The Bible


Shen-y-fa lhisagh shin tastey s'geyrey 'choyrt da ny reddyn ta shin er chlashtyn, er-aggle ec traa erbee dy jinnagh shin ad y yarrood.

Therefore we ought to give the more earnest heed to the things which we have heard, lest at any time we should let them slip.


Son my va'n goo loayrit liorish ainleyn jeant shickyr, as my hooar dy chooilley pheccah as mee-viallys yn leagh cooie dy cherraghey;

For if the word spoken by angels was stedfast, and every transgression and disobedience received a just recompence of reward;


Kys oddys shinyn scapail, my nee mayd meerioose er saualtys cha gloyroil, va hoshiaght focklit magh liorish y Chiarn, as v'er ny hickyraghey dooinyn lioroosyn cheayll eh;

How shall we escape, if we neglect so great salvation; which at the first began to be spoken by the Lord, and was confirmed unto us by them that heard him;


Jee myrgeddin gymmyrkey feanish lhieu, chammah liorish cowraghyn as yindyssyn, as lesh ymmodee mirrilyn, as giootyn y Spyrryd Noo, cordail rish e aigney hene?

God also bearing them witness, both with signs and wonders, and with divers miracles, and gifts of the Holy Ghost, according to his own will?


Son cha vel eh er choyrt fo reill ainleyn yn seihll ta ry-heet, my-e-chione ta shin loayrt.

For unto the angels hath he not put in subjection the world to come, whereof we speak.


Agh ta fer ayns raad ennagh [jeh'n scriptyr] gymmyrkey feanish, gra, Cre ta dooinney, dy vel oo aggindagh er? ny mac y dooinney, dy vel oo jeeaghyn er?

But one in a certain place testified, saying, What is man, that thou art mindful of him? or the son of man that thou visitest him?


Ren oo eh red beg s'inshley na ny ainleyn; t'ou er choamrey eh lesh gloyr as ooashley, as hug oo reill da harrish obbraghyn dty laueyn:

Thou madest him a little lower than the angels; thou crownedst him with glory and honour, and didst set him over the works of thy hands:


T'ou er injillaghey dy chooilley nhee fo e chassyn. Son liorish dy vel eh er choyrt dy chooilley nhee fo e viallys, cha daag eh monney nagh vel eh er ny choyrt fo. Agh cha vel shin foast fakin dy vel dy chooilley nhee er ny choyrt fo.

Thou hast put all things in subjection under his feet. For in that he put all in subjection under him, he left nothing that is not put under him. But now we see not yet all things put under him.


Agh ta shin fakin Yeesey, va jeant son tammylt ny s'inshley na ny ainleyn, liorish surranse baase, coamrit lesh gloyr as ooashley; dy voddagh eh liorish grayse Yee blashtyn er y baase son dy chooilley ghooinney.

But we see Jesus, who was made a little lower than the angels for the suffering of death, crowned with glory and honour; that he by the grace of God should taste death for every man.


Son ve cooie dasyn, er e hon ta dy chooilley nhee, as liorish ta dy chooilley nhee, ayns cur lesh ymmodee mec gys gloyr, dy chasherickey captan nyn saualtys trooid surranse.

For it became him, for whom are all things, and by whom are all things, in bringing many sons unto glory, to make the captain of their salvation perfect through sufferings.


Son ta chammah eshyn ta casherickey as ad syn ta er nyn gasherickey, ooilley jeh'n un chynney: shen-y-fa cha gow eh nearey dy ghoaill roo son braaraghyn.

For both he that sanctifieth and they who are sanctified are all of one: for which cause he is not ashamed to call them brethren,


Gra, Neem's dty ennym y hoilshaghey da my vraaraghyn, ayns mean ny hagglish nee'm uss y voylley.

Saying, I will declare thy name unto my brethren, in the midst of the church will I sing praise unto thee.


As reesht, Huggey ver-ym my varrant. As reesht, Cur-my-ner, Mish, as y chloan ta Jee er choyrt dou.

And again, I will put my trust in him. And again, Behold I and the children which God hath given me.


Son wheesh eisht dy vel y chloan goaill ayrn jeh feill as fuill, ghow eshyn eh hene myrgeddin ayrn jeh lheid cheddin: dy voddagh eh liorish baase eshyn y stroie va pooar y vaaish echey, ta shen, yn jouyl;

Forasmuch then as the children are partakers of flesh and blood, he also himself likewise took part of the same; that through death he might destroy him that had the power of death, that is, the devil;


As livrey adsyn va trooid aggle y vaaish ooilley laghyn nyn mea fo geuley bondiaght.

And deliver them who through fear of death were all their lifetime subject to bondage.


Son dy firrinagh cha ghow eh er dooghys ainleyn; agh ghow eh er dooghys Abraham.

For verily he took not on him the nature of angels; but he took on him the seed of Abraham.


Shen-y-fa ve cooie da er dy chooilley aght dy ve jeant casley rish e vraaraghyn; dy voddagh eh ve ny ard-saggyrt myghinagh aa firrinagh, ayns reddyn bentyn rish Jee, dy yannoo lhiassaghey son peccaghyn y phobble:

Wherefore in all things it behoved him to be made like unto his brethren, that he might be a merciful and faithful high priest in things pertaining to God, to make reconciliation for the sins of the people.


Son myr v'eh hene er ny phrowal liorish surranse t'eh pooaral dy niartaghey lhieusyn t'er nyn browal [lesh seaghyn.]

For in that he himself hath suffered being tempted, he is able to succour them that are tempted.