The Bible

1

Eisht kiare bleeaney jeig ny lurg shen, hie mee seose reesht gys Jerusalem, marish Barnabas, as ghow mee Titus myrgeddin mârym.

Then fourteen years after I went up again to Jerusalem with Barnabas, and took Titus with me also.

2

As hie mee seose myr ve er ny hoilshaghey dou ayns ashlish, as hirveish mee orroosyn yn sushtal shen ta mee dy phreacheil mastey ny Ashoonyn, agh er-lheh da ny ard-gheiney, er-aggle er aght erbee dy roie-in, ny dy beign er roie ayns fardail.

And I went up by revelation, and communicated unto them that gospel which I preach among the Gentiles, but privately to them which were of reputation, lest by any means I should run, or had run, in vain.

3

Agh cha row Titus hene, va mârym, ga ny Ghreek, êginit dy ve er ny ghiarey-chymmylt.

But neither Titus, who was with me, being a Greek, was compelled to be circumcised:

4

As shen kyndagh rish braaraghyn foalsey v'er nyn goyrt lhieu gyn-yss ny vod ain, haink stiagh dy croutagh dy chronnaghey yn reamys t'ain ayns Creest Yeesey, dy voddagh ad shin y choyrt lhieu to bondiaght:

And that because of false brethren unawares brought in, who came in privily to spy out our liberty which we have in Christ Jesus, that they might bring us into bondage:

5

Agh daue shoh cha dug shin raad choud as un oor dy ve foue; dy voddagh firrinys y tushtal tannaghtyn mêriu.

To whom we gave place by subjection, no, not for an hour; that the truth of the gospel might continue with you.

6

Agh er nyn son ocsyn va lowit dy ve red ennagh (cre-erbee v'ad, cha vel eh veg dooys: cha vel Jee soiaghey jeh persoon dooinney erbee) dy jarroo er nyn son ocsyn va goit dy ve myr shoh, tra va shin noi-ry-hoi cha dynsee mee veg sodjey voue.

But of these who seemed to be somewhat, (whatsoever they were, it maketh no matter to me: God accepteth no man's person:) for they who seemed to be somewhat in conference added nothing to me:

7

Agh er y cheu elley, tra honnick ad dy row sushtal yn an-ghiarey-chymmylt er ny choyrt er my churrym's, myr va shen jeh'n ghiarey-chymmylt gys Peddyr;

But contrariwise, when they saw that the gospel of the uncircumcision was committed unto me, as the gospel of the circumcision was unto Peter;

8

(Son eshyn ren gobbraghey dy breeoil ayns Peddyr son ostyllys yn ghiarey-chymmylt, v'eh myrgeddin niartal aynym's son ny Ashoonee.)

(For he that wrought effectually in Peter to the apostleship of the circumcision, the same was mighty in me toward the Gentiles:)

9

As tra hug Jamys, Cephas, as Ean, va goit son pillaryn, tastey da'n ghrayse v'er ny stowal orrym's, hug ad dooys as da Barnabas yn laue yesh dy choardail; dy ragh shinyn gys ny Ashoonee, as adsyn gys yn giarey-chymmylt.

And when James, Cephas, and John, who seemed to be pillars, perceived the grace that was given unto me, they gave to me and Barnabas the right hands of fellowship; that we should go unto the heathen, and they unto the circumcision.

10

Ny-lomarcan baillhieu dy gooinagh shin er ny boghtyn; yn red cheddin va mee aggindagh dy yannoo.

Only they would that we should remember the poor; the same which I also was forward to do.

11

Agh tra va Peddyr er jeet gys Antioch, hug mee eddin da, er-yn-oyr dy row eh foiljagh.

But when Peter was come to Antioch, I withstood him to the face, because he was to be blamed.

12

Son roish my daink shiartanse voish Jamys, ren eh gee mârish ny Ashoonee: agh tra v'ad shen er jeet, hie eh dy lhiattee, as ren eh scarrey eh-hene voue, ayns aggle rouesyn jeh'n ghiarey-chymmylt.

For before that certain came from James, he did eat with the Gentiles: but when they were come, he withdrew and separated himself, fearing them which were of the circumcision.

13

As ren ny Hewnyn elley foalsaght myrgeddin marishyn; ayns wheesh dy row Barnabas hene fo shaghrynys, kyndagh rish y volteyrys oc.

And the other Jews dissembled likewise with him; insomuch that Barnabas also was carried away with their dissimulation.

14

Agh tra honnick mee nagh row ad gymmyrkey ad-hene dy ynrick, cordail rish firrinys y tushtal, dooyrt mee rish Peddyr kiongoyrt roo ooilley, My t'ou uss, ta dty Hew, gymmyrkey co-hene myr ny Ashoonee, as cha nee myr ny Hewnyn, cre'n-fa t'ou uss gêginaghey ny Ashoonee dy vaghey myr ny Hewnyn?

But when I saw that they walked not uprightly according to the truth of the gospel, I said unto Peter before them all, If thou, being a Jew, livest after the manner of Gentiles, and not as do the Jews, why compellest thou the Gentiles to live as do the Jews?

15

Shinyn ta nyn Hewnyn liorish dooghys, as cha nee peccee jeh ny Ashoonee,

We who are Jews by nature, and not sinners of the Gentiles,

16

As fys ain nagh vel dooinney er ny heyrey liorish obbraghyn y leigh, agh liorish credjue Yeesey Creest, ta shinyn eer er chredjal ayns Yeesey Creest; dy voddagh shinyn v'er ny heyrey liorish credjue Chreest, as cha nee liorish obbraghyn y leigh: son liorish obbraghyn y leigh cha bee dooinney bio er ny heyrey.

Knowing that a man is not justified by the works of the law, but by the faith of Jesus Christ, even we have believed in Jesus Christ, that we might be justified by the faith of Christ, and not by the works of the law: for by the works of the law shall no flesh be justified.

17

Agh choud as ta shin shirrey dy ve seyrit liorish Creest, my ta shin hene er ny gheddyn dy ve peccee, vel Creest er-y-fa shen shirveishagh peccah? Ny lhig eh Jee.

But if, while we seek to be justified by Christ, we ourselves also are found sinners, is therefore Christ the minister of sin? God forbid.

18

Son my ta mee troggal reesht shen ta mee er lhieggal, ta mee jannoo mee-hene foiljagh.

For if I build again the things which I destroyed, I make myself a transgressor.

19

Son ta mish trooid y leigh marroo gys y leigh, dy voddym ve bio gys Jee.

For I through the law am dead to the law, that I might live unto God.

20

Ta mee er my chrossey marish Creest: Ny-yeih ta mee bio; foast cha nee mish, agh Creest ta bio aynym: as y vea ta mee nish dy vaghey 'syn eill, ta mee baghey liorish credjue Mac Yee, va graih echey orrym, as ren eh-hene y choyrt er my hon.

I am crucified with Christ: neverthless I live; yet not I, but Christ liveth in me: and the life which I now live in the flesh I live by the faith of the Son of God, who loved me, and gave himself for me.

21

Cha vel mee jannoo grayse Yee dyn bree: son my ta seyrsnys cheet liorish y leigh, eisht ta Creest marroo ayns fardail.

I do not frustrate the grace of God: for if righteousness come by the law, then Christ is dead in vain.