The Bible


Ta shoh raa firrinagh, my ta dooinney geearree oik aspick, t'eh geearree obbyr vie.

This is a true saying, If a man desire the office of a bishop, he desireth a good work.


Shegin da aspick eisht ve gyn loght, sheshey-poost un ven, tastagh, sheelt, jeh ymmyrkey-bea mie, aggindagh dy choyrt oltaghey bea, aghtal dy ynsaghey;

A bishop then must be blameless, the husband of one wife, vigilant, sober, of good behaviour, given to hospitality, apt to teach;


Cha nee iuder-feeyney, ny builltagh, ny sondagh er cosney scammyltagh, agh surransagh, cha nee fer streeuagh, ny sayntoilagh;

Not given to wine, no striker, not greedy of filthy lucre; but patient, not a brawler, not covetous;


Dooinney ta gymmyrkey reill mie ayns e hie hene, as e chloan fo smaght lesh slane sheeltys;

One that ruleth well his own house, having his children in subjection with all gravity;


(Son mannagh vel fys ec dooinney kys dy reill e hie hene, kys nee eh kiarail y ghoaill jeh agglish Yee?)

(For if a man know not how to rule his own house, how shall he take care of the church of God?)


Cha nee fer gerrit 'sy chredjue, er-aggle dy bee eh troggit seose lesh moyrn, as dy duitt eh fo briwnys y drogh-spyrryd.

Not a novice, lest being lifted up with pride he fall into the condemnation of the devil.


Shegin da myrgeddin goo mie ve echey vouesyn ta mooie; er-aggle dy duitt eh fo scammylt, as ribbey yn drogh-spyrryd.

Moreover he must have a good report of them which are without; lest he fall into reproach and the snare of the devil.


Myrgeddin shegin da ny shirveishee ve soccaragh, cha nee chengey lhiam as lhiat, nagh bee ad neu-heelt ayns feeyn, gyn ve sondagh er cosney scammyltagh,

Likewise must the deacons be grave, not doubletongued, not given to much wine, not greedy of filthy lucre;


Freayll folliaght y chredjue ayns cooinsheanse ghlen.

Holding the mystery of the faith in a pure conscience.


As lhig daue shoh myrgeddin ve hoshiaght er nyn browal, eisht lhig daue goaill orroo oik y chirveishagh, my t'ad dyn foill.

And let these also first be proved; then let them use the office of a deacon, being found blameless.


Shegin da ny mraane oc myrgeddin ve dy ymmyrkey fudagh, cha nee scammyltee, agh sheelt, ynrick ayns dy chooilley nhee.

Even so must their wives be grave, not slanderers, sober, faithful in all things.


Lhig da ny shirveishee ve sheshee-poost un ven, reill nyn gloan, as nyn lught thie hene dy mie.

Let the deacons be the husbands of one wife, ruling their children and their own houses well.


Son t'adsyn t'er chooilleeney oik y chirveishagh dy firrinagh, er gheddyn daue hene raad mie [gys oik syrjey], as lane dunnallys ayns y chredjue, ta ayns Creest Yeesey.

For they that have used the office of a deacon well purchase to themselves a good degree, and great boldness in the faith which is in Christ Jesus.


Ny reddyn shoh ta mee scrieu hood jerkal dy heet hood dy gerrit:

These things write I unto thee, hoping to come unto thee shortly:


Agh my uirr-ym foddey, dy vod fys ve ayd kys lhisagh uss oo hene y ymmyrkey ayns thie Yee, ta agglish yn Jee bio, yn pillar as undin yn irriney.

But if I tarry long, that thou mayest know how thou oughtest to behave thyself in the house of God, which is the church of the living God, the pillar and ground of the truth.


As son shickyrys, s'mooar ta'n folliaght dy chraueeaght: va Jee er ny hoilshaghey 'syn eill, er ny heyrey liorish y spyrryd, er ny akin liorish ainleyn, er ny phreacheil gys ny Ashoonee, er ny chredjal ayn 'sy theihll, er ny ghoaill seose ayns gloyr.

And without controversy great is the mystery of godliness: God was manifest in the flesh, justified in the Spirit, seen of angels, preached unto the Gentiles, believed on in the world, received up into glory.