- 1 Samuel
- 2 Samuel
- 1 Kings
- 2 Kings
- 1 Chronicles
- 2 Chronicles
- Psalm 1
- Song of Solomon
- 1 Corinthians
- 2 Corinthians
- 1 Thessalonians
- 2 Thessalonians
- 1 Timothy
- 2 Timothy
- 1 Peter
- 2 Peter
- 1 John
- 2 John
- 3 John
Jude sharvaant Yeesey Creest, as braar Yamys, hucsyn ta er nyn gasherickey liorish Jee yn Ayr, as er nyn goadey ayns Yeesey Creest, as er nyn eam:
Jude, the servant of Jesus Christ, and brother of James, to them that are sanctified by God the Father, and preserved in Jesus Christ, and called:
Myghin dy row hiu, as shee, as graih er nyn mishaghey.
Mercy unto you, and peace, and love, be multiplied.
Chaarjyn, tra va mish ayns lane imnea dy scrieu hiuish mychione y taualtys cadjin ve ymmyrchagh dooys dy scrieu hiu, as dy choyrlaghey shiu dy jeean dy hassoo seose son y chredjue va un cheayrt er ny livrey da ny nooghyn.
Beloved, when I gave all diligence to write unto you of the common salvation, it was needful for me to write unto you, and exhort you that ye should earnestly contend for the faith which was once delivered unto the saints.
Son ta shiartanse dy gheiney dy steetagh er hayrtyn stiagh, nyn gour va'n vriwnys shoh roïe er ny oardaghey; deiney mee-chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.
For there are certain men crept in unawares, who were before of old ordained to this condemnation, ungodly men, turning the grace of our God into lasciviousness, and denying the only Lord God, and our Lord Jesus Christ.
Baill-ym er-y-fa shen shiu y choyrt ayns cooinaghtyn, ga dy row fys eu er shoh keayrt dy row, kys dy ren y Chiarn erreish da ve er hauail y pobble ass cheer Egypt, ny lurg shen adsyn y stroie nagh ren credjal.
I will therefore put you in remembrance, though ye once knew this, how that the Lord, having saved the people out of the land of Egypt, afterward destroyed them that believed not.
As ny ainleyn nagh dreill yn chied stayd oc hene, agh daag nyn gummallyn cooie, t'eh er vreayll ayns geulaghyn dy bragh farraghtyn fo dorraghys cour briwnys yn laa mooar.
And the angels which kept not their first estate, but left their own habitation, he hath reserved in everlasting chains under darkness unto the judgment of the great day.
Dy jarroo myr ta Sodom as Gomorrha as ny ard-valjyn mygeayrt-y-moo, ren er yn aght cheddin ad-hene y choyrt seose gys maarderys, as geiyrt er feill neu-ghooghyssagh, er nyn soiaghey magh son sampleyr, surranse kerraghey dowil yn aile dy bragh farraghtyn.
Even as Sodom and Gomorrha, and the cities about them in like manner, giving themselves over to fornication, and going after strange flesh, are set forth for an example, suffering the vengeance of eternal fire.
Er yn aght cheddin neesht ta ny branlaadee shoh sollaghey yn eill, soiaghey beg jeh reilltys, as goltooaney ny pooaraghyn syrjey.
Likewise also these filthy dreamers defile the flesh, despise dominion, and speak evil of dignities.
Agh Michael yn ard-ainle, tra ayns streeu rish y drogh-spyrryd, v'eh pleadeil mychione corp Voses, cha ghow eh er dy choyrt stiagh plaiynt oltooanagh n'oï agh dooyrt eh, Dy der y Chiarn oo dty-host.
Yet Michael the archangel, when contending with the devil he disputed about the body of Moses, durst not bring against him a railing accusation, but said, The Lord rebuke thee.
Agh t'ad shoh loayrt dy olkyssagh jeh ny reddyn shen nagh vel ad dy hoiggal: agh shen ny t'ad toiggal dy dooghyssagh, myr beïyn gyn resoon; ayndoo shen t'ad stroie ad-hene.
But these speak evil of those things which they know not: but what they know naturally, as brute beasts, in those things they corrupt themselves.
S'merg daue; son t'ad er n'immeeaght ayns raad Cain, as er roie dy jeean lurg shaghrynys Balaam son faill, as er jerraghtyn ayns irree-magh Core.
