written in the books, according to their works.


As livrey yn aarkey seose ny merriu v'aynjee, as ren y baase as yn oaie adsyn y livrey seose v'ayndoo: as va dy chooilley ghooinney er ny vriwnys cordail rish e obbraghyn.

And the sea gave up the dead which were in it; and death and hell delivered up the dead which were in them: and they were judged every man according to their works.


As va'n baase as yn oaie er nyn dilgey ayns y logh dy aile: Shoh'n nah vaase.

And death and hell were cast into the lake of fire. This is the second death.


As quoi-erbee nagh row ry-gheddyn scruit ayns lioar y vea, v'ad er nyn dilgey ayns y logh dy aile.

And whosoever was not found written in the book of life was cast into the lake of fire.