The Bible


Son baillym shiu dy hoiggal cre ta imnea jeean my chree er nyn son euish, as er nyn son ocsyn ta ec Laodicea, as er son whilleen as nagh vel er vakin m'eddin 'syn eill:

For I would that ye knew what great conflict I have for you, and for them at Laodicea, and for as many as have not seen my face in the flesh;


Dy vod ny creeaghyn oc ve er nyn gherjaghey, sniemmit cooidjagh ayns graih, as gys dy chooilley verchys as slane shickyrys jeh tushtey, dy ghoaill rish folliaght Yee, dy jarroo yn Ayr, as jeh Creest

That their hearts might be comforted, being knit together in love, and unto all riches of the full assurance of understanding, to the acknowledgement of the mystery of God, and of the Father, and of Christ;


Ayn ta follit dy chooilley verchys dy chreenaght as tushtey.

In whom are hid all the treasures of wisdom and knowledge.


As shoh ta mee dy ghra, er-aggle dy jinnagh dooinney erbee shiuish y volley lesh goan brynnagh

And this I say, lest any man should beguile you with enticing words.


Son ga dy vel mee veue 'syn eill, ny yeih ta mee mêriu ayns y spyrryd, goaill boggey as cur-my-ner nyn stayd, as shickyrys nyn gredjue ayns Creest.

For though I be absent in the flesh, yet am I with you in the spirit, joying and beholding your order, and the stedfastness of your faith in Christ.


Myr ta shiu eisht er ghoaill rish Creest Yeesey nyn Jiarn, myr shen jean-jee gimmeeaght aynsyn:

As ye have therefore received Christ Jesus the Lord, so walk ye in him:


Fraueit as troggit seose aynsyn, as er nyn niartaghey ayns y chredjue, myr ta shiu er ve ynsit, bishaghey ayn lesh toyrt-booise.

Rooted and built up in him, and stablished in the faith, as ye have been taught, abounding therein with thanksgiving.


Bee-jee er nyn dwoaie nagh gow dooinney erbee vondeish erriu trooid ynsagh foalsey as molteyraght, lurg cliaghtaghyn deiney, lurg ynsagh annoon y theihll, as cha nee lurg Creest:

Beware lest any man spoil you through philosophy and vain deceit, after the tradition of men, after the rudiments of the world, and not after Christ.


Son aynsyn ta tannaghtyn bree y dooghys flaunyssagh ayns slane towse.

For in him dwelleth all the fulness of the Godhead bodily.


As ta shiuish dy fondagh er nyn n'yannoo magh aynsyn, ta kione dy chooilley ard-reill as pooar.

And ye are complete in him, which is the head of all principality and power:


Aynsyn, ta shiuish myrgeddin er nyn ghiarey-chymmylt lesh y ghiarey-chymmylt jeant fegooish laueyn, ayns coyrt ersooyl corp peccaghyn yn 'eill liorish giarey-chymmylt Chreest:

In whom also ye are circumcised with the circumcision made without hands, in putting off the body of the sins of the flesh by the circumcision of Christ:


Oanluckit mârishyn ayns bashtey, ayn myrgeddin ta shiu er n'irree seose mârish trooid credjue obbragh breeoil Yee, t'er hroggal eh reesht veih ny merriu.

Buried with him in baptism, wherein also ye are risen with him through the faith of the operation of God, who hath raised him from the dead.


As shiuish va marroo ayns nyn beccaghyn, as ayns yn an-ghiarey-chymmylt yn eill eu, t'eshyn er vioghey cooidjagh mârishyn, erreish da v'er leih diu ooilley nyn loghtyn.

And you, being dead in your sins and the uncircumcision of your flesh, hath he quickened together with him, having forgiven you all trespasses;


Crossey yn laue scrieuee dy oardaghyn, hass 'sy raad roïn as va nyn 'oï, as ghow eh eh ersooyl dy bollagh, treiney eh gys e chrosh:

Blotting out the handwriting of ordinances that was against us, which was contrary to us, and took it out of the way, nailing it to his cross;


As spooilley ard-reillyn as pooaraghyn, ren eh shilley foshlit jeu, geddyn barriaght harrystoo liorish [y chrosh].

And having spoiled principalities and powers, he made a shew of them openly, triumphing over them in it.


Ny lhig da dooinney erbee er-y-fa shen shiuish y vriwnys mychione bee ny jough, ny mychione laa-feailley, ny mychione eayst-noa, ny mychione dooneeyn:

Let no man therefore judge you in meat, or in drink, or in respect of an holyday, or of the new moon, or of the sabbath days:


Ta scaa jeh reddyn ta ry-heet; agh ta'n corp jeh Creest.

Which are a shadow of things to come; but the body is of Christ.


Ny lhig da dooinney erbee shiu y volley jeh nyn leagh, lesh injillid-aigney foalsey, as cur ooashley da ainleyn, goaill er dy choyrt coontey jeh ny reddyn shen nagh vel eh er vakin, dy fardalagh er ny heidey seose liorish aigney ny foalley;

Let no man beguile you of your reward in a voluntary humility and worshipping of angels, intruding into those things which he hath not seen, vainly puffed up by his fleshly mind,


As cha nee cummal gys y chione voish myr ta'n slane corp liorish juntyn as kianglaghyn er ny hirveish as sniemmit cooidjagh, te cheet er y hoshiaght lesh bishagh Yee.

And not holding the Head, from which all the body by joints and bands having nourishment ministered, and knit together, increaseth with the increase of God.


Shen-y-fa, my ta shiu marroo marish Creest veih ynsagh annoon y theihll, cre'n fa, myr baghey 'sy theihll, ta shiu fo reill oardaghyn:

Wherefore if ye be dead with Christ from the rudiments of the world, why, as though living in the world, are ye subject to ordinances,


(Ny benn rish, ny blasht jeh, ny loaght eh;

(Touch not; taste not; handle not;


T'ad [shoh] ooilley leeideil gys fardalys liorish y drogh ymmyd ta jeant jeu) lurg saraghyn as ynsagh deiney?

Which all are to perish with the using;) after the commandments and doctrines of men?


Ayns ny reddyn cheddin ta dy jarroo caslys dy chreenaght ayns ooashley fardalagh, as injillid-aigney foalsey, as ayns goaill kerraghey er y chorp, cha nee gys moylley erbee dy chooilleeney yeearreeyn yn eill.

Which things have indeed a shew of wisdom in will worship, and humility, and neglecting of the body: not in any honour to the satisfying of the flesh.