The Bible

1

Vraaraghyn, my ta dooinney taghyrt dy huittym ayns peccah, shiuish ta spyrrydoil, gow-jee stiagh eh reesht ayns y spyrryd dy veenid; smooinaghtyn ort hene, er-aggle dy vod uss myrgeddin ve miolit.

Brethren, if a man be overtaken in a fault, ye which are spiritual, restore such an one in the spirit of meekness; considering thyself, lest thou also be tempted.

2

Ymmyrk-jee erraghyn y cheilley, as myr shoh lhieen-jee yn leigh.

Bear ye one another's burdens, and so fulfil the law of Christ.

3

Son my ta dooinney jeeaghyn er hene dy ve red ennagh, tra nagh vel eh monney t'eh molley eh-hene.

For if a man think himself to be something, when he is nothing, he deceiveth himself.

4

Agh lhig da dy chooilley ghooinney e obbyr hene y phrowal, as eisht vees echey oyr boggey ayn hene ny lomarcan, as cha nee ayns fer elley.

But let every man prove his own work, and then shall he have rejoicing in himself alone, and not in another.

5

Son nee dy chooilley ghooinney gymmyrkey e errey hene.

For every man shall bear his own burden.

6

Lhig dasyn t'er ny ynsaghey ayns y goo, shirveish ersyn ta gynsaghey jeh dy chooilley nhee mie [t'echey].

Let him that is taught in the word communicate unto him that teacheth in all good things.

7

Ny bee-jee mollit; cha vel craid dy ve jeant mysh Jee: son cre-erbee ta dooinney dy chuirr, lheid shen nee eh 'vuinn.

Be not deceived; God is not mocked: for whatsoever a man soweth, that shall he also reap.

8

Son eshyn ta cuirr gys yn eill, nee jeh'n eill myrgeddin buinn loauys: agh eshyn ta cuirr gys y Spyrryd, nee jeh'n Spyrryd buinn yn ven dy bragh farraghtyn.

For he that soweth to his flesh shall of the flesh reap corruption; but he that soweth to the Spirit shall of the Spirit reap life everlasting.

9

As ny lhig dooin gaase skee ayns jannoo mie, son ayns imbagh cooie nee mayd buinn, mannagh bee mayd lhiastey.

And let us not be weary in well doing: for in due season we shall reap, if we faint not.

10

Myr ta caa ain er-y-fa shen, lhig dooin mie 'yannoo da dy chooilley ghooinney, er-lheh dauesyn ta jeh lught-thie'n chredjue.

As we have therefore opportunity, let us do good unto all men, especially unto them who are of the household of faith.

11

Ta shiu fakin cre'n screeuyn liauyr ta mee er scrieu hiuish lesh my laue hene.

Ye see how large a letter I have written unto you with mine own hand.

12

Whilleen as ta shirrey dy hoilshaghey ad-hene er cheu-mooie liorish cowrey ny foalley, t'ad gêginaghey shiu dy ve er ny ghiarey-chymmylt; ny-lomarcan son nagh jinnagh ad surranse tranlaase er coontey crosh Chreest.

As many as desire to make a fair shew in the flesh, they constrain you to be circumcised; only lest they should suffer persecution for the cross of Christ.

13

Son chamoo t'adsyn hene ta er ny ghiarey-chymmylt freayll y leigh; agh baillhieu shiuish dy v'er ny ghiarey-chymmylt, dy vod ad boggyssagh ayns cowrey yn eill eu.

For neither they themselves who are circumcised keep the law; but desire to have you circumcised, that they may glory in your flesh.

14

Agh ny lhig eh Jee dy jinnin's boggyssagh, agh ayns crosh nyn Jiarn Yeesey Creest, liorish ta'n seihll er ny chrossey hym's, as mish gys y theihll.

But God forbid that I should glory, save in the cross of our Lord Jesus Christ, by whom the world is crucified unto me, and I unto the world.

15

Son ayns Creest Yeesey, chamoo ta giarey-chymmylt jeh foays erbee, ny anghiarey-chymmylt, agh cretoor noa.

For in Christ Jesus neither circumcision availeth any thing, nor uncircumcision, but a new creature.

16

As whilleen as ta gimmeeaght cordail rish yn oardagh shoh, shee dy row orroo, as myghin, as er Israel Yee.

And as many as walk according to this rule, peace be on them, and mercy, and upon the Israel of God.

17

Maghey shoh ny lhig da dooinney erbee mish y voirey, son ta mee gymmyrkey ayns my chorp cowraghyn y Chiarn Yeesey.

From henceforth let no man trouble me: for I bear in my body the marks of the Lord Jesus.

18

Vraaraghyn, dy row grayse nyn Jiarn Yeesey Creest marish y spyrryd eu. Amen.

Brethren, the grace of our Lord Jesus Christ be with your spirit. Amen.