The Bible


Ny sodjey, vraaraghyn, gow-jee padjer er nyn son, dy vod goo'n Chiarn roie dyn lhiettal, as ve er ny ghloyraghey dy jarroo myr te nyn mast' euish

Finally, brethren, pray for us, that the word of the Lord may have free course, and be glorified, even as it is with you:


As dy vod shin v'er nyn livrey veih deiney neu-resoonagh as olkyssagh: son cha vel ec dy chooilley ghooinney credjue.

And that we may be delivered from unreasonable and wicked men: for all men have not faith.


Agh ta'n Chiarn firrinagh, nee shiuish y niartaghey, as y reayll veih olk.

But the Lord is faithful, who shall stablish you, and keep you from evil.


As ta treishteil ain ayns y Chiarn mychione eu, dy vel shiu, as dy jean shiu, cooilleeney ny reddyn ta shin coyrt ayns currym diu.

And we have confidence in the Lord touching you, that ye both do and will do the things which we command you.


As dy jean y Chiarn ny creeaghyn eu y leeideil ayns graih Yee, as ayns farkiaght surransagh er Creest.

And the Lord direct your hearts into the love of God, and into the patient waiting for Christ.


Nish ta shin cur sarey diu, vraaraghyn, ayns ennym nyn Jiarn Yeesey Creest, dy jean shiu scarrey shiu hene voish dy chooilley vraar ta gymmyrkey eh-hene dy mee-reilltagh, as cha nee cordail rish yn ynsagh hooar eh voïnyn.

Now we command you, brethren, in the name of our Lord Jesus Christ, that ye withdraw yourselves from every brother that walketh disorderly, and not after the tradition which he received of us.


Son ta fys eu hene cre'n aght lhisagh shiu geiyrt orrin: son cha ren shin gymmyrkey shin hene dy mee-reilltagh nyn mast eu,

For yourselves know how ye ought to follow us: for we behaved not ourselves disorderly among you;


Chamoo d'ee shin arran dooinney erbee nastee, agh ren shin gobbraghey lesh deinys as tooilleil oie as laa, son nagh beagh shin costyllagh da veg eu:

Neither did we eat any man's bread for nought; but wrought with labour and travail night and day, that we might not be chargeable to any of you:


Cha nee son nagh vel pooar ain, agh dy yannoo shin hene sampleyr diuish dy eiyrt orrin.

Not because we have not power, but to make ourselves an ensample unto you to follow us.


Son dy jarroo tra va shin mêriu, hug shin yn sarey shoh diu, Fer erbee nagh jinnagh gobbraghey, nagh lhisagh eh gee.

For even when we were with you, this we commanded you, that if any would not work, neither should he eat.


Son ta shin clashtyn dy vel nyn lheid ayn ta gymmyrkey ad-hene dy lhiastey ny vud eu, nagh vel lhie rish turn y yannoo, agh ta seiy ad-hene ayns cooishyn sleih elley.

For we hear that there are some which walk among you disorderly, working not at all, but are busybodies.


Nish dauesyn ta nyn lheid ta shin cur sarey, as raaue liorish nyn Jiarn Yeesey Creest, dy jean ad gobbraghey dy feagh, as gee yn arran oc hene.

Now them that are such we command and exhort by our Lord Jesus Christ, that with quietness they work, and eat their own bread.


Agh shiuish, vraaraghyn, ny bee-jee liastey ayns jannoo mie,

But ye, brethren, be not weary in well doing.


As my ta dooinney erbee nagh vel coyrt biallys da'n goo ain liorish y screeuyn shoh, gow-jee baght er-lheh jeh'n dooinney shen, as ny jean-jee sheshaght rish, dy vod eh goaill nearey.

And if any man obey not our word by this epistle, note that man, and have no company with him, that he may be ashamed.


Ny-yeih ny jeeagh-jee er myr noid, agh coyrlee-jee eh myr braar.

Yet count him not as an enemy, but admonish him as a brother.


Nish dy jean y Chiarn hene dy bee, shee 'choyrt diu dy kinjagh, er dy chooilley aght. Dy row yn Chiarn mêriu ooilley.

Now the Lord of peace himself give you peace always by all means. The Lord be with you all.


Bea as slaynt hiu voym's Paul fo my laue hene, ta'n cowrey ayns dy chooilley screeuyn: shen myr ta mee scrieu;

The salutation of Paul with mine own hand, which is the token in every epistle: so I write.


Grayse nyn Jiarn Yeesey Creest dy row mêriu ooilley. Amen.

The grace of our Lord Jesus Christ be with you all. Amen.