The Bible

1

Simon Peddyr, sharvaant as ostyl Yeesey Creest, dauesyn ta er n'gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

Simon Peter, a servant and an apostle of Jesus Christ, to them that have obtained like precious faith with us through the righteousness of God and our Saviour Jesus Christ:

2

Grayse as shee dy row er ny vishaghey erriu trooid tushtey dy Yee, as Yeesey nyn Jiarn,

Grace and peace be multiplied unto you through the knowledge of God, and of Jesus our Lord,

3

Cordail myr ta e phooar flaunyssagh er choyrt dooin dy chooilley nhee ta bentyn gys bea as craueeaght, trooid y tushtey jehsyn ta er n'eamagh shin gys gloyr as bea spyrrydoil:

According as his divine power hath given unto us all things that pertain unto life and godliness, through the knowledge of him that hath called us to glory and virtue:

4

Lioroo t'er ny choyrt dooinyn gialdynyn erskyn towse mooar as ooasle; lioroo shoh dy vod shiu ve goaill ayrn jeh'n dooghys flaunyssagh, myr ta shiu er haghney yn neu-ghlennid t'ayns y theihll trooid yeearreeyn ny foalley.

Whereby are given unto us exceeding great and precious promises: that by these ye might be partakers of the divine nature, having escaped the corruption that is in the world through lust.

5

As marish shoh, lesh slane imnea, cur-jee gys nyn gredjue, dunnallys; as gys dunnallys, tushtey;

And beside this, giving all diligence, add to your faith virtue; and to virtue knowledge;

6

As gys tushtey, sheeltys; as gys sheeltys, surranse; as gys surranse, craueeaght;

And to knowledge temperance; and to temperance patience; and to patience godliness;

7

As gys craueeaght, kenjallys braaragh; as gys kenjallys braaragh, graih.

And to godliness brotherly kindness; and to brotherly kindness charity.

8

Son my ta ny reddyn shoh ayndiu, as bishaghey, ver ad erriu nagh bee shiu liastey ny neu-vessoil ayns tushtey jeh nyn Jiarn Yeesey Creest.

For if these things be in you, and abound, they make you that ye shall neither be barren nor unfruitful in the knowledge of our Lord Jesus Christ.

9

Agh eshyn ta nyn vegooish, t'eh giare-hooillagh, as cha vod eh fakin foddey jeh, as er yarrood dy row eh er ny ghlenney veih e henn pheccaghyn.

But he that lacketh these things is blind, and cannot see afar off, and hath forgotten that he was purged from his old sins.

10

Shen-y-fa, vraaraghyn, bee-jee ny s'kiaralee dy yannoo yn stayd huggey va shiu er nyn eam as er nyn reih, shickyr: son my nee shiu ny reddyn shoh, cha duitt shiu son dy bragh:

Wherefore the rather, brethren, give diligence to make your calling and election sure: for if ye do these things, ye shall never fall:

11

Son myr shoh bee fosley gloyroil jeant er nyn son, gys reeriaght dy bragh farraghtyn nyn Jiarn as Saualtagh Yeesey Creest.

For so an entrance shall be ministered unto you abundantly into the everlasting kingdom of our Lord and Saviour Jesus Christ.

12

Shen-y-fa cha beem's meerioosagh dy chur shiu ayns cooinaghtyn kinjagh jeh ny reddyn shoh, ga dy vel fys eu orroo, as dy vel shiu er ve er ny hickyraghey 'syn irriney ta shin loayrt jeh.

Wherefore I will not be negligent to put you always in remembrance of these things, though ye know them, and be established in the present truth.

13

Agh, ta mee smooinaghtyn eh cooie, choud as ta mee ayns y chabbane shoh, dy ghreinnaghey shiu seose, liorish coyrt shiu ayns cooinaghtyn:

Yea, I think it meet, as long as I am in this tabernacle, to stir you up by putting you in remembrance;

14

Toiggal dy nhegin dou dy gerrit cur jee'm shoh my chabbane, dy jarroo myr ta nyn Jiarn Yeesey Creest er hoilshaghey dou

Knowing that shortly I must put off this my tabernacle, even as our Lord Jesus Christ hath shewed me.

15

Agh nee'm y chooid share dy vod shiu ny reddyn shoh y reayll ayns cooinaghtyn kinjagh lurg my vaase.

Moreover I will endeavour that ye may be able after my decease to have these things always in remembrance.

16

Son cha vel shin er n'eiyrt da skeeallyn troggit dy croutagh, tra ren shin soilshaghey diu pooar as cheet nyn Jiarn Yeesey Creest, agh va shin feanishyn sooilley jeh e ard-ooashley.

For we have not followed cunningly devised fables, when we made known unto you the power and coming of our Lord Jesus Christ, but were eyewitnesses of his majesty.

17

Son hooar eh veih Jee yn Ayr, onnor as gloyr, tra haink lheid y coraa huggeysyn veih'n ashlish ghloyroil, Shoh my Vac graihagh, jeh ta mee dy mooar soiaghey.

For he received from God the Father honour and glory, when there came such a voice to him from the excellent glory, This is my beloved Son, in whom I am well pleased.

18

As y coraa shoh haink veih niau cheayll shinyn, tra va shin marish er y clieau chasherick.

And this voice which came from heaven we heard, when we were with him in the holy mount.

19

Ta ain myrgeddin goo shickyree dy adeyrys; gys shen ta shiu jannoo dy mie dy der shiu tastey, myr da soilshey ta soilshean ayns ynnyd dorraghey, derrey ta'n laa brishey, as rollage y voghrey girree ayns nyn greeaghyn:

We have also a more sure word of prophecy; whereunto ye do well that ye take heed, as unto a light that shineth in a dark place, until the day dawn, and the day star arise in your hearts:

20

Toiggal shoh hoshiaght, nagh vel phadeyrys erbee jeh'n scriptyr cheet veih aigney dooinney hene.

Knowing this first, that no prophecy of the scripture is of any private interpretation.

21

Son cha daink phadeyrys 'sy chenn traa liorish aigney dooinney: agh loayr deiney crauee Yee myr v'ad er nyn leeideil liorish y Spyrryd Noo.

For the prophecy came not in old time by the will of man: but holy men of God spake as they were moved by the Holy Ghost.