The Bible

1

Cha vod y leigh, nagh vel agh scaa jeh reddyn mie ry-heet, as cha nee cummey firrinagh ny reddyn hene, dy bragh lesh ny ourallyn shen ren ad chebbal kinjagh bleïn lurg bleïn, adsyn ta cheet huc y chasherickey

For the law having a shadow of good things to come, and not the very image of the things, can never with those sacrifices which they offered year by year continually make the comers thereunto perfect.

2

Son eisht veagh jerrey er chebbal ny ourallyn shen; er-y-fa nagh beagh ocsyn va cur ooashley, erreish daue ve un cheayrt er nyn ghlenney, loght peccah veg sodjey er nyn gooinsheanseyn.

For then would they not have ceased to be offered? because that the worshippers once purged should have had no more conscience of sins.

3

Agh ayns ny ourallyn shen ta cooinaghtyn jeant reesht jeh peccaghyn dy chooilley vleïn.

But in those sacrifices there is a remembrance again made of sins every year.

4

Son cha vel eh possible dy jinnagh fuill terriu as goair goaill ersooyl peccaghyn.

For it is not possible that the blood of bulls and of goats should take away sins.

5

Shen-y-fa tra t'eh cheet gys y theihll, t'eh gra, Oural as chebbal cha bailt's, agh corp t'ou er chummey er my hon;

Wherefore when he cometh into the world, he saith, Sacrifice and offering thou wouldest not, but a body hast thou prepared me:

6

Ayns ourallyn-losht, as ourallyn son peccah cha vel uss er ghoaill taitnys:

In burnt offerings and sacrifices for sin thou hast had no pleasure.

7

Eisht dooyrt mee, Cur-my-ner, ta mee cheet (ayns toshiaght y lioar te scruit jeem's) dy yannoo dty aigney's, O Yee.

Then said I, Lo, I come (in the volume of the book it is written of me,) to do thy will, O God.

8

Roïe, tra dooyrt eh, Oural as chebbal, as chebballyn losht as chebbal son peccah cha bailt's, chamoo va taitnys ayd's ayndoo, ta chebbit liorish y leigh;

Above when he said, Sacrifice and offering and burnt offerings and offering for sin thou wouldest not, neither hadst pleasure therein; which are offered by the law;

9

Eisht dooyrt eh, Cur-my-ner, ta mee cheet dy yannoo dty aigney, O Yee. T'eh coyrt ergooyl shen ny va hoshiaght, dy vod eh niartaghey shen ny va er-jerrey.

Then said he, Lo, I come to do thy will, O God. He taketh away the first, that he may establish the second.

10

Liorish yn aigney cheddin ta shin er nyn gasherickey, liorish yn oural jeh corp Yeesey Creest un cheayrt son ooilley.

By the which will we are sanctified through the offering of the body of Jesus Christ once for all.

11

As ta dy chooilley haggyrt shassoo dagh laa shirveish, as chebbal dy mennick ny ourallyn cheddin, nagh vod dy bragh peccaghyn y ghoaill ersooyl:

And every priest standeth daily ministering and offering oftentimes the same sacrifices, which can never take away sins:

12

Agh ta'n dooinney shoh, erreish da ve er hebbal un oural son peccaghyn, son dy bragh er hoie sheese ec laue yesh Yee

But this man, after he had offered one sacrifice for sins for ever, sat down on the right hand of God;

13

Veih'n traa shoh magh farkiagh derrey vees e noidyn jeant stoyl e choshey.

From henceforth expecting till his enemies be made his footstool.

14

Son liorish un oural t'eh er heyrey adsyn son dy bragh ta er nyn gasherickey:

For by one offering he hath perfected for ever them that are sanctified.

15

Jeh shoh ta'n Spyrryd Noo myrgeddin feanish dooin: son lurg da roïe ve er ghra,

Whereof the Holy Ghost also is a witness to us: for after that he had said before,

16

Shoh yn conaant neem's y yannoo roo lurg ny laghyn shen, ta'n Chiarn dy ghra, My leighyn ver-yms ayns ny creeaghyn oc, as ayns nyn aignaghyn neem's ad y scrieu;

This is the covenant that I will make with them after those days, saith the Lord, I will put my laws into their hearts, and in their minds will I write them;

17

As er ny peccaghyn as y vee-chairys oc cha gooin-ym ny smoo.

And their sins and iniquities will I remember no more.

18

Nish raad ta leih jeh ny reddyn shoh, cha vel oural erbee sodjey son peccah.

Now where remission of these is, there is no more offering for sin.

19

Fakin er-y-fa shen, my chaarjyn, dy vel ain reamys dy gholl stiagh gys yn ynnyd smoo casherick liorish fuill Yeesey,

Having therefore, brethren, boldness to enter into the holiest by the blood of Jesus,

20

Liorish raad noa as bio, t'eh er chasherickey er nyn son trooid y coodaghey, ta shen dy ghra, yn eill echey hene:

By a new and living way, which he hath consecrated for us, through the veil, that is to say, his flesh;

21

As dy vel ain ard-saggyrt harrish lught thie Yee;

And having an high priest over the house of God;

22

Lhig dooin tayrn er gerrey lesh cree firrinagh, ayns slane shickyrys dy chredjue, liorish nyn greeaghyn v'er nyn ghlenney veih drogh chooinsheanse, as nyn girp er nyn niee lesh ushtey glen.

