The Bible


Cur-my-ner, cre'n sorch dy ghraih ta'n Ayr er stowal orrin, dy beagh shin enmyssit nyn gloan dy Yee: shen-y-fa cha vel enney ec y theihll orrin, er-y-fa nagh row enney echey ersyn.

Behold, what manner of love the Father hath bestowed upon us, that we should be called the sons of God: therefore the world knoweth us not, because it knew him not.


My chaarjyn, nish ta shin nyn gloan dy Yee as cha lheear dooin foast cre vees mayd: agh ta fys ain, tra vees eshyn er ny hoilshaghey, dy bee mayd goll rishyn; son nee mayd fakin eh myr t'eh.

Beloved, now are we the sons of God, and it doth not yet appear what we shall be: but we know that, when he shall appear, we shall be like him; for we shall see him as he is.


As ta dy chooilley ghooinney ta'n treishteil shoh echey ayn hene, glenney eh hene, dy jarroo myr t'eshyn glen.

And every man that hath this hope in him purifieth himself, even as he is pure.


Quoi-erbee ta jannoo peccah, t'eh myrgeddin brishey yn leigh; son she peccah ta brishey yn leigh.

Whosoever committeth sin transgresseth also the law: for sin is the transgression of the law.


As ta fys eu dy row eshyn er ny hoilshaghey dy ghoaill ersooyl nyn beccaghyn; as aynsyn cha vel veg y pheccah.

And ye know that he was manifested to take away our sins; and in him is no sin.


Quoi-erbee ta tannaghtyn aynsyn, cha vel eh jannoo peccah: quoi-erbee ta jannoo peccah, cha vel eh er vakin eh, chamoo ta enney er ve echey er.

Whosoever abideth in him sinneth not: whosoever sinneth hath not seen him, neither known him.


Chloan veggey, ny lhig da dooinney erbee shiu y volley: eshyn ta jannoo cairys, t'eh cairagh, dy jarroo myr t'eshyn cairagh.

Little children, let no man deceive you: he that doeth righteousness is righteous, even as he is righteous.


Eshyn ta jannoo peccah, t'eh jeh'n drogh-spyrryd; son ta'n drogh-spyrryd kyndagh jeh peccah er-dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh-spyrryd.

He that committeth sin is of the devil; for the devil sinneth from the beginning. For this purpose the Son of God was manifested, that he might destroy the works of the devil.


Quoi-erbee t'er ny ruggey jeh Jee, cha vel eh cur rish peccah; son ta'n rass echey tannaghtyn ayn: as cha vod eh ve fo reill peccah, er-y-fa dy vel eh er ny ruggey jeh Jee.

Whosoever is born of God doth not commit sin; for his seed remaineth in him: and he cannot sin, because he is born of God.


Liorish shoh ta cloan Yee er nyn gronnaghey voish cloan y drogh-spyrryd: Quoi erbee nagh vel jannoo cairys, cha vel eh jeh Jee, ny foast eshyn nagh nhynney lesh e vraar.

In this the children of God are manifest, and the children of the devil: whosoever doeth not righteousness is not of God, neither he that loveth not his brother.


Son shoh'n chaghteraght ta shiu er chlashtyn er-dyn toshiaght, dy lhisagh shin ve graihagh yn derrey yeh er y jeh elley.

For this is the message that ye heard from the beginning, that we should love one another.


Cha nee myr va Cain, va jeh'n drogh er shen, as varr e vraar: As cre'n-fa varr eh eh? Er-yn-oyr dy row ny obbraghyn echey hene olk, as obbraghyn e vraarey cairagh.

Not as Cain, who was of that wicked one, and slew his brother. And wherefore slew he him? Because his own works were evil, and his brother's righteous.


Ny gow-jee yindys, my vraaraghyn ga ta'n seihll coyrt dwoaie diu.

Marvel not, my brethren, if the world hate you.


Ta fys ain dy vel shin caghlaait veih baase gys bea, er-yn-oyr dy nhynney lhien ny braaraghyn: eshyn nagh nhynney lesh e vraar, t'eh tannaghtyn ayns baase.

We know that we have passed from death unto life, because we love the brethren. He that loveth not his brother abideth in death.


Quoi-erbee ta dwoaie echey er e vraar, t'eh ny ghunver: as ta fys eu nagh vel ec dunver erbee yn vea dy bragh farraghtyn tannaghtyn ayn.

Whosoever hateth his brother is a murderer: and ye know that no murderer hath eternal life abiding in him.


Liorish shoh ta shin toiggal graih Yee ayns dy dug eh sheese e vioys er nyn son as lhisagh shinyn nyn mioys y chur sheese son ny braaraghyn.

Hereby perceive we the love of God, because he laid down his life for us: and we ought to lay down our lives for the brethren.


Agh quoi-erbee ta cooid y theihll shoh echey, as fakin e vraar ayns feme as ta dooney seose e veeghyn dy hymmey voish; kys ta graih Yee tannaghtyn ayn?

But whoso hath this world's good, and seeth his brother have need, and shutteth up his bowels of compassion from him, how dwelleth the love of God in him?


My chloan veggey, ny lhig dooin graih y choyrt ayns raa, ny ayns glare; agh ayns jannoo as ayns firrinys.

My little children, let us not love in word, neither in tongue; but in deed and in truth.


As liorish shoh ta fys ain er dy vel shin jeh'n irriney, as bee shickyrys ec nyn greeaghyn kiongoyrt rish

And hereby we know that we are of the truth, and shall assure our hearts before him.


Son my ta ny creeaghyn ain dy gheyrey shin, ta Jee erskyn ny creeaghyn ain, as ta fys echey er dy chooilley nhee.

For if our heart condemn us, God is greater than our heart, and knoweth all things.


My chaarjyn, mannagh vel nyn gree dy nyn gheyrey, eisht ta dunnallys ain dy hayrn er-gerrey gys Jee.

Beloved, if our heart condemn us not, then have we confidence toward God.


As cre-erbee ta shin geearree? shen ta shin geddyn veihsyn, er-y-fa dy vel shin freayll ny annaghyn echey, as jannoo ny reddyn shen ta booisal ayns e hilley.

And whatsoever we ask, we receive of him, because we keep his commandments, and do those things that are pleasing in his sight.


As shoh yn sarey echey, Dy jean mayd credjal ayns ennym e Vac Yeesey Creest, as graih y choyrt yn derrey yeh da'n jeh elley, myr t'eh er choyrt sarey dooin.

And this is his commandment, That we should believe on the name of his Son Jesus Christ, and love one another, as he gave us commandment.


As eshyn ta freayll ny annaghyn echey, t'eh tannaghtyn ayns Jee, as Jee aynsyn: as liorish shoh ta fys ain dy vel eh tannaghtyn aynin, liorish y Spyrryd t'eh er choyrt dooin.

And he that keepeth his commandments dwelleth in him, and he in him. And hereby we know that he abideth in us, by the Spirit which he hath given us.