The Bible


Ny-sodjey, my vraaraghyn, gow-jee boggey ayns y Chiarn. Dy scrieu ny reddyn cheddin hiuish, cha vel eh deinagh dooys, agh diuish te vondeishagh.

Finally, my brethren, rejoice in the Lord. To write the same things to you, to me indeed is not grievous, but for you it is safe.


Cur-jee twoaie jeh moddee, cur-jee twoaie jeh drogh-yantee, cur-jee twoaie jeh'n cowrey-foalley.

Beware of dogs, beware of evil workers, beware of the concision.


Son ta shinyn yn giarey-chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

For we are the circumcision, which worship God in the spirit, and rejoice in Christ Jesus, and have no confidence in the flesh.


Ga dy voddin's myrgeddin barrant y choyrt gys yn eill. My ta dooinney erbee elley smooinaghtyn dy vel oyr echey dy hreishteil ayns yn eill, ta ny smoo aym's:

Though I might also have confidence in the flesh. If any other man thinketh that he hath whereof he might trust in the flesh, I more:


Er my ghiarey-chymmylt yn hoghtoo laa, jeh kynney Israel, jeh sheeloghe Venjamin, Hebrew [dooie] jeh ny Hebrewnee; mychione my chredjue 'sy leigh, my Pharisee:

Circumcised the eighth day, of the stock of Israel, of the tribe of Benjamin, an Hebrew of the Hebrews; as touching the law, a Pharisee;


Mychione jeeanid son y leigh, jannoo tranlaase er yn agglish, mychione y chairys ta liorish y leigh, gyn foill.

Concerning zeal, persecuting the church; touching the righteousness which is in the law, blameless.


Agh ny reddyn shen va cosney dooys, ad shen choont mee coayl er graih Chreest.

But what things were gain to me, those I counted loss for Christ.


As dy firrinagh, cha vel mee coontey dy chooilley nhee agh coayl, son y tushtey smoo ooasle jeh Creest Yeesey my Hiarn: er y hon ta mee er hurranse coayl dy chooilley nhee, as cha vel mee soiaghey jeu agh myr eoylley, dy voddym Creest y chosney,

Yea doubtless, and I count all things but loss for the excellency of the knowledge of Christ Jesus my Lord: for whom I have suffered the loss of all things, and do count them but dung, that I may win Christ,


As ve er my gheddyn aynsyn, cha nee shassoo er my chairys hene, ta liorish y leigh, agh er shen ta liorish credjue ayns Creest, yn chairys shen ta veih Jee liorish credjue:

And be found in him, not having mine own righteousness, which is of the law, but that which is through the faith of Christ, the righteousness which is of God by faith:


Dy vod enney 've aym ersyn, as toiggal pooar yn irree-seose reesht echey, as yn ayrn t'aym's ayns e hurranse, dy ve er my yannoo casley rishyn ayns e vaase;

That I may know him, and the power of his resurrection, and the fellowship of his sufferings, being made conformable unto his death;


Dy voddin liorish saase erbee cosney gys irree-reesht ny merriu:

If by any means I might attain unto the resurrection of the dead.


Cha nee myr dy beign hannah er chosney, ny foast er gheddyn yn slane leagh: agh ta mee chionney huggey, my she shen dy voddym tayrtyn shen, er y hon va mee er my hayrtyn liorish Creest Yeesey.

Not as though I had already attained, either were already perfect: but I follow after, if that I may apprehend that for which also I am apprehended of Christ Jesus.


My vraaraghyn, cha vel mee jeeaghyn orrym pene myr dy beign er roshtyn huggey: agh un red ta foym dy yannoo, jarrood ny reddyn shen ta my yeï, as sheeyney er my hoshiaght gys ny reddyn ta roym,

Brethren, I count not myself to have apprehended: but this one thing I do, forgetting those things which are behind, and reaching forth unto those things which are before,


Ta mee chionney gys y vark, son leagh yn eam hug Jee dou veih'n yrjid ayns Creest Yeesey.

I press toward the mark for the prize of the high calling of God in Christ Jesus.


Lhig dooinyn er-y-fa shen, whilleen as ta dy slane ynsit, ve jeh'n aigney shoh: as my vees shiu ayns nhee erbee jeh aigney elley, nee Jee shoh myrgeddin y hoilshaghey diu.

Let us therefore, as many as be perfect, be thus minded: and if in any thing ye be otherwise minded, God shall reveal even this unto you.


Ny-yeih, choud as ta shin er roshtyn huggey, lhig dooin gimmeeaght liorish y rule cheddin, lhig dooin tastey choyrt da'n red cheddin.

Nevertheless, whereto we have already attained, let us walk by the same rule, let us mind the same thing.


Vraaraghyn, eiyr-jee ry-cheilley orrym's, as cur-jee tastey dauesyn ta gimmeeaght myr shen, myr ta shinyn eu son sampleyr.

Brethren, be followers together of me, and mark them which walk so as ye have us for an ensample.


(Son ta ymmodee gimmeeaght, my-nyn-gione ta mee er n'insh diu dy mennick, as nish lesh jeir ginsh diu, dy nee ad noidyn crosh Chreest:

(For many walk, of whom I have told you often, and now tell you even weeping, that they are the enemies of the cross of Christ:


Ta'n jerrey oc toyrt-mow, yn Jee oc ta nyn molg, as ta'n gloyr oc ayns nyn nearey, ta nyn aigney er nheeghyn seihltagh.)

Whose end is destruction, whose God is their belly, and whose glory is in their shame, who mind earthly things.)


Son ta cairys cummaltee ain ayns niau, veih ta shin myrgeddin jeeaghyn son yn Saualtagh, yn Chiarn Yeesey Creest:

For our conversation is in heaven; from whence also we look for the Saviour, the Lord Jesus Christ:


Nee caghlaa yn corp marvaanagh ain dy vod eh ve er ny chummey casley rish e chorp gloyroil hene, cordail rish y phooar niartal liorish t'eh abyl dy jarroo dy injillaghey dy chooilley nhee huggey hene.

Who shall change our vile body, that it may be fashioned like unto his glorious body, according to the working whereby he is able even to subdue all things unto himself.