The Bible


Ny cur oghsan da shanstyr, agh coyrlee eh myr ayr, as ny deiney saa myr braaraghyn;

Rebuke not an elder, but intreat him as a father; and the younger men as brethren;


Ny mraane shinney myr moiraghyn, ny [mraane] saa myr shayraghyn, lesh dy chooilley ghlennid.

The elder women as mothers; the younger as sisters, with all purity.


Jean soiaghey jeh mraane-treoghe ta mraane-treoghe dy jarroo.

Honour widows that are widows indeed.


Agh my ta ec ben-treoghe erbee cloan ny ogheyn, lhig daue hoshiaght gynsaghey dy hoilshaghey kenjallys dooie ec y thie, as dy yannoo lhiasagh da nyn ayraghyn as moiraghyn: son ta shen mie, as soiagh er ny yannoo jeh fenish Yee.

But if any widow have children or nephews, let them learn first to shew piety at home, and to requite their parents: for that is good and acceptable before God.


Nish t'ee shen ta dy jarroo ny ben-treoghe, as treigit, treishteil ayns Jee, as tannaghtyn ayns aghinyn as padjeryn oie as laa.

Now she that is a widow indeed, and desolate, trusteth in God, and continueth in supplications and prayers night and day.


Agh ish ta baghey ayns reamys neu-lowal, t'ee marroo ga dy vel ee bio.

But she that liveth in pleasure is dead while she liveth.


As ny reddyn shoh cur [daue] ayns currym, dy vod ad ve dyn foill.

And these things give in charge, that they may be blameless.


Agh mannagh vel fer erbee kiarail cour e vooinjer hene, as erskyn ooilley ny chour ocsyn ta jeh'n lught-thie echey hene, t'eh er n'obbal y credjue, as t'eh ny smessey na an-chreestee.

But if any provide not for his own, and specially for those of his own house, he hath denied the faith, and is worse than an infidel.


Ny lhig da ben-treoghe ve goit stiagh 'sy choontey fo three-feed blein, as nagh vel er ve agh un cheayrt poost,

Let not a widow be taken into the number under threescore years old, having been the wife of one man.


Ayns goo mie son obbraghyn mie; my t'ee er hroggal cloan, my t'ee er chur aaght da joarreeyn, my t'ee er niee cassyn ny nooghyn, my t'ee er chooney lhieusyn va seaghnit, my t'ee er eiyrt dy imneagh da dy chooilley obbyr vie.

Well reported of for good works; if she have brought up children, if she have lodged strangers, if she have washed the saints' feet, if she have relieved the afflicted, if she have diligently followed every good work.


Agh ny mraane-treoghe saa ny gow stiagh: son tra t'ad er n'ghoaill toshiaght dy aase rouanagh noi Creest, bee ad son poosey;

But the younger widows refuse: for when they have begun to wax wanton against Christ, they will marry;


Tayrn kerraghey orroo hene, er-yn-oyr dy vel ad er hilgey jeh nyn chied chredjue.

Having damnation, because they have cast off their first faith.


As marish shoh t'ad gynsaghey dy ve litcheragh, rouail veih thie gy thie; as cha nee ynrycan litcheragh, agh tutleryn neesht, as peeikeyryn ayns cooishyn sleih elley, loayrt reddyn nagh lhisagh ad.

And withal they learn to be idle, wandering about from house to house; and not only idle, but tattlers also and busybodies, speaking things which they ought not.


Saillym er-y-fa shen dy jean ny mraane saa poosey, cloan y ymmyrkey, yn thie y reill, gyn veg yn oyr y choyrt da'n noid dy loayrt dy scammyltagh.

I will therefore that the younger women marry, bear children, guide the house, give none occasion to the adversary to speak reproachfully.


Son ta paart ta hannah er jyndaa dy lhiattee geiyrt er noid ny hanmey.

For some are already turned aside after Satan.


My ta mraane-treoghe mooinjerey ec dooinney ny ben erbee ta jeh'n chredjue, lhig daue kiarail y ghoaill jeu, as nagh bee'n currym oc er yn agglish; dy vod ee cooney lhieusyn ta mraane treoghe dy jarroo.

If any man or woman that believeth have widows, let them relieve them, and let not the church be charged; that it may relieve them that are widows indeed.


Lhig da ny shanstyryn ta reill dy mie ve coontit feeu jeh ooashley dooble, erskyn ooilley adsyn ta laboragh 'sy ghoo as ynsagh.

Let the elders that rule well be counted worthy of double honour, especially they who labour in the word and doctrine.


Son ta'n scriptyr gra, Cha jean oo beeal y dow y chiangley seose ta stampey magh yn arroo: as, Ta'n labree feeu e aill.

For the scripture saith, Thou shalt not muzzle the ox that treadeth out the corn. And, The labourer is worthy of his reward.


Noi shanstyr ny jean plaiynt y ghoaill, agh kiongoyrt rish ghaa ny three dy eanishyn.

Against an elder receive not an accusation, but before two or three witnesses.


Cur oghsan dauesyn ta cur rish peccah kiongoyrt rish ooilley, dy vod feallagh elley myrgeddin aggle y ghoaill.

Them that sin rebuke before all, that others also may fear.


Ta mee cur currym ort fenish Yee, as y Chiarn Yeesey Creest, as ny ainleyn reiht, dy der oo tastey da ny reddyn shoh fegooish soiaghey jeh persoon erskyn persoon elley, jannoo dy chooilley nhee lesh kiartys.

I charge thee before God, and the Lord Jesus Christ, and the elect angels, that thou observe these things without preferring one before another, doing nothing by partiality.


Ny cur laueyn dy siyragh er dooinney erbee, chamoo gow ayrn jeh peccaghyn deiney elley: freill oo hene glen.

Lay hands suddenly on no man, neither be partaker of other men's sins: keep thyself pure.


Ny iu ushtey ny sodjey, agh gow red beg dy feeyn dy niartaghey dty stamach, as son dy vel oo cha mennick aslayntagh.

Drink no longer water, but use a little wine for thy stomach's sake and thine often infirmities.


Ta peccaghyn paart dy gheiney er ny hoilshaghey ro-laue, goll rhymboo gys briwnys; as paart dy gheiney t'ad cheet ny yeï.

Some men's sins are open beforehand, going before to judgment; and some men they follow after.


Myr shen myrgeddin ta obbraghyn mie paart soilshit ro-laue; as adsyn ta er aght elley, cha vod ad ve keillit.

Likewise also the good works of some are manifest beforehand; and they that are otherwise cannot be hid.