The Bible

My ta er-y-fa shen gerjagh erbee ayns Creest, my ta eunys erbee dy ghraih, my ta sheshaght erbee gerjoil jeh'n Spyrryd, my ta meiyghys erbee as myghin;

If there be therefore any consolation in Christ, if any comfort of love, if any fellowship of the Spirit, if any bowels and mercies,

Jean-jee my voggey y yannoo magh, dy vod shiu ve jeh'n aigney cheddin, yn ghraih cheddin y ve eu, jeh un chree, jeh un smooinaghtyn.

Fulfil ye my joy, that ye be likeminded, having the same love, being of one accord, of one mind.

Ny lhig da nhee erbee ve jeant trooid anvea, ny mooaralys, agh ayns injillid-aigney lhig da dagh unnane soiagh 'yannoo jeh feallagh elley roish hene.

Let nothing be done through strife or vainglory; but in lowliness of mind let each esteem other better than themselves.

Ny lhig da sooill ve ec dooinney erbee gys y foays echey hene [ny-lomarcan], agh dy chooilley ghooinney myrgeddin gys foays feallagh elley.

Look not every man on his own things, but every man also on the things of others.

Lhig da'n aigney shoh ve ayndiuish, va myrgeddin ayns Creest Yeesey:

Let this mind be in you, which was also in Christ Jesus:

Quoi, myr v'eh ayns cummey Yee, nagh smooinee eh eh roosteyrys erbee dy ve corrym rish Jee:

Who, being in the form of God, thought it not robbery to be equal with God:

Ny-yeih hug eh eh-hene gyn veg, as ghow eh er cummey sharvaant, as v'eh er ny yannoo ayns caslys deiney:

But made himself of no reputation, and took upon him the form of a servant, and was made in the likeness of men:

As er ny gheddyn ayns cummey myr dooinney, ren eh eh-hene y injillaghey, as haink eh dy ve biallagh gys baase, dy jarroo baase ny croshey.

And being found in fashion as a man, he humbled himself, and became obedient unto death, even the death of the cross.

Shen-y-fa ta Jee myrgeddin er hoiaghey eh seose dy ard, as er choyrt da ennym ta erskyn dy chooilley ennym:

Wherefore God also hath highly exalted him, and given him a name which is above every name:

Ec ennym Yeesey dy jinnagh dy chooilley ghlioon loobey, dy reddyn ayns niau, as reddyn er y thalloo, as dy reddyn fo'n thalloo;

That at the name of Jesus every knee should bow, of things in heaven, and things in earth, and things under the earth;

As dy lhisagh dy chooilley hengey goaill-rish dy nee Yeesey Creest yn Chiarn, gys gloyr Yee yn Ayr.

And that every tongue should confess that Jesus Christ is Lord, to the glory of God the Father.

Shen-y-fa, my chaarjyn, myr ta shiu dy kinjagh er ve biallagh, cha nee myr ayns my enish ny-lomarcan, agh nish foddey smoo myr ta mee veue; obbyr-jee magh nyn saualtys hene lesh aggle as atchim.

Wherefore, my beloved, as ye have always obeyed, not as in my presence only, but now much more in my absence, work out your own salvation with fear and trembling.

Son she Jee ta gobbraghey ayndiu, chammah dy smooinaghtyn er, as dy yannoo jeh e aigney mie hene.

For it is God which worketh in you both to will and to do of his good pleasure.

Jean-jee dy chooilley nhee fegooish jymmoose as argane:

Do all things without murmurings and disputings:

Dy vod shiu ve gyn loght as ôney cloan dy Yee, fegooish oghsan ayns mean sheeloghe camlaagagh as roonagh, ny vud oc ta shiu lossey myr soilshaghyn 'sy theihll:

That ye may be blameless and harmless, the sons of God, without rebuke, in the midst of a crooked and perverse nation, among whom ye shine as lights in the world;

Sheeyney magh yn goo dy vea; dy voddym's boggey y ghoaill ayns laa Chreest, nagh vel mee er roïe ayns fardail, chamoo er laboragh ayns fardail.

