The Bible


Jee, ren ec ymmodee earishyn, as ayns caghlaaghyn dy aghtyn, loayrt ayns y traa t'er n'gholl shaghey rish ny ayraghyn liorish ny phadeyryn,

God, who at sundry times and in divers manners spake in time past unto the fathers by the prophets,


T'eh ayns ny laghyn s'jerree shoh er loayrt rooin liorish e Vac, eh t'eh er phointeil ny eirey er dy chooilley nhee, liorish myrgeddin chroo eh ny seihllyn.

Hath in these last days spoken unto us by his Son, whom he hath appointed heir of all things, by whom also he made the worlds;


Myr v'eh sollyssid e ghloyr, as eer cochaslys e phersoon, as cummal seose dy chooilley nhee liorish goo e phooar, tra v'eh liorish hene er ghlenney ersooyl ny peccaghyn ainyn, hoie eh sheese er laue yesh yn ard-ooashley ayns yn yrjid:

Who being the brightness of his glory, and the express image of his person, and upholding all things by the word of his power, when he had by himself purged our sins, sat down on the right hand of the Majesty on high:


Jeant wheesh shen syrjey na ny ainley'n, myr t'eh liorish eiraght er gheddyn ennym s'ooasle na t'adsyn.

Being made so much better than the angels, as he hath by inheritance obtained a more excellent name than they.


Son rish quoi jeh ny ainleyn dooyrt eh ec traa erbee, Uss my Vac, jiu ta mee er dty gheddyn? As reesht, Bee'm dasyn son Ayr, as bee eshyn dooys son Mac?

For unto which of the angels said he at any time, Thou art my Son, this day have I begotten thee? And again, I will be to him a Father, and he shall be to me a Son?


As reesht, tra t'eh coyrt lesh yn chied-er-ny-gheddyn Mac gys y theihll, t'eh gra, As lhig da ooilley ainleyn Yee ooashley 'choyrt da.

And again, when he bringeth in the firstbegotten into the world, he saith, And let all the angels of God worship him.


As mychione ny ainleyn t'eh gra, T'eh jannoo e ainleyn spyrrydyn, as e hirveishee lossey dy aile.

And of the angels he saith, Who maketh his angels spirits, and his ministers a flame of fire.


Agh mychione y Mac t'eh gra, Ta dty stoyl-reeoil, O Yee, son dy bragh as dy bragh; lorg reill dy chairys lorg reill yn reeriaght t'ayd's.

But unto the Son he saith, Thy throne, O God, is for ever and ever: a sceptre of righteousness is the sceptre of thy kingdom.


T'ou er choyrt graih da cairys, as feoh da mee-chairys; shen-y-fa ta Jee, dy jarroo yn Jee ayd's, er dty ooillaghey lesh yn ooil dy ghennallys erskyn dty heshaghyn.

Thou hast loved righteousness, and hated iniquity; therefore God, even thy God, hath anointed thee with the oil of gladness above thy fellows.


As, T'ou uss, Hiarn, 'sy toshiaght er hoiaghey undin y thallooin, as ta ny niaughyn obbraghyn dty laueyn.

And, Thou, Lord, in the beginning hast laid the foundation of the earth; and the heavens are the works of thine hands:


Nee adsyn cherraghtyn, agh t'ou uss er-mayrn; as nee ad ooilley gaase shenn goll-rish garmad;

They shall perish; but thou remainest; and they all shall wax old as doth a garment;


As myr coamrey nee uss filley ad seose, as bee ad er nyn gaghlaa; agh uss yn fer cheddin, as cha jean dty vleeantyn failleil.

And as a vesture shalt thou fold them up, and they shall be changed: but thou art the same, and thy years shall not fail.


Agh rish quoi jeh ny ainleyn dooyrt eh ec traa erbee, Soie er my laue yesh, derrey nee'm dty noidyn y yannoo stoyl dty choshey?

But to which of the angels said he at any time, Sit on my right hand, until I make thine enemies thy footstool?


Nagh nee spyrrydyn shirveishagh ad ooilley er nyn goyrt magh dy hirveish orroosyn vees eiraghyn dy haualtys?

Are they not all ministering spirits, sent forth to minister for them who shall be heirs of salvation?