The Bible

Agh loayr uss ny reddyn ta cordail rish ynsagh slayntoil:

But speak thou the things which become sound doctrine:

Dy bee ny shenn gheiney fudagh, soccaragh, sheelt, fondagh 'sy chredjue, ayns giastyllys, ayns meenid:

That the aged men be sober, grave, temperate, sound in faith, in charity, in patience.

Ny shenn vraane myrgeddin, dy bee ad dy ymmyrkey-bea crauee, cha nee scammyltee, ny cur rour saynt da feeyn, soilshaghey sampleyr mie;

The aged women likewise, that they be in behaviour as becometh holiness, not false accusers, not given to much wine, teachers of good things;

Gynsaghey ny mraane saa dy ve sheelt, dy ve graihagh er nyn sheshaghyn poost, dy choyrt graih da nyn gloan,

That they may teach the young women to be sober, to love their husbands, to love their children,

Dy ve tastagh, glen aignagh, freayll ec y thie, dy ve dooie, biallagh da ny sheshaghyn oc hene, nagh bee goo Yee loayrit dy olk jeh.

To be discreet, chaste, keepers at home, good, obedient to their own husbands, that the word of God be not blasphemed.

Coyrlee ny deiney aegey myrgeddin dy ve sheelt-aignagh.

Young men likewise exhort to be sober minded.

Ayns dy chooilley nhee jeeaghyn oo hene sampleyr dy obbraghyn mie: ayns ynsagh soilshaghey magh firrinys y chredjue, craueeaght, ynrickys,

In all things shewing thyself a pattern of good works: in doctrine shewing uncorruptness, gravity, sincerity,

Glare breeoil nagh vod ve loayrit n'oï: dy vod eshyn ta shassoo magh nearey 'ghoaill, gyn veg yn olk echey dy choyrt gys nyn lieh.

Sound speech, that cannot be condemned; that he that is of the contrary part may be ashamed, having no evil thing to say of you.

Coyrlee sharvaantyn dy ve biallagh da nyn mainshteryn hene, as dy wooiys ad dy mie ayns dy chooilley nhee; cha nee perkinnagh,

Exhort servants to be obedient unto their own masters, and to please them well in all things; not answering again;

Cha nee myngyragh, agh soilshaghey slane jeidjys firrinagh; dy vod ad soiaghey magh ynsagh Yee nyn Saualtagh ayns dy chooilley nhee.

Not purloining, but shewing all good fidelity; that they may adorn the doctrine of God our Saviour in all things.

Son ta grayse Yee er ny hoilshaghey, ta chebbal saualtys da dy chooilley ghooinney;

For the grace of God that bringeth salvation hath appeared to all men,

Gynsaghey dooin, liorish gobbal meechraueeaght as yeearreeyn seihlltagh, dy lhisagh shin baghey dy sheelt, dy cairal, as dy crauee ayns y theihll shoh;

Teaching us that, denying ungodliness and worldly lusts, we should live soberly, righteously, and godly, in this present world;

Farkiagh son y treishteil bannit shen, as cheet gloyroil yn Jee mooar, as nyn Saualtagh Yeesey Creest:

Looking for that blessed hope, and the glorious appearing of the great God and our Saviour Jesus Christ;

Hug eh-hene er-nyn son, dy voddagh eh shin y eaysley veih dy chooilley vee-chraueeaght, as casherickey da hene pobble reiht, jeean ayns obbraghyn mie.

Who gave himself for us, that he might redeem us from all iniquity, and purify unto himself a peculiar people, zealous of good works.

Ny reddyn shoh jean uss loayrt as coyrlaghey, as cur oghsan lesh slane 'torrity. Ny lhig da dooinney erbee beg y hoiaghey jeed.

These things speak, and exhort, and rebuke with all authority. Let no man despise thee.