The Bible


Ny-sodjey na shoh, ta shin guee erriu, vraaraghyn, as coyrlaghey shiu liorish y Chiarn Yeesey, 'naght myr ta shiu er n'ynsaghey voïnyn kys lhisagh shiu nyn mea y ymmyrkey? as Jee y wooiys, myr shen dy jinnagh shiu bishaghey ny smoo as ny smoo.

Furthermore then we beseech you, brethren, and exhort you by the Lord Jesus, that as ye have received of us how ye ought to walk and to please God, so ye would abound more and more.


Son ta fys eu cre ny saraghyn hug shin diu liorish y Chiarn Yeesey.

For ye know what commandments we gave you by the Lord Jesus.


Son shoh aigney Yee, dy jarroo yn chasherickys eu, dy lhisagh shiu freayll shiu hene veih maarderys;

For this is the will of God, even your sanctification, that ye should abstain from fornication:


Dy lhisagh fys ve ec dagh unnane eu kys dy reayll e chorp ayns glennid as onnor;

That every one of you should know how to possess his vessel in sanctification and honour;


Cha nee ayns mian saynt ny foalley, goll-rish eer ny Ashoonyn-quaagh nagh vel tushtey oc dy Yee;

Not in the lust of concupiscence, even as the Gentiles which know not God:


Nagh lhisagh dooinney erbee vondeish y ghoaill er e vraar as eh y voylley ayns cooish erbee: er-yn-oyr dy nee yn Chiarn ta goaill cooilleen er ooilley nyn lheid, myr ta shin er n'insh diu ro-laue, as er hoilshaghey.

That no man go beyond and defraud his brother in any matter: because that the Lord is the avenger of all such, as we also have forewarned you and testified.


Son cha vel Jee er n'eamagh orrin gys neu-ghlennid, agh gys casherickys.

For God hath not called us unto uncleanness, but unto holiness.


Eshyn er-y-fa shen ta soiaghey beg, cha vel eh soiaghey beg jeh dooinney, agh jeh Jee, ta myrgeddin er choyrt dooinyn e Spyrryd casherick.

He therefore that despiseth, despiseth not man, but God, who hath also given unto us his holy Spirit.


Agh mychione graih braaragh, cha lhiass dou scrieu hiu: son ta shin hene ynsit veih Jee dy chur graih yn derrey yeh da'n jeh elley.

But as touching brotherly love ye need not that I write unto you: for ye yourselves are taught of God to love one another.


As dy jarroo ta shiu dy yannoo eh da ooilley ny braaraghyn dy chooilley raad ayns Macedonia: agh ta shin guee erriu, vraaraghyn, dy jean shiu bishaghey ny smoo as ny smoo;

And indeed ye do it toward all the brethren which are in all Macedonia: but we beseech you, brethren, that ye increase more and more;


As dy jean shiu kiarail y ghoaill dy ve feagh, as dy yannoo nyn obbyr hene, as dy laboragh lesh nyn laueyn hene (myr ta shin er harey shiu)

And that ye study to be quiet, and to do your own business, and to work with your own hands, as we commanded you;


Dy jean shiu gymmyrkey shiu-hene dy onneragh hucsyn ta cheu-mooie, as nagh bee shiu feme nhee erbee.

That ye may walk honestly toward them that are without, and that ye may have lack of nothing.


Agh cha baillym shiu ve mee-hushtagh, vraaraghyn, mychione ocsyn ta nyn gadley, nagh bee shiu trimshagh, dy jarroo myr feallagh elley ta fegooish treishteil.

But I would not have you to be ignorant, brethren, concerning them which are asleep, that ye sorrow not, even as others which have no hope.


Son my ta shin credjal dy dooar Yeesey baase, as dy dirree eh reesht, dy jarroo myr shen adsyn myrgeddin ta cadley ayns Yeesey, ver Jee lesh marish.

For if we believe that Jesus died and rose again, even so them also which sleep in Jesus will God bring with him.


Son shoh ta shin gra riu liorish goo yn Chiarn, shinyn ta bio, as er-mayrn gys cheet y Chiarn, nagh gow mayd y raad jeusyn ta nyn gadley.

For this we say unto you by the word of the Lord, that we which are alive and remain unto the coming of the Lord shall not prevent them which are asleep.


Son hig y Chiarn neose veih niau lesh eam ard, lesh coraa yn ard-ainle, as lesh cayrn Yee: as nee ny merriu ayns Creest girree hoshiaght.

For the Lord himself shall descend from heaven with a shout, with the voice of the archangel, and with the trump of God: and the dead in Christ shall rise first:


Eisht vees shinyn ta bio, as er-mayrn, goit seose cooidjagh mâroosyn ayns ny bodjallyn, dy gholl quail y Chiarn ayns yn aer: as myr shen bee mayd dy bragh marish y Chiarn.

Then we which are alive and remain shall be caught up together with them in the clouds, to meet the Lord in the air: and so shall we ever be with the Lord.


Shen-y-fa, gerjee shiu yn derrey yeh yn jeh elley lesh ny goan shoh.

Wherefore comfort one another with these words.