Woe unto them! for they have gone in the way of Cain, and ran greedily after the error of Balaam for reward, and perished in the gainsaying of Core.
T'ad shoh spuitt ayns nyn guirraghyn dy ghraih, tra t'ad ec gien mêriu, lhieeney ad-hene fegooish aggle: bodjallyn t'ad gyn tushtey, eebrit lesh y gheay; biljyn ta'n blaa oc fioghey, fegooish mess, keayrt as keayrt er n'gholl naardey, astyrit ass ny fraueyn;
These are spots in your feasts of charity, when they feast with you, feeding themselves without fear: clouds they are without water, carried about of winds; trees whose fruit withereth, without fruit, twice dead, plucked up by the roots;
Tonnyn freaynagh yn aarkey, keshal magh yn nearey oc hene; rollageyn rouail, daue ta kiarit yn dooid dy ghorraghys son dy bragh.
Raging waves of the sea, foaming out their own shame; wandering stars, to whom is reserved the blackness of darkness for ever.
As ren Enoch myrgeddin, yn chiaghtoo jeh kynney Adam phadeyrys mychione oc shoh, gra, Cur-my-ner ta'n Chiarn cheet lesh jeih thousaneyn jeh e nooghyn casherick.
And Enoch also, the seventh from Adam, prophesied of these, saying, Behold, the Lord cometh with ten thousands of his saints,
Dy chooilleeney briwnys orroo ooilley, as dy gheyrey ooilley ny mee-chrauee ny vud oc, son ooilley nyn obbraghyn meechrauee, t'ad dy mee-chrauee er n'yannoo, as son ooilley ny goan l?nagh ta peccee mee-chrauee er loayrt n'o?.
To execute judgment upon all, and to convince all that are ungodly among them of all their ungodly deeds which they have ungodly committed, and of all their hard speeches which ungodly sinners have spoken against him.
T'ad shoh sleih ta tollagh, plaiyntee gyn oyr, gimmeeaght lurg nyn yeearreeyn hene; as ta'n beeal oc loayrt focklyn mooarey dy ardail, brynneragh rish persoonyn deiney er graih cosney.
These are murmurers, complainers, walking after their own lusts; and their mouth speaketh great swelling words, having men's persons in admiration because of advantage.
Agh, chaarjyn, cooinee-jee er ny goan va roie loayrit liorish ostyllyn nyn Jiarn Yeesey Creest:
But, beloved, remember ye the words which were spoken before of the apostles of our Lord Jesus Christ;
Kys dinsh ad diu, dy beagh craidoilee ayns ny laghyn s'jerree, yinnagh gimmeeaght lurg ny yeearreeyn meechrauee oc hene.
How that they told you there should be mockers in the last time, who should walk after their own ungodly lusts.
Shoh ad ta scarrey ad-hene voin, sleih foalley, fegooish Spyrryd Yee.
These be they who separate themselves, sensual, having not the Spirit.
Agh shiuish, chaarjyn, troggal shiu hene er [undin] nyn gredjue smoo casherick, goaill padjer ayns y Spyrryd Noo,
But ye, beloved, building up yourselves on your most holy faith, praying in the Holy Ghost,
Freill-jee shiu hene ayns graih Yee, jerkal rish myghin nyn Jiarn Yeesey Creest gys bea by bragh farraghtyn.
Keep yourselves in the love of God, looking for the mercy of our Lord Jesus Christ unto eternal life.
As jeh paart gow-jee chymmey, jannoo reih jeu.
And of some have compassion, making a difference:
As feallagh elley saue-jee lesh aggle, myr dy beagh shiu dy hayrn ad ass yn aile; coyrt feoh eer da'n gharmad sollit liorish yn eill.
And others save with fear, pulling them out of the fire; hating even the garment spotted by the flesh.
Nish huggeysyn ta abyl dy reayll shiu veih tuittym, as dy hebbal shiu gyn loght kionfenish e ghloyr lesh boggey erskyn towse,
Now unto him that is able to keep you from falling, and to present you faultless before the presence of his glory with exceeding joy,
Gys yn ynrycan Jee creeney nyn Saualtagh, dy row gloyr as ard-ooashley, reill as pooar, nish as dy bragh. Amen.
To the only wise God our Saviour, be glory and majesty, dominion and power, both now and ever. Amen.