The Bible


Yn nah screeuyn shoh, chaarjyn ghraih agh, ta mee nish scrieu hiuish; ayndoo ny-neesht ta mee greinnaghey ny aignaghyn ynrick eu gys cooinaghtyn:

This second epistle, beloved, I now write unto you; in both which I stir up your pure minds by way of remembrance:


Dy vod shiu freayll ayns nyn aigney ny goan v'er nyn loayrt roish nish liorish ny phadeyryn casherick, as yn oardagh ainyn ostyllyn y Chiarn as Saualtagh:

That ye may be mindful of the words which were spoken before by the holy prophets, and of the commandment of us the apostles of the Lord and Saviour:


Toiggal shoh hoshiaght, dy jig ayns ny laghyn s'jerree craidoilee, gimmeeaght lurg ny sayntyn oc hene.

Knowing this first, that there shall come in the last days scoffers, walking after their own lusts,


As gra, Cre vel gialdyn y cheet echey? son er-dyn traa huitt ny ayraghyn nyn gadley, ta dy chooilley nhee tannaghtyn myr v'ad er-dy hoshiaght y chroo.

And saying, Where is the promise of his coming? for since the fathers fell asleep, all things continue as they were from the beginning of the creation.


Son shoh t'ad dy aignagh mee-hushtagh jeh, dy nee liorish goo Yee va ny niaughyn ec y toshiaght, as yn thalloo shassoo erskyn yn ushtey, as fo'n ushtey.

For this they willingly are ignorant of, that by the word of God the heavens were of old, and the earth standing out of the water and in the water:


Liorish va seihll yn traa shen, coodit lesh thooilley dy ushtey, er ny stroie.

Whereby the world that then was, being overflowed with water, perished:


Agh ta ny niaughyn as yn thalloo t'ayn nish, liorish y goo cheddin freilt ayns stoyr, kiarit son yn aile ry-hoi laa ny briwnys, as toyrt-mow deiney mee-chrauee.

But the heavens and the earth, which are now, by the same word are kept in store, reserved unto fire against the day of judgment and perdition of ungodly men.


Agh, toig-jee shoh my chaarjyn, dy vel un laa marish y Chiarn myr thousane blein, as thousane blein myr un laa.

But, beloved, be not ignorant of this one thing, that one day is with the Lord as a thousand years, and a thousand years as one day.


Cha vel y Chiarn moal mychione e ghialdynys, (myr ta paart dy gheiney coontey meillid) agh jeh surranse-foddey dooinyn, neuwooiagh dy jinnagh unnane erbee cherraghtyn, agh dy darragh-ooilley gys arrys.

The Lord is not slack concerning his promise, as some men count slackness; but is longsuffering to us-ward, not willing that any should perish, but that all should come to repentance.


Agh hig laa yn Chiarn myr maarliagh 'syn oie; tra nee ny niaughyn cherraghtyn lesh feiyr atchimagh, as nee stoo yn theihll lheie lesh chiass loshtee, bee'n thalloo shoh hene myrgeddin as ny obbraghyn t'ayn er nyn lostey seose.

But the day of the Lord will come as a thief in the night; in the which the heavens shall pass away with a great noise, and the elements shall melt with fervent heat, the earth also and the works that are therein shall be burned up.


Fakin eisht dy jean ooilley ny reddyn shoh lheïe ersooyl, cre'n sorch dy phersoonyn lhisagh shiuish y ve ayns dy chooilley ymmyrkey crauee as casherickys!

Seeing then that all these things shall be dissolved, what manner of persons ought ye to be in all holy conversation and godliness,


Farkiagh son, as kiartaghey shiu hene ry-hoi cheet laa Yee, tra vees yn aer er ny stroie lesh aile, as stoo yn theill lheie lesh chiass aileagh.

Looking for and hasting unto the coming of the day of God, wherein the heavens being on fire shall be dissolved, and the elements shall melt with fervent heat?


Agh ta shinyn, cordail rish e ghialdyn, jeeaghyn son niaughyn noa as seihll noa, ayndoo ta ynrickys cummal.

Nevertheless we, according to his promise, look for new heavens and a new earth, wherein dwelleth righteousness.


Shen-y-fa, chaarjyn, fakin dy vel shiu jerkal rish lheid ny reddyn, bee-jee imneagh dy bee shiu er nyn gheddyn liorishyn ayns shee, fegooish foill, as gyn loght.

Wherefore, beloved, seeing that ye look for such things, be diligent that ye may be found of him in peace, without spot, and blameless.


As smooinee-jee dy vel surranse-foddey nyn Jiarn saualtys; dy jarroo myr ta nyn mraar graihagh Paul myrgeddin, cordail rish y chreenaght er ny choyrt da, er scrieu hiu;

And account that the longsuffering of our Lord is salvation; even as our beloved brother Paul also according to the wisdom given unto him hath written unto you;


Myr t'eh myrgeddin ayns ooilley ny screeunyn echey, loayrt ayndoo jeh ny reddyn shoh: nyn mast' oc ta paart jeu doillee dy ve er nyn doiggal, t'adsyn ta mee-hushtagh as lhag chredjuagh cassey, myr t'ad myrgeddin ny scriptyryn elley, gys y toyrt-mow oc hene.

As also in all his epistles, speaking in them of these things; in which are some things hard to be understood, which they that are unlearned and unstable wrest, as they do also the other scriptures, unto their own destruction.


Fakin er-y-fa shen, chaarjyn, dy vel fys eu er ny reddyn shoh ro-laue, cur-jee twoaie nagh jean shiuish myrgeddin, cleaynit lesh shaghrynys ny mee-chrauee, tuittym ersooyl veih'n shickyrys eu 'sy chredjue.

Ye therefore, beloved, seeing ye know these things before, beware lest ye also, being led away with the error of the wicked, fall from your own stedfastness.


Agh aase-jee ayns grayse, as ayns tushtey nyn Jiarn as Saualtagh Yeesey Creest: Huggeysyn dy row gloyr chammah nish as dy bragh. Amen.

But grow in grace, and in the knowledge of our Lord and Saviour Jesus Christ. To him be glory both now and for ever. Amen.