The Bible


My ta shiuish eisht er n'irree marish Creest, shir-jee ny reddyn shen ta er nyn skyn, raad ta Creest ny hoie er laue yesh Yee.

If ye then be risen with Christ, seek those things which are above, where Christ sitteth on the right hand of God.


Soie-jee nyn aignaghyn er reddyn flaunyssagh, as cha nee er reddyn thallooinagh:

Set your affection on things above, not on things on the earth.


Son ta shiu marroo, as ta'n vea eh follit marish Creest ayns Jee.

For ye are dead, and your life is hid with Christ in God.


Tra vees Creest, ta'n vea ain, er ny hoilshaghey, eisht nee shiuish neesht cheet kionfenish mârishyn ayns gloyr.

When Christ, who is our life, shall appear, then shall ye also appear with him in glory.


Smaghtee-jee er-y-fa shen ny oltyn thallooinagh eu, maarderys, neu-ghlennid, yeearree neu-chooie, drogh vian, as saynt seihltagh, ta dy chur ammys da jallooyn:

Mortify therefore your members which are upon the earth; fornication, uncleanness, inordinate affection, evil concupiscence, and covetousness, which is idolatry:


Kyndagh rish ny reddyn shoh ta jymmoose Yee cheet er y chloan dy vee-viallys.

For which things' sake the wrath of God cometh on the children of disobedience:


Ayndoo hug shiu myrgeddin raad diu hene ayns y traa t'er n'gholl shiaghey, tra ren shiu baghey ny-vud oc.

In the which ye also walked some time, when ye lived in them.


Agh nish cur-jee shiuish myrgeddin veue ooilley ny reddyn shoh; corree, jymmoose, goanlys, goan mollaghtagh, glare neughlen ass nyn meeal.

But now ye also put off all these; anger, wrath, malice, blasphemy, filthy communication out of your mouth.


Ny jean-jee breg ry-cheilley, fakin dy vel shiu er chur j'iu yn chenn ghooinney marish e obbraghyn;

Lie not one to another, seeing that ye have put off the old man with his deeds;


As dy vel shiu er chur erriu yn dooinney noa, ta er ny yannoo ass-y-noa ayns tushtey, lurg y co-chaslys echeysyn ren eshyn y chroo.

And have put on the new man, which is renewed in knowledge after the image of him that created him:


Mârishyn cha vel edyr Greek ny Hew, giarey-chymmylt ny an-ghiarey-chymmylt, Barbarian, Scythian, sharvaant ny seyr: agh ta Creest ooilley, as ayns ooilley.

Where there is neither Greek nor Jew, circumcision nor uncircumcision, Barbarian, Scythian, bond nor free: but Christ is all, and in all.


Cur-jee erriu er-y-fa shen (myr cloan reiht Yee, casherick as graihagh) meeaghyn dy vyghin, kenjallys, injillid-aigney, meenid, surranse-foddey;

Put on therefore, as the elect of God, holy and beloved, bowels of mercies, kindness, humbleness of mind, meekness, longsuffering;


Gymmyrkey yn derrey yeh lesh y jeh elley, as leih da 'cheilley, my ta dooinney erbee as streeu echey rish fer elley; dy jarroo myr ta Creest er leih diuish, myr shen myrgeddin jean-jee shiuish leih dauesyn.

Forbearing one another, and forgiving one another, if any man have a quarrel against any: even as Christ forgave you, so also do ye.


As erskyn ooilley ny reddyn shoh, cur-jee erriu graih, ta'n eer kiangley dy oays firrinagh.

And above all these things put on charity, which is the bond of perfectness.


As lhig da shee Yee reill ayns ny creeaghyn eu, huggey myrgeddin ta shiu er nyn eam ayns un chorp; as bee-jee booisal.

And let the peace of God rule in your hearts, to the which also ye are called in one body; and be ye thankful.


Lhig da goo. Chreest tannaghtyn ayndiu dy palchey ayns dy chooilley chreenaght; gynsaghey as coyrlaghey yn derrey yeh yn jeh elley ayns psalmyn, as arraneyn moyllee as spyrrydoil, goaill arrane lesh grayse ayns nyn greeaghyn gys y Chiarn.

Let the word of Christ dwell in you richly in all wisdom; teaching and admonishing one another in psalms and hymns and spiritual songs, singing with grace in your hearts to the Lord.


As cre-erbee ta shiu gra ny jannoo jean-jee ooilley ayns ennym y Chiarn Yeesey, coyrt booise da Jee dy jarroo yn Ayr ny hrooidsyn.

And whatsoever ye do in word or deed, do all in the name of the Lord Jesus, giving thanks to God and the Father by him.


Shiuish vraane-poost, jean-jee shiu hene y injillaghey gys ny deiney-poost eu hene, myr te cooie ayns y Chiarn.

Wives, submit yourselves unto your own husbands, as it is fit in the Lord.


Gheiney-poost, cur-jee graih da ny mraane eu, as ny bee-jee sharroo nyn 'oï oc.

Husbands, love your wives, and be not bitter against them.


Chloan, cur-jee biallys da nyn ayr as nyn moir ayns dy chooilley nhee: son ta shoh booisal da'n Chiarn.

Children, obey your parents in all things: for this is well pleasing unto the Lord.


Ayraghyn, ny jean-jee nyn gloan y vrasnaghey, er-aggle dy gaill ad nyn gree.

Fathers, provoke not your children to anger, lest they be discouraged.


Harvaantyn, bee-jee biallagh ayns dy chooilley nhee da nyn mainshteryn seihltagh; cha nee lesh shirveish-sooilley, myr dy wooiys deiney, agh ayns firrinys cree, goaill aggle roish Jee:

Servants, obey in all things your masters according to the flesh; not with eyeservice, as menpleasers; but in singleness of heart, fearing God;


As cre-erbee ta shiu dy yannoo, jean-jee eh dy creeoil, myr da'n Chiarn, as cha nee da deiney;

And whatsoever ye do, do it heartily, as to the Lord, and not unto men;


Toiggal dy nee veih'n Chiarn yiow shiu yn leagh dy eiraght: son ta shiu shirveish yn Chiarn Creest.

Knowing that of the Lord ye shall receive the reward of the inheritance: for ye serve the Lord Christ.


Agh eshyn ta jannoo aggair, bee eh cooilleenit son yn aggair t'eh er n'yannoo: as cha vel Jee jannoo soiagh jeh persoonyn.

But he that doeth wrong shall receive for the wrong which he hath done: and there is no respect of persons.