- 1 Samuel
- 2 Samuel
- 1 Kings
- 2 Kings
- 1 Chronicles
- 2 Chronicles
- Psalm 1
- Song of Solomon
- 1 Corinthians
- 2 Corinthians
- 1 Thessalonians
- 2 Thessalonians
- 1 Timothy
- 2 Timothy
- 1 Peter
- 2 Peter
- 1 John
- 2 John
- 3 John
Shen-y-fa coyrt dy lhiattee dy chooilley ghoanlys, as dy chooilley volteyraght, as foalsaght, as troo, as dy chooilley ghrogh ghlare,
Wherefore laying aside all malice, and all guile, and hypocrisies, and envies, all evil speakings,
Myr oikanyn noa-ruggit yeearree-jee bainney spyrrydoil y ghoo, dy vod shiu gaase liorish:
As newborn babes, desire the sincere milk of the word, that ye may grow thereby:
My she shen dy vel shiu er vlashtyn dy vel y Chiarn graysoil.
If so be ye have tasted that the Lord is gracious.
Cheet huggeysyn, myr gys clagh bio, mea-lowit dy jarroo liorish deiney, agh reiht liorish Jee, as deyr,
To whom coming, as unto a living stone, disallowed indeed of men, but chosen of God, and precious,
Ta shiuish myrgeddin myr claghyn bioal, er nyn droggal seose ny hie spyrrydoil, ny haggyrtys casherick dy hebbal seose ourallyn spyrrydoil, booisal gys Jee liorish Yeesey Creest.
Ye also, as lively stones, are built up a spiritual house, an holy priesthood, to offer up spiritual sacrifices, acceptable to God by Jesus Christ.
Shen-y-fa myrgeddin te rait ayns goo Yee, Cur-my-ner, ta mee soiaghey ayns Sion ard-chlagh chorneilagh, reiht, costal: as eshyn ta credjal aynsyn cha bee eh mollit.
Wherefore also it is contained in the scripture, Behold, I lay in Sion a chief corner stone, elect, precious: and he that believeth on him shall not be confounded.
Diuish er-y-fa shen ta credjal, t'eh deyr: agh dauesyn ta mee-viallagh, ta'n chlagh ren ny masoonee y vee-lowal, er jeet dy ve yn ard-chlagh chorneilagh,
Unto you therefore which believe he is precious: but unto them which be disobedient, the stone which the builders disallowed, the same is made the head of the corner,
As clagh son snapperal, as creg son tuittym er, dy jannoo dauesyn ta snapperal ec y goo, myr t'ad mee-viallagh, gys shen v'ad myrgeddin er nyn bointeil.
And a stone of stumbling, and a rock of offence, even to them which stumble at the word, being disobedient: whereunto also they were appointed.
Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t'er n'eamagh shiu ass y dorraghys gys e hoilshey mirrilagh:
But ye are a chosen generation, a royal priesthood, an holy nation, a peculiar people; that ye should shew forth the praises of him who hath called you out of darkness into his marvellous light;
Ayns traa dy row nagh nee pobble va shiu, agh ta shiu nish pobble Yee: nagh row er gheddyn myghin, agh ta shiu nish er gheddyn myghin.
Which in time past were not a people, but are now the people of God: which had not obtained mercy, but now have obtained mercy.
Chaarjyn ghraihagh, ta niee guee erriu myr joarreeyn as troailtee dy reayll shiu hene veih sayntyn ny foalley, ta caggey noi yn annym;
Dearly beloved, I beseech you as strangers and pilgrims, abstain from fleshly lusts, which war against the soul;
Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh-yantee, dy vod ad liorish ny obbraghyn mie eu ver ad my-ner, Jee y ghloyraghey ayns laa yn chooilleen.
Having your conversation honest among the Gentiles: that, whereas they speak against you as evildoers, they may by your good works, which they shall behold, glorify God in the day of visitation.
Jean-jee shiu hene y injillaghey gys dy chooilley leigh er ny oardaghey liorish deiney er graih yn Chiarn; edyr eh ve gys y ree, myr yn ard-fer-reill;
Submit yourselves to every ordinance of man for the Lord's sake: whether it be to the king, as supreme;
Ny gys kiannoortyn, myr dauesyn t'er nyn goyrt ayns pooar fo, son kerraghey drogh-yantee, as son y moylley ocsyn ta jannoo dy mie.
Or unto governors, as unto them that are sent by him for the punishment of evildoers, and for the praise of them that do well.
Son myr shen ta aigney Yee, dy vod shiuish lesh jannoo mie mee-hushtey deiney ommijagh y chur ny-host;
For so is the will of God, that with well doing ye may put to silence the ignorance of foolish men:
Myr adsyn ta seyr, fegooish jannoo ymmyd jeh'n seyrsnys eu son coodaghey dy olkys; agh myr sharvaantyn Yee.
As free, and not using your liberty for a cloke of maliciousness, but as the servants of God.
Cur-jee onnor da dy chooilley ghooinney. Bee-jee graihagh er ny braaraghyn [creestee]. Gow-jee aggle roish Jee. Cur-jee onnor da'n ree
Honour all men. Love the brotherhood. Fear God. Honour the king.
Harvaantyn, bee-jee biallagh da nyn mainshteryn lesh slane arrym, cha nee ny lomarcan dauesyn ta mie as dooie, agh myrgeddin dauesyn ta creoi dy ghellal roo.
Servants, be subject to your masters with all fear; not only to the good and gentle, but also to the froward.
Son ta shoh feeu booise, my ta dooinney er graih cooinsheanse gys Jee gymmyrkey seaghyn, surranse dy neu-chairagh
For this is thankworthy, if a man for conscience toward God endure grief, suffering wrongfully.
Son cre'n moylley te, tra ta shiu er nyn mwoalley son ny foiljyn eu, shiu dy ghoaill eh dy meen? agh tra ta shiu jannoo dy mie, as surranse er y hon, my nee shiu goaill eh dy meen; ta shoh booisal gys Jee.
For what glory is it, if, when ye be buffeted for your faults, ye shall take it patiently? but if, when ye do well, and suffer for it, ye take it patiently, this is acceptable with God.
Son gys shoh va shiu dy jarroo er nyn eam: er-yn-oyr dy vel Creest myrgeddin er hurranse er nyn son, faagail sampleyr dooinyn, dy jinnagh shin geiyrt er ny kesmadyn echeysyn:
For even hereunto were ye called: because Christ also suffered for us, leaving us an example, that ye should follow his steps:
Eh nagh ren peccah, chamoo va molteyraght er ny gheddyn ayns e veeal:
Who did no sin, neither was guile found in his mouth:
Tra v'eh oltooanit, cha doltooan eh reesht: tra v'eh fo surranse, cha ren eh baggyrt; agh ren eh eh-hene y hymney huggey-syn ta briwnys dy cairagh:
Who, when he was reviled, reviled not again; when he suffered, he threatened not; but committed himself to him that judgeth righteously:
Eshyn ren ny peccaghyn ain y ymmyrkey ayns e chorp hene er y villey, dy voddagh shinyn, ta livreit veih peccah ve bio gys cairys; liorish ny lhottyn echey ta shiuish er nyn lheihys.
Who his own self bare our sins in his own body on the tree, that we, being dead to sins, should live unto righteousness: by whose stripes ye were healed.
Son va shiu myr kirree goll er-shaghryn; agh ta shiu nish er jyndaa reesht gys Bochilley as Aspick nyn anmeenyn.
For ye were as sheep going astray; but are now returned unto the Shepherd and Bishop of your souls.