The Bible


Paul ostyl Yeesey Creest liorish aigney Yee, cordail rish gialdyn y vea, ayns Creest Yeesey;

Paul, an apostle of Jesus Christ by the will of God, according to the promise of life which is in Christ Jesus,


Gys Timothy my vac deyr graihagh: Grayse, myghin, as shee veih Jee yn Ayr, as Creest Yeesey nyn Jiarn.

To Timothy, my dearly beloved son: Grace, mercy, and peace, from God the Father and Christ Jesus our Lord.


Ta mee cur booise gys Jee, eh ta mee dy hirveish veih my henn-ayraghyn lesh cooinsheanse ghlen, dy vel mee cooinaghtyn dy kinjagh ort ayns my phadjeryn oie as laa:

I thank God, whom I serve from my forefathers with pure conscience, that without ceasing I have remembrance of thee in my prayers night and day;


Dy jeean goaill foddiaght dy dty akin, cooinaghtyn er dty yeïr, dy voddym ve er my lhieeney lesh gerjagh:

Greatly desiring to see thee, being mindful of thy tears, that I may be filled with joy;


Tra ta mee tayrn gys cooinaghtyn yn credjue ynrick t'aynyd's, va hoshiaght ayns dty warree Lois, as dty voir Eunice; as ta mee dy shickyr credjal dy ve aynyd's myrgeddin.

When I call to remembrance the unfeigned faith that is in thee, which dwelt first in thy grandmother Lois, and thy mother Eunice; and I am persuaded that in thee also.


Shen-y-fa ta mee coyrt oo ayns cooinaghtyn, dy jean oo greesaghey seose gioot Yee, ta aynyd, liorish coyrt my laueyn ort.

Wherefore I put thee in remembrance that thou stir up the gift of God, which is in thee by the putting on of my hands.


Son cha vel Jee er choyrt dooin yn spyrryd dy aggle; agh dy phooar, as dy ghraih, as dy chreenaght.

For God hath not given us the spirit of fear; but of power, and of love, and of a sound mind.


Ny bee nearey ort er-y-fa shen jeh recortys nyn Jiarn, ny Jeem's e phryssoonagh: agh gow uss ayrn mârym's ayns seaghyn y tushtal, cordail rish pooar Yee;

Be not thou therefore ashamed of the testimony of our Lord, nor of me his prisoner: but be thou partaker of the afflictions of the gospel according to the power of God;


Ta er hauail shin, as er n'eamagh orrin lesh eam casherick, cha nee cordail rish ny obbraghyn ain, agh cordail rish e chiarail hene as grayse va er ny choyrt dooin ayns Creest Yeesey, er-dy hoshiaght y theihll,

Who hath saved us, and called us with an holy calling, not according to our works, but according to his own purpose and grace, which was given us in Christ Jesus before the world began,


Agh ta nish er ny hoilshaghey liorish cheet nyn Saualtagh Yeesey Creest, ta er stroie yn baase, as er choyrt lesh bea as bioys son dy bragh gys soilshey, liorish y sushtal:

But is now made manifest by the appearing of our Saviour Jesus Christ, who hath abolished death, and hath brought life and immortality to light through the gospel:


Gys ta mee er my phointeil ny phreachoor, as ny ostyl, as fer-ynsee ny Ashoonee.

Whereunto I am appointed a preacher, and an apostle, and a teacher of the Gentiles.


Er-yn-oyr cheddin ta mee myrgeddin surranse ny reddyn shoh, ny-yeih cha vel nearey orrym: son shione dou eshyn ayn ta mee er chredjal, as ta mee feer shickyr dy vel eh abyl dy reayll shen ny ta mee er hymney gys e chiarail gys yn laa shen.

For the which cause I also suffer these things: nevertheless I am not ashamed: for I know whom I have believed, and am persuaded that he is able to keep that which I have committed unto him against that day.


Cumm shickyr bun ny goan slayntoil, t'ou er chlashtyn voym's, ayns credjue as graih ta ayns Creest Yeesey.

Hold fast the form of sound words, which thou hast heard of me, in faith and love which is in Christ Jesus.


Yn gioal mie shen v'er ny choyrt fo dty chiarail, freill liorish y Spyrryd Noo ta baghey aynin.

That good thing which was committed unto thee keep by the Holy Ghost which dwelleth in us.


Shoh ta fys ayd, dy vel adsyn ooilley t'ayns Asia er choyrt cooyl rhym; jeu shoh ta Phygellus as Hermogenes.

This thou knowest, that all they which are in Asia be turned away from me; of whom are Phygellus and Hermogenes.


Dy der y Chiarn myghin da lught-thie Onesiphorus; son ren eh dy mennick m'y ooraghey, as cha row nearey er jeh my gheuley.

The Lord give mercy unto the house of Onesiphorus; for he oft refreshed me, and was not ashamed of my chain:


As tra v'eh ec y Raue, ren eh briaght er my hon dy imneagh, as hooar eh magh mee.

But, when he was in Rome, he sought me out very diligently, and found me.


Dy giall y Chiarn da dy vod eh myghin y gheddyn veih'n Chiarn 'sy laa shen: as ayns cre whilleen nhee ren eh shirveish orrym ec Ephesus, ta fys ayd er dy mie.

The Lord grant unto him that he may find mercy of the Lord in that day: and in how many things he ministered unto me at Ephesus, thou knowest very well.