Holding forth the word of life; that I may rejoice in the day of Christ, that I have not run in vain, neither laboured in vain.

As, dy jarroo, my vees m'uill's er ny gheayrtey magh er oural as shirveish y chredjue euish, ta mee dy my gherjaghey, as goaill boggey mêriu ooilley.

Yea, and if I be offered upon the sacrifice and service of your faith, I joy, and rejoice with you all.

Er y choontey cheddin bee-jee shiuish neesht er nyn gherjaghey, as gow-jee boggey marym's.

For the same cause also do ye joy, and rejoice with me.

Agh ta mee treishteil ayns y Chiarn Yeesey, dy chur Timotheus ayns traa giare hiuish, dy voddym's myrgeddin ve dy yien mie, erreish dou v'er gheddyn toiggal jeh'n stayd eu.

But I trust in the Lord Jesus to send Timotheus shortly unto you, that I also may be of good comfort, when I know your state.

Son cha vel dooinney erbee aym wheesh gys m'aigney, vees cha dooghyssagh imneagh er nyn son eu.

For I have no man likeminded, who will naturally care for your state.

Son ta ooilley er nyn son hene, cha nee son ny reddyn ta bentyn rish Yeesey Creest.

For all seek their own, not the things which are Jesus Christ's.

Agh ta prowal er ny ve eu jehsyn, myr mac marish e ayr, dy vel eh er hirveish mârym's ayns y sushtal.

But ye know the proof of him, that, as a son with the father, he hath served with me in the gospel.

Eshyn er-y-fa shen ta mee treishteil dy chur hiuish dy gerrit, cha leah as nee'm fakin cre s'erree dou.

Him therefore I hope to send presently, so soon as I shall see how it will go with me.

Agh ta mee treishteil ayns y Chiarn, dy jig-yms mee hene myrgeddin ayns traa giare.

But I trust in the Lord that I also myself shall come shortly.

Ny-yeih ghow mee eh dy ve ymmyrchagh dy chur hiuish Epaphroditus, my vraar as colabree, as my heshey sidoor, agh y chaghter euish, as eh ren shirveish gys my ymmyrch.

Yet I supposed it necessary to send to you Epaphroditus, my brother, and companion in labour, and fellowsoldier, but your messenger, and he that ministered to my wants.

Son ghow eshyn foddiaght ny yeï eu ooilley, as v'eh lane dy hrimshey, er-yn-oyr dy row clashtyn eu dy row eh er ny ve ching.

For he longed after you all, and was full of heaviness, because that ye had heard that he had been sick.

Son v'eh lhag dy jarroo as raad y vaaish: agh ren Jee myghin er, as cha nee ersyn ny-lomarcan, agh orrym's myrgeddin, nagh beagh aym's trimshey er trimshey.

For indeed he was sick nigh unto death: but God had mercy on him; and not on him only, but on me also, lest I should have sorrow upon sorrow.

Va mee ny s'aggindee er-y-fa shen dy chur eh; tra hee shiu eh reesht dy vod shiu boggey 'ghoaill, as bee my hrimshey's ny sloo.

I sent him therefore the more carefully, that, when ye see him again, ye may rejoice, and that I may be the less sorrowful.

Gow-jee rish er-y-fa shen ayns y Chiarn lesh slane gennallys, as jeh nyn lheid jean-jee mooar y hoiaghey:

Receive him therefore in the Lord with all gladness; and hold such in reputation:

Er-yn-oyr son obbyr Chreest v'eh ayns dangeyr baaish, gyn soiaghey jeh e vioys hene dy yannoo magh hym's shen ny va shiuish er-gooyl ayns nyn ghiastyllys.

Because for the work of Christ he was nigh unto death, not regarding his life, to supply your lack of service toward me.