The Bible

1

As shiuish t'eh er vioghey, va marroo ayns loghtyn as peccah.

And you hath he quickened, who were dead in trespasses and sins;

2

Ayndoo ren shiu gimmeeaght ayns y traa t'er n'gholl shaghey cordail rish cliaghtey yn theihll shoh, cordail rish prince pooar yn aer, yn spyrryd ta nish gobbraghey ayns y chloan dy vee-viallys:

Wherein in time past ye walked according to the course of this world, according to the prince of the power of the air, the spirit that now worketh in the children of disobedience:

3

Ayndoo shoh ren shin ooilley myrgeddin baghey roish nish, ayns sayntyn ny foalley, cooilleeney yeearreeyn yn eill, as yn aigney: as va shin liorish dooghys nyn gloan dy yymmoose, dy jarroo myr feallagh elley.

Among whom also we all had our conversation in times past in the lusts of our flesh, fulfilling the desires of the flesh and of the mind; and were by nature the children of wrath, even as others.

4

Agh Jee, ta berchagh ayns myghin, er e ghraih vooar liorish bynney lesh shin,

But God, who is rich in mercy, for his great love wherewith he loved us,

5

Dy jarroo tra va shin marroo ayns peccaghyn, t'eh er vioghey shin cooidjagh marish Creest (liorish grayse ta shiu er nyn sauail)

Even when we were dead in sins, hath quickened us together with Christ, (by grace ye are saved;)

6

As t'eh er hroggal shin seose cooidjagh, as er hoiaghey shin cooidjagh ayns ynnydyn flaunyssagh ayns Creest Yeesey.

And hath raised us up together, and made us sit together in heavenly places in Christ Jesus:

7

Ayns ny earishyn ta ry-heet dy voddagh eh soilshaghey berchys erskyn-towse e ghrayse, ayns e chenjallys dooinyn, trooid Creest Yeesey.

That in the ages to come he might shew the exceeding riches of his grace in his kindness toward us through Christ Jesus.

8

Son liorish grayse ta shiu er nyn sauail, trooid credjue; as shen cha nee j'iu hene: she gioot Yee eh:

For by grace are ye saved through faith; and that not of yourselves: it is the gift of God:

9

Cha nee liorish obbraghyn, nagh jinnagh dooinney erbee boggyssagh:

Not of works, lest any man should boast.

10

Son ta shin yn obbyr echeysyn, er nyn groo ayns Creest Yeesey gys obbraghyn mie, ta Jee er n'oardaghey ro-laue dy jinnagh shin gimmeeaght ayndoo.

For we are his workmanship, created in Christ Jesus unto good works, which God hath before ordained that we should walk in them.

11

Shen-y-fa cooinee jee myr va shiu ayns traa dy row Ashoonee ayns yn eill, ta enmyssit an-ghiarey-chymmylt, liorish shen ta enmyssit giarey-chymmylt ayns yn eill jeant liorish laueyn;

Wherefore remember, that ye being in time past Gentiles in the flesh, who are called Uncircumcision by that which is called the Circumcision in the flesh made by hands;

12

Dy row shiu ec y traa shen fegooish Creest, fegooish cairys gys vondeishyn lught-thie Israel, as joarreeyn da conaantyn y ghialdyn, gyn veg y treishteil, as fegooish Jee ayns y theihll:

That at that time ye were without Christ, being aliens from the commonwealth of Israel, and strangers from the covenants of promise, having no hope, and without God in the world:

13

Agh nish ayns Creest Yeesey, shiuish va keayrt dy row foddey jeh, ta shiu nish er-gerrey liorish fuill Chreest.

But now in Christ Jesus ye who sometimes were far off are made nigh by the blood of Christ.

14

Son eshyn nyn shee, t'er n'yannoo shin ny-neesht unnane, as er lhieggal sheese yn voalley-vean va eddyr shin;

For he is our peace, who hath made both one, and hath broken down the middle wall of partition between us;

15

Coyrt naardey ayns yn eill echey hene yn noidys, dy jarroo leigh ny saraghyn, va shassoo ayns oardaghyn, son dy yannoo ayn hene jeh jees, un dooinney noa, myr shen jannoo shee;

Having abolished in his flesh the enmity, even the law of commandments contained in ordinances; for to make in himself of twain one new man, so making peace;

16

As dy voddagh eh ad ny-neesht y hayrn gys shee rish Jee ayns un chorp liorish y chrosh, liorish shoh stroie yn noidys:

And that he might reconcile both unto God in one body by the cross, having slain the enmity thereby:

17

As haink eh, as ren eh preacheil shee diuish va foddey jeh, as dauesyn va er-gerrey.

And came and preached peace to you which were afar off, and to them that were nigh.

18

Son ny hrooidsyn ta kied ain ny-neesht dy hayrn er-gerrey gys yn Ayr liorish un Spyrryd.

For through him we both have access by one Spirit unto the Father.

19

Cha vel shin nish er-y-fa shen ny sodjey nyn yoarreeyn as jeh cheer whaagh, agh sheshey-cummaltee marish ny nooghyn, as jeh lught-thie Yee;

Now therefore ye are no more strangers and foreigners, but fellowcitizens with the saints, and of the household of God;

20

As troggit er undin ny ostyllyn as phadeyryn, Yeesey Creest hene yn ard chlagh-chorneilagh;

And are built upon the foundation of the apostles and prophets, Jesus Christ himself being the chief corner stone;

21

Ersyn ta'n slane troggal, dy stoamey er ny choyrt cooidjagh, gaase dy ve ny hiamble casherick son y Chiarn;

In whom all the building fitly framed together groweth unto an holy temple in the Lord:

22

Aynsyn ta shiuish myrgeddin troggit son ynnyd-vaghee dy Yee trooid y Spyrryd.

In whom ye also are builded together for an habitation of God through the Spirit.