The Bible

Lhig da whilleen sharvaant as ta fo'n whing, nyn mainshteryn hene y choontey feeu jeh dy chooilley onnor: nagh bee scammylt er ny choyrt da ennym Yee, as e ynsagh.

Let as many servants as are under the yoke count their own masters worthy of all honour, that the name of God and his doctrine be not blasphemed.

As adsyn ta mainshteryn creestee oc, ny lhig daue soiaghey beg jeu, er-yn-oyr dy nee braaraghyn ad: agh lhig daue shirveish ad ny s'arryltee, son dy vel ad jeh'n [un] chredjue, as ayns graih [Yee], goaill ayrn cooidjagh jeh'n bannaght. Ny reddyn shoh ynsee as coyrlee.

And they that have believing masters, let them not despise them, because they are brethren; but rather do them service, because they are faithful and beloved, partakers of the benefit. These things teach and exhort.

My ta dooinney erbee gynsaghey er aght elley, as nagh vel eh geiyrt da goan slayntoil, dy jarroo goan nyn Jiarn Yeesey Creest, as da'n ynsagh ta cordail rish craueeaght;

If any man teach otherwise, and consent not to wholesome words, even the words of our Lord Jesus Christ, and to the doctrine which is according to godliness;

T'eh moyrnagh, er beggan tushtey, agh branladee mysh questionyn as arganeyn streeuagh, voue ta cheet troo, anvea, oltooan, drogh-ouryssyn,

He is proud, knowing nothing, but doting about questions and strifes of words, whereof cometh envy, strife, railings, evil surmisings,

Pleadeilyn camlâgagh deiney dy aignaghyn neu-ghlen, as follym jeh'n irriney, jeeaghyn er cosney dy ve craueeaght: veih nyn lheid jean oo hene y scarrey.

Perverse disputings of men of corrupt minds, and destitute of the truth, supposing that gain is godliness: from such withdraw thyself.

Agh ta craueeaght lesh aigney booiagh cosney mooar.

But godliness with contentment is great gain.

Son cha dug shin lhien nhee erbee stiagh 'sy theihll shoh, as te shickyr nagh vod mayd nhee erbee y choyrt lhien magh ass.

For we brought nothing into this world, and it is certain we can carry nothing out.

As my ta beaghey as coamrey ain, lhig dooin ve booiagh lhieu.

And having food and raiment let us be therewith content.

Agh t'adsyn ta soit er ve berchagh tuittym ayns miolagh, as ribbey, as ayns ymmodee sayntyn olk as ommijagh, ta baih deiney ayns toyrt-mow as coayl-anmey.

But they that will be rich fall into temptation and a snare, and into many foolish and hurtful lusts, which drown men in destruction and perdition.

Son saynt argid fraue dy chooilley olk: da'n chooid cheddin choud as va paart miandagh er, t'ad er n'gholl er shaghryn veih'n chredjue, as er vroddey ad-hene trooid lesh mooarane torchaghyn.

For the love of money is the root of all evil: which while some coveted after, they have erred from the faith, and pierced themselves through with many sorrows.

Agh uss, O ghooinney dy Yee, chea veih ny reddyn shoh: as eiyr da ynrickys, craueeaght, credjue, graih, surranse, meenid.

But thou, O man of God, flee these things; and follow after righteousness, godliness, faith, love, patience, meekness.

Bee dty hidoor dunnal son y chredjue, gow greme er y vea veayn, gys shen t'ou myrgeddin er dty eam, as er n'ghoaill rish credjue mie kiongoyrt rish ymmodee feanishyn.

Fight the good fight of faith, lay hold on eternal life, whereunto thou art also called, and hast professed a good profession before many witnesses.

Ta mee cur currym ort fenish Yee, ta bioghey dy chooilley nhee, as kiongoyrt rish Creest Yeesey, ren tra v'eh roish Pontius Pilate gymmyrkey feanish mie;

I give thee charge in the sight of God, who quickeneth all things, and before Christ Jesus, who before Pontius Pilate witnessed a good confession;

Dy vreill oo yn sarey shoh slane, gyn-foill, derrey cheet nyn Jiarn Yeesey Creest:

That thou keep this commandment without spot, unrebukable, until the appearing of our Lord Jesus Christ:

Shen nee eshyn ayns traa cooie y hoilshaghey, ta'n ynrycan Ard-reiltagh bannit, yn Ree dy reeaghyn, as Chiarn dy hiarnyn.

Which in his times he shall shew, who is the blessed and only Potentate, the King of kings, and Lord of lords;

Echeysyn ny-lomarcan ta'n vea dy bragh farraghtyn, baghey 'sy toilshey nagh vod dooinney erbee roshtyn huggey, eh nagh vel dooinney erbee er vakin, ny cha vod fakin: huggeysyn dy row ooashley as pooar dy bragh farraghtyn. Amen.

Who only hath immortality, dwelling in the light which no man can approach unto; whom no man hath seen, nor can see: to whom be honour and power everlasting. Amen.

Cur currym orroosyn ta berchagh 'sy theihll shoh, nagh bee ad ard-aignagh, ny treishteil ayns berchys neuhickyr, agh ayns y Jee bio, ta cur dooin dy palchey dy chooilley nhee dy ghoaill soylley jeu:

Charge them that are rich in this world, that they be not highminded, nor trust in uncertain riches, but in the living God, who giveth us richly all things to enjoy;

Dy jean ad mie, dy bee ad berchagh ayns obbraghyn mie, aignagh dy rheynn, arryltagh dy choyrt da ny boghtyn;

That they do good, that they be rich in good works, ready to distribute, willing to communicate;

Coyrt seose ayns stoyr nyn gour oc hene undin mie ry-hoi yn traa ta ry-heet, dy vod ad greme y ghoaill er y vea veayn.

Laying up in store for themselves a good foundation against the time to come, that they may lay hold on eternal life.

O Timothy, freill shen ny ta er ny choyrt gys dty churrym, shaghney glare mee-chrauee as fardalagh, as streeu mychione yn ynsagh shen ta far-enmyssit creenaght:

O Timothy, keep that which is committed to thy trust, avoiding profane and vain babblings, and oppositions of science falsely so called:

Liorish geiyrt da shoh, ta paart er n'gholl er-shaghryn veih'n chredjue. Grayse dy row mayrt. Amen.

Which some professing have erred concerning the faith. Grace be with thee. Amen.