The Bible

Cre voish ta cheet caggaghyn as streeuaghyn nyn mast' eu? nagh vel ad cheet veih shoh, dy jarroo veih nyn sayntyn, ta caggey ayns nyn oltyn?

From whence come wars and fightings among you? come they not hence, even of your lusts that war in your members?

Ta shiu cur saynt, as cha vel eu: ta shiu dunverys, as dy jeean geearree dy gheddyn, as cha vel eh cheet lhiu: ta shiu streeu as caggey, ny-yeih cha vel shiu cosney, er-yn-oyr nagh vel shiu shirrey.

Ye lust, and have not: ye kill, and desire to have, and cannot obtain: ye fight and war, yet ye have not, because ye ask not.

Ta shiu geearree as cha vel shiu geddyn, er-y-fa dy vel shiu geearree ass y raad, dy vod shiu y vaarail eh er ny sayntyn eu hene.

Ye ask, and receive not, because ye ask amiss, that ye may consume it upon your lusts.

Shiuish gheiney as vraane maarderee [spyrrydoil], nagh vel fys eu dy vel caarjys y theihll noidys rish Jee? quoi-erbee er-y-fa shen saillish ve ny charrey da'n seihll, t'eh noid Yee.

Ye adulterers and adulteresses, know ye not that the friendship of the world is enmity with God? whosoever therefore will be a friend of the world is the enemy of God.

Vel shiu smooinaghtyn dy vel y scriptyr gra ayns fardail, Ta'n spyrryd ta cummal aynin greinnaghey gys troo?

Do ye think that the scripture saith in vain, The spirit that dwelleth in us lusteth to envy?

Agh t'eh coyrt ny smoo dy ghrayse: shen-y-fa t'eh gra, Ta Jee cur eddin da ny mooaralee, as coyrt grayse dauesyn ta imlee.

But he giveth more grace. Wherefore he saith, God resisteth the proud, but giveth grace unto the humble.

Jean-jee shiu hene y injillaghey er-y-fa shen gys Jee; shass-jee seose noi'n drogh-spyrryd, as ver eh cooyl diu:

Submit yourselves therefore to God. Resist the devil, and he will flee from you.

Tayrn-jee er-gerrey gys Jee, as tayrnee eshyn er-gerrey diuish: niee-jee nyn laueyn, shiuish pheccee, as glen-jee nyn greeaghyn, shiuish dy aigney ghooble.

Draw nigh to God, and he will draw nigh to you. Cleanse your hands, ye sinners; and purify your hearts, ye double minded.

Bee-jee seaghnit, as jean-jee dobberan as keayney: lhig da'n gharaghtee eu ve chyndaait gys dobberan, as y reaïd eu gys trimshey.

Be afflicted, and mourn, and weep: let your laughter be turned to mourning, and your joy to heaviness.

Bee-jee er nyn injillaghey ayns shilley'n Chiarn, as troggee eh shiu seose.

Humble yourselves in the sight of the Lord, and he shall lift you up.

Ny loayr-jee olk yn derrey yeh jeh'n jeh elley, vraaraghyn. Eshyn ta goltooaney e vraar, as briwnys e vraar, t'eh goltooaney yn leigh, as briwnys y leigh: agh my t'ou briwnys y leigh, cha vel oo cooilleeney'n leigh, agh jannoo oo hene dty vriw.

Speak not evil one of another, brethren. He that speaketh evil of his brother, and judgeth his brother, speaketh evil of the law, and judgeth the law: but if thou judge the law, thou art not a doer of the law, but a judge.

Ta un er ayn ta bun y leigh, echey ta pooar dy hauail, as dy stroie: quoi oo hene ta briwnys fer elley?

There is one lawgiver, who is able to save and to destroy: who art thou that judgest another?

Tar-jee nish, shiuish ta gra, Jiu ny mairagh hem mayd gys lheid yn ard-valley, as fuirree mayd ayn blein, kionnaghey as creck, as jannoo vondeish:

Go to now, ye that say, To day or to morrow we will go into such a city, and continue there a year, and buy and sell, and get gain:

Ayns wheesh as nagh vel fys eu cre vees er laa-ny-vairagh. Son cre ta nyn mea? Te dy jarroo myr gall ta ry-akin son shallid, as eisht lheie ersooyl.

Whereas ye know not what shall be on the morrow. For what is your life? It is even a vapour, that appeareth for a little time, and then vanisheth away.

Son shoh lhisagh shiu gra, My saillish y Chiarn, as bea sodjey 've ain, nee mayd shoh ny shid.

For that ye ought to say, If the Lord will, we shall live, and do this, or that.

Agh nish ta shiu goaill taitnys ayns y voggyssagh eu: ta ooilley lheid y voggyssagh peccoil.

But now ye rejoice in your boastings: all such rejoicing is evil.

Shen-y-fa eshyn ta fys echey dy yannoo mie, as nagh vel dy yannoo eh, dasyn te peccah.

Therefore to him that knoweth to do good, and doeth it not, to him it is sin.