The Bible

Yn ostyl shinney gys my charrey graihagh Gaius, shynney lhiam. ayns yn irriney.

The elder unto the wellbeloved Gaius, whom I love in the truth.

Charrey, ta mee guee erskyn dy chooilley nhee dy jean uss bishaghey, as ve ayns slaynt, dy jarroo myr ta dt'annym bishaghey.

Beloved, I wish above all things that thou mayest prosper and be in health, even as thy soul prospereth.

Son s'mooar va my voggey, tra haink ny braaraghyn as hoilshee ad dou mychione yn ynrickys t'aynyd's, dy jarroo myr t'ou gimmeeaght ayns yn irriney.

For I rejoiced greatly, when the brethren came and testified of the truth that is in thee, even as thou walkest in the truth.

Cha vel boggey smoo aym na dy chlashtyn dy vel my chloan gimmeeaght ayns yn irriney.

I have no greater joy than to hear that my children walk in truth.

Charrey, t'ou jannoo dy credjuagh cre-erbee t'ou jannoo son ny braaraghyn, as son joarreeyn;

Beloved, thou doest faithfully whatsoever thou doest to the brethren, and to strangers;

T'er n'ymmyrkey feanish jeh dty ghiastyllys kiongoyrt rish yn agglish: ad my ver oo er nyn doshiaght er nyn yurnah lurg aght creestee, nee oo dy mie:

Which have borne witness of thy charity before the church: whom if thou bring forward on their journey after a godly sort, thou shalt do well:

Er-yn-oyr dy nee er graih yn ennym echeysyn hie ad magh, fegooish goaill veg veih ny Ashoonee.

Because that for his name's sake they went forth, taking nothing of the Gentiles.

Shen-y-fa lhisagh shin oltaghey-bea 'choyrt da nyn lheid, dy vod mayd ve fir-choonee gys yn irriney.

We therefore ought to receive such, that we might be fellowhelpers to the truth.

Scrieu mee gys yn agglish: agh Diotrephes, va shêgin er yn ard-reill nyn mast oc cha ren eh soiagh j'in.

I wrote unto the church: but Diotrephes, who loveth to have the preeminence among them, receiveth us not.

Shen-y-fa, my hig-ym, cooin-ym er e obbraghyn t'eh dy yannoo, loayrt nyn 'oï lesh goan oltooanagh: as gyn ve booiagh lesh shoh, chamoo t'eh hene coyrt oltaghey-bea da ny braaraghyn, agh t'eh dy lhiettal adsyn bailliu ve giastyllagh, as giarey ad magh veih'n agglish.

Wherefore, if I come, I will remember his deeds which he doeth, prating against us with malicious words: and not content therewith, neither doth he himself receive the brethren, and forbiddeth them that would, and casteth them out of the church.

Charrey, ny eiyr er yn olk, agh er shen ta mie. Eshyn ta jannoo mie, t'eh jeh Jee agh eshyn ta jannoo olk, cha vel eh er vakin Jee.

Beloved, follow not that which is evil, but that which is good. He that doeth good is of God: but he that doeth evil hath not seen God.

Ta goo mie ec Demetrius veih dy chooilley ghooinney, as veih'n irriney hene: dy jarroo, as ta shinyn myrgeddin gymmyrkey feanish, as ta fys eu dy vel y feanish ainyn firrinagh.

Demetrius hath good report of all men, and of the truth itself: yea, and we also bear record; and ye know that our record is true.

Va ymmodee reddyn aym dy scrieu, agh cha jean-ym lesh ink as pen scrieu hood:

I had many things to write, but I will not with ink and pen write unto thee:

Agh ta mee treishteil dy vaik-ym oo dy gerrit, as dy loayr mayd eddin ry eddin. Shee dy row hood. Ta nyn gaarjyn coyrt bea as slaynt hood. Cur my vannaght gys ny caarjyn [creestee] da dagh unnane er-lheh.

But I trust I shall shortly see thee, and we shall speak face to face. Peace be to thee. Our friends salute thee. Greet the friends by name.