The Bible

1

Lhig dooin er-y-fa shen aggle y ghoaill, erreish da gialdyn ve faagit dooin dy gholl stiagh 'syn ea echey, dy darragh veg jiu giare jeh.

Let us therefore fear, lest, a promise being left us of entering into his rest, any of you should seem to come short of it.

2

Son dooinyn va'n sushtal er ny phreacheil chammah as dauesyn: agh cha row yn goo v'er ny phreacheil jeh vondeish erbee daue, tra nagh row credjue goll lesh ayndoosyn ren clashtyn eh.

For unto us was the gospel preached, as well as unto them: but the word preached did not profit them, not being mixed with faith in them that heard it.

3

Agh ta shinyn t'er chredjal goll stiagh ayns fea, myr dooyrt eh, Myr loo mee ayns my chorree, nagh ragh ad stiagh ayns m'ea: ga dy row ny obbraghyn harrish er-dy hoshiaght y theihll.

For we which have believed do enter into rest, as he said, As I have sworn in my wrath, if they shall enter into my rest: although the works were finished from the foundation of the world.

4

Son loayr eh ayns lheid y boayl mychione y chiaghtoo laa er yn aght shoh, As ghow Jee fea er y chiaghtoo laa veih ooilley e obbraghyn.

For he spake in a certain place of the seventh day on this wise, And God did rest the seventh day from all his works.

5

Agh ayns shoh reesht, Nagh jed ad stiagh ayns m'ea.

And in this place again, If they shall enter into my rest.

6

Fakin eisht dy nee shoh myr te dy nhegin da paart goll stiagh, as nagh ren adsyn daue va'n sushtal hoshiaght er ny phreacheil, goll stiagh ayn kyndagh rish mee-chredjue:

Seeing therefore it remaineth that some must enter therein, and they to whom it was first preached entered not in because of unbelief:

7

Reesht, t'eh pointeil laa, gra ayns lioar Ghavid, Jiu, lurg choud shen dy earish; myr te er ny ghra, Jiu my nee shiu clashtyn e choraa, ny creoi-jee nyn greeaghyn.

Again, he limiteth a certain day, saying in David, To day, after so long a time; as it is said, To day if ye will hear his voice, harden not your hearts.

8

Son my veagh Joshua er chur fea daue, cha row eh ny lurg shen er loayrt mychione laa elley.

For if Jesus had given them rest, then would he not afterward have spoken of another day.

9

Ta laa dy ea er-y-fa shen cour pobble Yee.

There remaineth therefore a rest to the people of God.

10

Son eshyn t'er n'gholl stiagh ayns y fea echey, T'eh er scuirr myrgeddin veih e obbraghyn myr ren Jee veih e obbraghyn hene.

For he that is entered into his rest, he also hath ceased from his own works, as God did from his.

11

Lhig dooinyn er-y-fa shen streeu dy gholl stiagh ayns y fea shen er-aggle dy duitt dooinney erbee lurg y sampleyr cheddin dy vee-viallys.

Let us labour therefore to enter into that rest, lest any man fall after the same example of unbelief.

12

Son ta goo Yee bioal, as breeoil, as ny s'geyrey na cliwe erbee dy ghaa foyr, roie trooid gys eer rheynn veih-my-cheilley yn annym as y spyrryd, as ny juntyn as y smuirr, as ronsaghey magh smooinaghtyn as kiarailyn y chree.

For the word of God is quick, and powerful, and sharper than any twoedged sword, piercing even to the dividing asunder of soul and spirit, and of the joints and marrow, and is a discerner of the thoughts and intents of the heart.

13

Chamoo ta cretoor erbee keillit ayns e enish: agh ta dy chooilley nhee rooisht as foshlit gys ny sooillyn echeysyn, da ta shin dy choyrt coontey.

Neither is there any creature that is not manifest in his sight: but all things are naked and opened unto the eyes of him with whom we have to do.

14

Fakin dy vel ain eisht ard-saggyrt ooasle, t'er n'gholl stiagh ayns ny niaughyn, Yeesey Mac Yee, lhig dooin cummal shickyr nyn gredjue.

Seeing then that we have a great high priest, that is passed into the heavens, Jesus the Son of God, let us hold fast our profession.

15

Son cha vel ain ard-saggyrt nagh vel ennaghtyn chymmoil echey jeh nyn annooinidyn; agh v'eh er dy chooilley aght er ny phrowal lesh seaghyn myr ta shin hene, foast fegooish peccah.

For we have not an high priest which cannot be touched with the feeling of our infirmities; but was in all points tempted like as we are, yet without sin.

16

Lhig dooin er-y-fa shen cheet lesh dunnallys gys stoyl-reeoil e ghrayse; dy vod mayd myghin y chosney, as grayse y gheddyn dy chooney lhien ayns traa feme.

Let us therefore come boldly unto the throne of grace, that we may obtain mercy, and find grace to help in time of need.