The Bible


Shiuish vainshteryn, cur-jee da nyn sharvaantyn shen ny ta cairagh as cooie, toiggal dy vel eu hene myrgeddin mainshter ayns niau.

Masters, give unto your servants that which is just and equal; knowing that ye also have a Master in heaven.


Jean-jee tannaghtyn ayns padjer, as bee-jee dooishtagh 'sy chooid cheddin lesh toyrt-booise;

Continue in prayer, and watch in the same with thanksgiving;


Marish shoh, goaill padjer myrgeddin er nyn son ainyn, dy jinnagh Jee fosley dooin dorrys dy ghlare vreeoil, dy loayrt folliaght Chreest, er y hon ta mish myrgeddin ayns geulaghyn:

Withal praying also for us, that God would open unto us a door of utterance, to speak the mystery of Christ, for which I am also in bonds:


Dy voddym fockley magh eh, myr lhisin loayrt.

That I may make it manifest, as I ought to speak.


Jean-jee gymmyrkey shiu hene dy tastagh ny vud ocsyn ta mooie, jannoo yn chooid smoo jeh'n traa.

Walk in wisdom toward them that are without, redeeming the time.


Lhig da'n ghlare eu dy kinjagh ve jeant blastal lesh y sollan dy ghrayse, dy vod fys y ve eu cre'n ansoor ver shiu da dy chooilley ghooinney.

Let your speech be alway with grace, seasoned with salt, that ye may know how ye ought to answer every man.


Nee Tychicus ooilley my stayd y hoilshaghey diu; ta ny vraar graihagh, as shirveishagh firrinagh, as sheshey sharvaant ayns y Chiarn:

All my state shall Tychicus declare unto you, who is a beloved brother, and a faithful minister and fellowservant in the Lord:


Eshyn ta mee er chur hiuish son yn eer oyr cheddin, dy voddagh eh geddyn toiggal jeh'n stayd euish, as ny creeaghyn euish y gherjaghey:

Whom I have sent unto you for the same purpose, that he might know your estate, and comfort your hearts;


Marish Onesimus braar firrinagh as graihagh, ta fer j'iu hene. Ver adsyn coontey diu jeh dy chooilley red ta jeant ayns shoh.

With Onesimus, a faithful and beloved brother, who is one of you. They shall make known unto you all things which are done here.


Ta Aristarchus my heshey-pryssoonagh dy bannaghey diu, as Marcus mac shayrey Barnabas (mychione echey hooar shiu currym; my hig eh hiu jean-jee mooar jeh)

Aristarchus my fellowprisoner saluteth you, and Marcus, sister's son to Barnabas, (touching whom ye received commandments: if he come unto you, receive him;)


As Jesus, ta enmyssit Justus, ta jeh'n ghiarey-chymmylt. Ad shoh ny lomarcan my cho-labreeyn gys reeriaght Yee, ta er ny ve gerjagh dooys.

And Jesus, which is called Justus, who are of the circumcision. These only are my fellowworkers unto the kingdom of God, which have been a comfort unto me.


Ta Epaphras, fer j'iu hene, sharvaant Chreest, dy vannaghey diu, dy kinjagh gleck dy jeean er nyn son eu ayns padjeryn, dy vod shiu shassoo dy shickyr as slane fondagh ayns ooilley aigney Yee.

Epaphras, who is one of you, a servant of Christ, saluteth you, always labouring fervently for you in prayers, that ye may stand perfect and complete in all the will of God.


Son ta mee gymmyrkey feanish da, dy vel graih feer jeean echey er nyn son euish, as er nyn son ocsyn ta ayns Laodicea, as adsyn ta ayns Hierapolis.

For I bear him record, that he hath a great zeal for you, and them that are in Laodicea, and them in Hierapolis.


Ta Luke yn er-lhee graihagh, as Demas dy vannaghey diu.

Luke, the beloved physician, and Demas, greet you.


Bea as slaynt gys ny braaraghyn ta ayns Laodicea, as gys Nymphas, as gys y chaglym creestee ta ayns e hie.

Salute the brethren which are in Laodicea, and Nymphas, and the church which is in his house.


As tra vees y screeuyn shoh lhait ny mast' eu, jeeagh-jee dy bee eh myrgeddin er ny lhaih ayns keeill ny Laodiceanee: as dy jean shiuish myrgeddin lhaih yn screeuyn veih Laodicea

And when this epistle is read among you, cause that it be read also in the church of the Laodiceans; and that ye likewise read the epistle from Laodicea.


As abbyr-jee rish Archippus, Jeeagh dy jean oo cooilleeney yn oik casherick shen t'ou er gheddyn ayns y Chiarn.

And say to Archippus, Take heed to the ministry which thou hast received in the Lord, that thou fulfil it.


My vea as slaynt hiu fo my laue hene Paul. Cooinee-jee er my gheulaghyn. Grayse dy row mêriu. Amen.

The salutation by the hand of me Paul. Remember my bonds. Grace be with you. Amen.