The Bible

Quoi-erbee ta credjal dy nee Yeesey yn Creest, t'eh ruggit jeh Jee: as dy chooilley unnane ta graihagh ersyn ren geddyn, shynney lesh eshyn myrgeddin ta er ny gheddyn liorish.

Whosoever believeth that Jesus is the Christ is born of God: and every one that loveth him that begat loveth him also that is begotten of him.

Liorish shoh ta fys ain dy vel shin graihagh er cloan Yee, tra ta shin coyrt graih da Jee, as freayll e annaghyn.

By this we know that we love the children of God, when we love God, and keep his commandments.

Son shoh graih Yee, dy vreill mayd e annaghyn: as cha vel ny annaghyn echey trome.

For this is the love of God, that we keep his commandments: and his commandments are not grievous.

Son cre-erbee t'er ny ruggey jeh Jee, te geddyn barriaght er y theihll: as shoh yn varriaght ta cur y seihll fo-chosh, dy jarroo yn credjue ain.

For whatsoever is born of God overcometh the world: and this is the victory that overcometh the world, even our faith.

Quoi eh ta geddyn barriaght er y theihll, agh eshyn ta credjal dy nee Yeesey Mac Yee?

Who is he that overcometh the world, but he that believeth that Jesus is the Son of God?

Shoh eshyn haink liorish ushtey as fuill, dy jarroo Yeesey Creest; cha nee liorish ushtey ny-lomarcan, agh liorish ushtey as fuill: as she yn Spyrryd ta gymmyrkey feanish, er-yn-oyr dy vel y Spyrryd firrinys.

This is he that came by water and blood, even Jesus Christ; not by water only, but by water and blood. And it is the Spirit that beareth witness, because the Spirit is truth.

Son ta three ayn ta gymmyrkey feanish ayns niau, yn Ayr, yn Goo, as y Spyrryd Noo: as ta'n three shoh unnane.

For there are three that bear record in heaven, the Father, the Word, and the Holy Ghost: and these three are one.

As ta three ayn ta gymmyrkey feanish er y thalloo, yn spyrryd, as yn ushtey, as yn uill: as ta'n three shoh coardail ayns yn un red.

And there are three that bear witness in earth, the Spirit, and the water, and the blood: and these three agree in one.

My ta shin goaill feanish gheiney, ta feanish Yee ny s'troshey: son shoh feanish Yee, t'eh er n'ymmyrkey jeh e Vac.

If we receive the witness of men, the witness of God is greater: for this is the witness of God which he hath testified of his Son.

Eshyn ta credjal ayns Mac Yee, ta'n feanish echey ayn hene: eshyn nagh vel credjal Jee, t'eh er n'yannoo eh ny vreagerey; er-yn-oyr nagh vel eh credjal yn recortys ta Jee er n'ymmyrkey jeh e Vac.

He that believeth on the Son of God hath the witness in himself: he that believeth not God hath made him a liar; because he believeth not the record that God gave of his Son.

As shoh yn recortys, dy vel Jee er choyrt dooin yn vea dy bragh beayn: as ta'n vea shoh ayns e Vac.

And this is the record, that God hath given to us eternal life, and this life is in his Son.

Eshyn ta'n Mac echey, ta'n vea echey; as eshyn nagh vel yn Mac echey, cha vel echey yn vea

He that hath the Son hath life; and he that hath not the Son of God hath not life.

Ny reddyn shoh ta mee er scrieu hiuish ta credjal ayns ennym, Mac Yee; dy vod shiu toiggal dy vel eu yn vea veayn, as dy vod shiu credjal ayns ennym Mac Yee.

These things have I written unto you that believe on the name of the Son of God; that ye may know that ye have eternal life, and that ye may believe on the name of the Son of God.

As shoh'n treishteil t'ain aynsyn, my hirrys shin nhee erbee cordail rish e aigney, t'eh geaishtagh rooin.

And this is the confidence that we have in him, that, if we ask any thing according to his will, he heareth us:

As my ta fys ain dy vel eh geaishtagh rooin, cre-erbee ta shin shirrey, ta fys ain dy vow mayd ny accanyn ta shin dy yeearree er.

And if we know that he hear us, whatsoever we ask, we know that we have the petitions that we desired of him.

My ta dooinney erbee fakin e vraar cur rish peccah nagh vel gys baase, nee eh guee er e hon, as yiow eh bea er nyn son ocsyn nagh vel jannoo peccah gys baase. Ta peccah ayn gys baase: cha vel mee gra dy lhisagh eh guee er y hon.

If any man see his brother sin a sin which is not unto death, he shall ask, and he shall give him life for them that sin not unto death. There is a sin unto death: I do not say that he shall pray for it.

Ta dy chooilley neu-ynrickys peccah: as ta peccah ayn nagh vel gys baase.

All unrighteousness is sin: and there is a sin not unto death.

Ta fys ain quoi-erbee ta ruggit jeh Jee, nagh vel eh cur rish peccah; agh eshyn ta er ny ghientyn jeh Jee, t'eh freayll arrey er hene, as cha vel yn drogh-er bentyn rish.

We know that whosoever is born of God sinneth not; but he that is begotten of God keepeth himself, and that wicked one toucheth him not.

As ta fys ain dy vel shin veih Jee, as dy vel ooilley yn seihll ny lhie ayns mee-chraueeaght.

And we know that we are of God, and the whole world lieth in wickedness.

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.

And we know that the Son of God is come, and hath given us an understanding, that we may know him that is true, and we are in him that is true, even in his Son Jesus Christ. This is the true God, and eternal life.

Chloan veggey, freill-jee shiu hene veih jallooyn. Amen.

Little children, keep yourselves from idols. Amen.