The Bible

Ta mee coyrlaghey er-y-fa shen, hoshiaght ooilley, dy bee aghinyn, padjeryn, yeearreeyn, as toyrt booise er ny yannoo son dy chooilley ghooinney:

I exhort therefore, that, first of all, supplications, prayers, intercessions, and giving of thanks, be made for all men;

Son reeaghyn, as son ocsyn ooilley ta ayns ard-reill; dy vod mayd leeideil bea feagh as sheeoil ayns dy chooilley chraueeaght as ynrickys.

For kings, and for all that are in authority; that we may lead a quiet and peaceable life in all godliness and honesty.

Son ta shoh mie as booisal ayns shilley Yee nyn saualtagh:

For this is good and acceptable in the sight of God our Saviour;

Eh saillish dy chooilley ghooinney dy ve er nyn sauail, as dy heet gys tushtey jeh'n irriney.

Who will have all men to be saved, and to come unto the knowledge of the truth.

Son ta un Jee ayn, as un er ta loayrt eddyr Jee as deiney, yn dooinney Creest Yeesey;

For there is one God, and one mediator between God and men, the man Christ Jesus;

Hug eh-hene ny lhiassaghey son ooilley, dy ve er ny hoilshaghey ayns traa cooie.

Who gave himself a ransom for all, to be testified in due time.

Gys shoh va mee er my oardaghey ny phreachoor, as ostyl (ta mee loayrt yn irriney ayns Creest, as cha vel mee ginsh breg) fer-ynsee ny Ashoonee ayns credjue as firrinys.

Whereunto I am ordained a preacher, and an apostle, (I speak the truth in Christ, and lie not;) a teacher of the Gentiles in faith and verity.

Saillym er-y-fa shen dy jean deiney padjer y ghoaill dy chooilley raad, troggal seose laueyn glen, fegooish corree as mee-hreishteil:

I will therefore that men pray every where, lifting up holy hands, without wrath and doubting.

Myrgeddin neesht dy jean mraane adhene y hoiaghey magh ayns coamrey fudagh, lesh ymmyrkey arrymagh, as sheeltys: cha nee lesh folt feeit, ny airh, ny pearlyn, ny coamrey costal;

In like manner also, that women adorn themselves in modest apparel, with shamefacedness and sobriety; not with broided hair, or gold, or pearls, or costly array;

Agh (shen ta cheet jesh da mraane ta goaill-rish craueeaght) lesh obbraghyn mie.

But (which becometh women professing godliness) with good works.

Lhig da'n ven gynsaghey dy feagh lesh slane biallys.

Let the woman learn in silence with all subjection.

Agh cha surr-ym ben dy ynsaghey, ny dy ghoaill urree hene pooar harrish y dooinney, agh dy ve ny-host.

But I suffer not a woman to teach, nor to usurp authority over the man, but to be in silence.

Son va Adam hoshiaght er ny chroo, as eisht Aue.

For Adam was first formed, then Eve.

As cha nee Adam [va hoshiaght] mollit, agh y ven myr v'ee miolit va oolee.

And Adam was not deceived, but the woman being deceived was in the transgression.

Foast, bee ee er ny hauail ayns gymmyrkey-lhiannoo, my nee ad tannaghtyn ayns credjue as graih, as craueeaght lesh sheeltys.

Notwithstanding she shall be saved in childbearing, if they continue in faith and charity and holiness with sobriety.