The Bible

Shen-y-fa faagail ny chied vanglaneyn jeh ynsagh Chreest, lhig dooin goll er nyn doshiaght gys slane creestiaght, cha nee soiaghey reesht yn undin dy arrys veih obbraghyn marroo, as jeh credjue gys Jee,

Therefore leaving the principles of the doctrine of Christ, let us go on unto perfection; not laying again the foundation of repentance from dead works, and of faith toward God,

Jeh'n ynsagh mychione bashtey, ny jeh goll fo laueyn, as jeh irree seose-reesht ny merriu, as jeh briwnys dy bragh farraghtyn.

Of the doctrine of baptisms, and of laying on of hands, and of resurrection of the dead, and of eternal judgment.

As shoh nee mayd, lesh kied Yee.

And this will we do, if God permit.

Son te erskyn towse doillee dauesyn va un cheayrt er nyn soilshaghey, as t'er vlashtyn yn gioot flaunyssagh, as va goaill ayrn jeh'n Spyrryd Noo,

For it is impossible for those who were once enlightened, and have tasted of the heavenly gift, and were made partakers of the Holy Ghost,

As er vlashtyn goo mie Yee, as pooaraghyn y theihll ta ry-heet;

And have tasted the good word of God, and the powers of the world to come,

My huittys ad ersooyl [veih'n chredjue,] dy chosney ad reesht gys arrys; fakin dy vel ad crossey daue hene Mac Yee ass-y-noa, as coyrt eh gys nearey foshlit.

If they shall fall away, to renew them again unto repentance; seeing they crucify to themselves the Son of God afresh, and put him to an open shame.

Son y thalloo ta soo yn fliaghey ta tuittym dy mennick er, as gymmyrkey lossyreeyn cooie er nyn son ocsyn ta dy obbraghey eh, te geddyn bannaght veih Jee:

For the earth which drinketh in the rain that cometh oft upon it, and bringeth forth herbs meet for them by whom it is dressed, receiveth blessing from God:

Agh ta shen ta gymmyrkey drineyn as dressyn, faagit mooie, as faggys da mollaght; ta'n jerrey echey dy ve losht.

But that which beareth thorns and briers is rejected, and is nigh unto cursing; whose end is to be burned.

Agh chaarjyn, ta shin smooinaghtyn ny share jiuish, as reddyn ta bentyn gys saualtys, ga ta shin loayrt myr shoh.

But, beloved, we are persuaded better things of you, and things that accompany salvation, though we thus speak.

Son cha vel Jee neu-chairagh, dy jarrood eh ny obbraghyn as y laboraght euish dy ghraih, ta shiu er hoilshaghey coontey'n ennym echey, ayns dy vel shiu er hirveish er ny nooghyn, as ta foast chirveish [orroo.]

For God is not unrighteous to forget your work and labour of love, which ye have shewed toward his name, in that ye have ministered to the saints, and do minister.

As ta shin geearree dy jean dagh unnane eu soilshaghey yn imnea cheddin, son y slane shickyrys dy hreishteil gys y jerrey:

And we desire that every one of you do shew the same diligence to the full assurance of hope unto the end:

Nagh bee shiu lhag-chreeagh, agh eiyrtyssee orroosyn, ta trooid credjue as meenid er chosney ny gialdynyn.

That ye be not slothful, but followers of them who through faith and patience inherit the promises.

Son tra ren Jee gialdyn y yannoo da Abraham, er-yn-oyr nagh voddagh eh, loo liorish fer syrjey, loo eh liorish hene,

For when God made promise to Abraham, because he could swear by no greater, he sware by himself,

Gra, Dy firrinagh, lesh bannaght, nee'm uss y vannaghey, as lesh bishagh, nee'm uss y vishaghey

Saying, Surely blessing I will bless thee, and multiplying I will multiply thee.

As myr shen lurg da v'er hurranse dy meen, hooar eh cooilleen yn ghialdyn.

And so, after he had patiently endured, he obtained the promise.

Son ta deiney dy jarroo loo liorishyn s'ooasle ta: as ta loo, dy niartaghey lesh yn irriney, coyrt dy chooilley streeu gys kione.

For men verily swear by the greater: and an oath for confirmation is to them an end of all strife.

Shen-y-fa myr va Jee booiagh er yn aght s'troshey dy hoilshaghey da eiraghyn y ghialdyn shickyrys gyn-caghlaa e aigney, ren eh shoh y niartaghey lesh loo:

Wherein God, willing more abundantly to shew unto the heirs of promise the immutability of his counsel, confirmed it by an oath:

Liorish daa red gyn-caghlaa, ayndoo ve neu-phossible da Jee dy volley, dy voddagh gerjagh niartal 've ainyn, ta er roie son kymmyrk dy ghoaill greme er y treishteil soit kiongoyrt rooin:

That by two immutable things, in which it was impossible for God to lie, we might have a strong consolation, who have fled for refuge to lay hold upon the hope set before us:

Yn treishteil shen t'ain myr aker ny hanmey, shickyr as gyn scughey, as ta gentreil gys yn ayrn er cheu-sthie jeh'n ynnyd smoo casherick,

Which hope we have as an anchor of the soul, both sure and stedfast, and which entereth into that within the veil;

Raad ta'n chiaghter hie roïn er n'gholl stiagh er nyn son, dy jarroo Yeesey, jeant ny ard-saggyrt son dy bragh myr va Melchisedec.

Whither the forerunner is for us entered, even Jesus, made an high priest for ever after the order of Melchisedec.