Let us draw near with a true heart in full assurance of faith, having our hearts sprinkled from an evil conscience, and our bodies washed with pure water.

23

Lhig dooin cummal shickyr goaill rish nyn gredjue fegooish scughey; (son t'eshyn firrinagh ta er ghialdyn:)

Let us hold fast the profession of our faith without wavering; (for he is faithful that promised;)

24

As lhig dooin smooinaghtyn dy dowin ry-cheilley, dy ghreinnaghey gys-graih, as gys obbraghyn mie:

And let us consider one another to provoke unto love and to good works:

25

Cha nee treigeil yn chaglym cooidjagh ain hene, myr ta cliaghtey paart; agh coyrlaghey yn derrey yeh yn jeh elley: as wheesh shen smoo, myr ta shiu fakin yn laa tayrn er-gerrey.

Not forsaking the assembling of ourselves together, as the manner of some is; but exhorting one another: and so much the more, as ye see the day approaching.

26

Son my nee mayd peccah jeh nyn yoin, lurg dooin v'er gheddyn toiggal jeh'n irriney, cha vel nyn gour oural arragh son peccaghyn,

For if we sin wilfully after that we have received the knowledge of the truth, there remaineth no more sacrifice for sins,

27

Agh farkiaght agglagh son briwnys, as jymmoose aileagh, nee adsyn y stroie ta shassoo magh.

But a certain fearful looking for of judgment and fiery indignation, which shall devour the adversaries.

28

Va eshyn ren beg y hoiaghey jeh leigh Voses, er ny choyrt dy baase dyn myghin fo ghaa ny three dy eanishyn:

He that despised Moses' law died without mercy under two or three witnesses:

29

Cre'n kerraghey foddey s'trimmey, ta shiuish smooinaghtyn, t'eshyn dy hoilchin, t'er stampey fo-chosh Mac Yee, as ta er choontey fuill yn chonaant liorish v'eh er ny chasherickey, ny red neu-chasherick, as er hassoo magh dy olkyssagh noi'n Spyrryd dy ghrayse?

Of how much sorer punishment, suppose ye, shall he be thought worthy, who hath trodden under foot the Son of God, and hath counted the blood of the covenant, wherewith he was sanctified, an unholy thing, and hath done despite unto the Spirit of grace?

30

Son shione dooin eshyn ren gra, Dooys te bentyn dy ghoaill kerraghey, Mish nee cooilleeney, ta'n Chiarn gra. As reesht, Nee'n Chiarn briwnys e phobble.

For we know him that hath said, Vengeance belongeth unto me, I will recompense, saith the Lord. And again, The Lord shall judge his people.

31

Te red agglagh dy huittym ayns laueyn y Jee bio.

It is a fearful thing to fall into the hands of the living God.

32

Agh cooinee-jee er ny laghyn t'er n'gholl shaghey, ayndoo tra haink shiu gys soilshey'n tushtal, chum shiu rish dy dunnal fo'n laad trome dy heaghyn.

But call to remembrance the former days, in which, after ye were illuminated, ye endured a great fight of afflictions;

33

Ayns ayrn tra va shiu soit magh son shilley dy ghannidys daue, chammah liorish oltooanyn as seaghyn; as ayns ayrn tra va shiu nyn sheshee dauesyn hurr y dellal cheddin.

Partly, whilst ye were made a gazingstock both by reproaches and afflictions; and partly, whilst ye became companions of them that were so used.

34

Son va chymmey eu orrym's ayns my gheulaghyn, as ghow shiu dy arryltagh rish spooilley nyn gooid, toiggal ayndiu hene dy vel nyn gour cooid share as s'beayn ayns niau.

For ye had compassion of me in my bonds, and took joyfully the spoiling of your goods, knowing in yourselves that ye have in heaven a better and an enduring substance.

35

Ny lhig-jee veue, er-y-fa shen, yn dunnallys eu, nyn gour ta leagh mooar dy chooilleeney.

Cast not away therefore your confidence, which hath great recompence of reward.

36

Son te ymmyrchagh diu dy chummal rish dy surransagh; lurg diu v'er n'yannoo aigney Yee, dy vod shiu yn gialdyn y gheddyn.

For ye have need of patience, that, after ye have done the will of God, ye might receive the promise.

37

Foast son tammylt beg, eshyn ta ry-hoi heet nee eh cheet, as cha lhig eh shaghey.

For yet a little while, and he that shall come will come, and will not tarry.

38

Son bee'n dooinney cairagh er ny hauail liorish credjue: agh my ver dooinney erbee cooyl gys y chredjue, cha gow m'annym veg y taitnys ayn.

Now the just shall live by faith: but if any man draw back, my soul shall have no pleasure in him.

39

Agh cha vel shin jeh nyn lheid ta tayrn back gys y toyrt-mow oc hene; agh jeusyn ta credjal, gys saualtys anmey.

But we are not of them who draw back unto perdition; but of them that believe to the saving of the soul.