The Bible


As va cuirtlagh er ny choyrt dou goll-rish lorg-howshan: as hass yn ainle gra, Trog ort, as gow towshan jeh chiamble Yee, as yn altar, as adsyn ta coyrt ooashley ayn.

And there was given me a reed like unto a rod: and the angel stood, saying, Rise, and measure the temple of God, and the altar, and them that worship therein.


Agh y chooyrt ta cheu-mooie jeh'n chiamble, faag voïd eh, as ny towse eh; son te er ny choyrt da ny Ashoonee: as yn ard-valley casherick stampee ad fo-chosh daa vee as da-eed.

But the court which is without the temple leave out, and measure it not; for it is given unto the Gentiles: and the holy city shall they tread under foot forty and two months.


As ver-yms pooar da my ghaa eanish, as nee ad phadeyrys thousane daa cheead as three-feed laa coamrit ayns aanrit-sack.

And I will give power unto my two witnesses, and they shall prophesy a thousand two hundred and threescore days, clothed in sackcloth.


Ad shoh yn daa villey-olive, as y daa chainleyr shassoo kionfenish Jee yn theihll.

These are the two olive trees, and the two candlesticks standing before the God of the earth.


As my nee dooinney erbee aggair daue, ta aile cheet magh ass nyn meeal, dy stroie nyn noidyn: as my nee dooinney erbee aggair daue, shoh myr vees eh er ny choyrt dy baase.

And if any man will hurt them, fire proceedeth out of their mouth, and devoureth their enemies: and if any man will hurt them, he must in this manner be killed.


Oc shoh ta pooar dy yeigh niau, nagh bee fliaghey ayn rish traa yn phadeyrys oc: as ta pooar oc harrish ny ushtaghyn dy hyndaa ad ayns fuill, as dy woalley yn thalloo lesh dy chooilley cherraghey, cha mennick as sailliu.

These have power to shut heaven, that it rain not in the days of their prophecy: and have power over waters to turn them to blood, and to smite the earth with all plagues, as often as they will.


As tra vees ad er chooilleeney nyn veanish, nee'n veisht ta girree ass y diunid gyn-grunt, caggey nyn 'oï, as yiow eh yn varriaght harrystoo, as ver eh ad dy baase.

And when they shall have finished their testimony, the beast that ascendeth out of the bottomless pit shall make war against them, and shall overcome them, and kill them.


As nee ny kirp marroo oc lhie ayns straid yn ard-valley vooar, ta ayns aght spyrrydoil enmyssit Sodom as Egypt, raad myrgeddin va nyn Jiarn er ny chrossey.

And their dead bodies shall lie in the street of the great city, which spiritually is called Sodom and Egypt, where also our Lord was crucified.


As nee adsyn jeh'n pobble, as jeh ny kynneeyn, as ny glaraghyn, as ny ashoonyn fakin ny kirp marroo oc three laa dy lieh as cha lhig ad da ny kirp marroo oc dy ve oanluckit.

And they of the people and kindreds and tongues and nations shall see their dead bodies three days and an half, and shall not suffer their dead bodies to be put in graves.


As bee cummaltee yn thallooin boggyssagh harrystoo, as bee ad gennal, as ver ad giootyn da 'cheilley; er-yn-oyr dy ren y daa phadeyr shoh adsyn y heaghney va baghey er y thalloo.

And they that dwell upon the earth shall rejoice over them, and make merry, and shall send gifts one to another; because these two prophets tormented them that dwelt on the earth.


As lurg three laa dy lieh, hie'n Spyrryd dy vea veih Jee stiagh ayndoo: as hass ad er nyn gassyn, as huitt aggle mooar orroosyn honnick ad.

And after three days and an half the spirit of life from God entered into them, and they stood upon their feet; and great fear fell upon them which saw them.


As cheayll ad coraa ard veih niau, gra roo, Tar-jee seose gys shoh. As hie ad seose gys niau ayns bodjal, as honnick nyn noidyn ad.

And they heard a great voice from heaven saying unto them, Come up hither. And they ascended up to heaven in a cloud; and their enemies beheld them.


As 'syn oor cheddin va craa mooar thallooin ayn, as huitt yn jeihoo ayrn jeh'n ard-valley, as ayns y craa-thallooin v'er nyn stroie shiaght thousane dooinney: as v'adsyn va er-mayrn atchimagh, as hug ad gloyr da Jee t'ayns niau.

And the same hour was there a great earthquake, and the tenth part of the city fell, and in the earthquake were slain of men seven thousand: and the remnant were affrighted, and gave glory to the God of heaven.


Ta'n nah cherraghey harrish, as cur-my-ner, ta'n trass cheet dy tappee.

The second woe is past; and, behold, the third woe cometh quickly.


As heid y chiaghtoo ainle, as va coraaghyn mooarey ayns niau, gra, Ta reeriaghtyn y theihll er jeet dy ve reeriaghtyn nyn Jiarn, as y Creest echey, as nee eh reill son dy bragh as dy bragh.

And the seventh angel sounded; and there were great voices in heaven, saying, The kingdoms of this world are become the kingdoms of our Lord, and of his Christ; and he shall reign for ever and ever.


As ny kiare shanstyryn as feed, va nyn soie kiongoyrt rish Jee er nyn stuill-reeoil huitt ad sheese er nyn eddinyn, as hug ad ooashley da Jee,

And the four and twenty elders, which sat before God on their seats, fell upon their faces, and worshipped God,


Gra, Ta shin cur booise dhyt's, O Hiarn Yee Ooilley-niartal ta, as va, as ta ry-heet; son dy vel oo er ghoaill hood hene dty phooar vooar, as er reill.

Saying, We give thee thanks, O Lord God Almighty, which art, and wast, and art to come; because thou hast taken to thee thy great power, and hast reigned.


As va ny ashoonyn corree, as ta dty yymmoose er jeet, as traa ny merriu dy ve er nyn mriwnys, as uss dy choyrt leagh da dty harvaantyn ny phadeyryn, as da ny nooghyn, as dauesyn ta goaill aggle roish dty ennym, beg as mooar, as dy stroie adsyn ta milhey'n seihll.

And the nations were angry, and thy wrath is come, and the time of the dead, that they should be judged, and that thou shouldest give reward unto thy servants the prophets, and to the saints, and them that fear thy name, small and great; and shouldest destroy them which destroy the earth.


As va chiamble Yee er ny osley ayns niau, as va arg e chonaant er ny akin ayns e hiamble: as va tendreilyn, as coraaghyn, as taarnaghyn, as craa-hallooin, as claghyn mooarey sniaghtee.

And the temple of God was opened in heaven, and there was seen in his temple the ark of his testament: and there were lightnings, and voices, and thunderings, and an earthquake, and great hail.