The Bible

  • 1

Yn ostyl shinney gys y lady ooasle, as e cloan, shynney lhiam ayns yn irriney; as cha nee mish my lomarcan, agh myrgeddin adsyn ooilley ta toiggal oc jeh'n irriney;

The elder unto the elect lady and her children, whom I love in the truth; and not I only, but also all they that have known the truth;


Er graih yn irriney ta baghey aynin, as vees marin son dy bragh:

For the truth's sake, which dwelleth in us, and shall be with us for ever.


Grayse dy row meriu, myghin, as shee veih Jee yn Ayr, as veih'n Chiarn Yeesey Creest, Mac yn Ayr, ayns ynrickys as graih.

Grace be with you, mercy, and peace, from God the Father, and from the Lord Jesus Christ, the Son of the Father, in truth and love.


S'mooar va my voggey, dy dooar mee [paart] jeh dty chloan, gimmeeaght 'syn irriney, myr ta shin er gheddyn sarey veih'n Ayr.

I rejoiced greatly that I found of thy children walking in truth, as we have received a commandment from the Father.


As nish ta mee guee ort, lady, cha nee myr dy beign scrieu hood anney noa, agh shen ny v'ain veih'n toshiaght, dy der mayd graih yn derrey yeh da'n jeh elley.

And now I beseech thee, lady, not as though I wrote a new commandment unto thee, but that which we had from the beginning, that we love one another.


As shoh'n ghraih, dy jean mayd gimmeeaght cordail rish e annaghyn. Shoh'n anney, myr ta shiu er chlashtyn veih'n toshiaght, dy lhisagh shiu gimmeeaght ayn.

And this is love, that we walk after his commandments. This is the commandment, That, as ye have heard from the beginning, ye should walk in it.


Son ta ymmodee molteyryn er n'gholl magh fud y theihll, nagh vel goaill-rish dy, vel Yeesey Creest er jeet ayns yn eill. Shoh eh ta ny volteyr, as yn an-chreestee.

For many deceivers are entered into the world, who confess not that Jesus Christ is come in the flesh. This is a deceiver and an antichrist.


Jeeagh-jee diu hene nagh gaill mayd ny reddyn shen ta shin er chosney, agh dy vow mayd slane leagh.

Look to yourselves, that we lose not those things which we have wrought, but that we receive a full reward.


Quoi-erbee ta treigeil, as nagh vel tannaghtyn ayns ynsagh Chreest, cha vel Jee echey: eshyn ta tannaghtyn ayns ynsagh Chreest, t'echey chammah yn Ayr as y Mac.

Whosoever transgresseth, and abideth not in the doctrine of Christ, hath not God. He that abideth in the doctrine of Christ, he hath both the Father and the Son.


My hig fer erbee hiu, as nagh vel cur lesh mârish yn ynsagh shoh, ny cur-jee room thie da, chamoo bannee-jee da.

If there come any unto you, and bring not this doctrine, receive him not into your house, neither bid him God speed:


Son eshyn ta goltaghey da, t'eh paarteeas mârish ayns e ghrogh-yannoo.

For he that biddeth him God speed is partaker of his evil deeds.


Myr va ymmodee reddyn aym dy scrieu hiu, cha jinnin ad lesh paper as ink; agh ta mee treishteil dy heet hiu, as dy loayrt riu eddin ry eddin, dy vod y boggey ain ve jeant magh.

Having many things to write unto you, I would not write with paper and ink: but I trust to come unto you, and speak face to face, that our joy may be full.


Ta cloan dty huyr reiht cur bea as slaynt hood. Amen.

The children of thy elect sister greet thee. Amen.