The Bible


Agh cha lhiass dou boggyssagh veg sodjey: hig-ym nish gys shillaghyn as ashlishyn y Chiarn.

It is not expedient for me doubtless to glory. I will come to visions and revelations of the Lord.


Bione dou dooinney dy row ayns Creest erskyn kiare bleeaney jeig er-dy-henney (ny ayns y chorp v'eh, cha voddym gra; ny ass y chorp v'eh, cha voddym gra; ec Jee ta fys) goit seose gys ny niaughyn syrjey.

I knew a man in Christ above fourteen years ago, (whether in the body, I cannot tell; or whether out of the body, I cannot tell: God knoweth;) such an one caught up to the third heaven.


As bione dou lheid y dooinney (nee ayns y chorp, ny ass y chorp v'eh, cha voddym gra; ec Jee ta fys.)

And I knew such a man, (whether in the body, or out of the body, I cannot tell: God knoweth;)


Kys dy row eh er ny ghoaill seose gys paradise, as cheayll eh goan erskyn insh, lheid as nagh vel lowit da dooinney dy ockley.

How that he was caught up into paradise, and heard unspeakable words, which it is not lawful for a man to utter.


Jeh lheid shen nee'm boggyssagh: foast jee'm pene cha jean-ym boggyssagh, agh ayns my annooinidyn.

Of such an one will I glory: yet of myself I will not glory, but in mine infirmities.


Son ga dy beagh aigney aym dy voggyssagh, cha bee'm my ommydan; son loayrym yn irriney: agh nish ta mee lhiggey shaghey, er-aggle dy jinnagh dooinney erbee smooinaghtyn jee'm erskyn ny t'eh fakin mee dy ve, ny shen t'eh dy chlashtyn jee'm.

For though I would desire to glory, I shall not be a fool; for I will say the truth: but now I forbear, lest any man should think of me above that which he seeth me to be, or that he heareth of me.


As er-yn-oyr nagh goïn rouyr orrym trooid yrjid ny ashlishyn, va jolg er ny choyrt dooys ayns yn eill, chaghter Satan dy my smaghtaghey, er-aggle dy beign ro ard-aignagh.

And lest I should be exalted above measure through the abundance of the revelations, there was given to me a thorn in the flesh, the messenger of Satan to buffet me, lest I should be exalted above measure.


Son y red shoh ren mish guee gys y Chiarn three keayrtyn, dy scughey voym eh.

For this thing I besought the Lord thrice, that it might depart from me.


As dooyrt eh rhym, Ta'n ghrayse aym's fondagh er dty hon; son ta'n niart aym's dy slane er ny hoilshaghey ayns annooinid. Ny s'arryltee er-y-fa shen neem's boggyssagh ayns my annooinidyn, dy vod pooar Chreest ve breeoil aynym.

And he said unto me, My grace is sufficient for thee: for my strength is made perfect in weakness. Most gladly therefore will I rather glory in my infirmities, that the power of Christ may rest upon me.


Shen-y-fa ta mee goaill boggey ayns annooinid, ayns oltooanyn, ayns êgin, ayns tranlaase, ayns chennid er graih Chreest: son tra ta mee annoon, eisht ta mee lajer.

Therefore I take pleasure in infirmities, in reproaches, in necessities, in persecutions, in distresses for Christ's sake: for when I am weak, then am I strong.


Ta mee er jeet dy ve my ommydan ayns boggyssagh, shiu hene ta er m'êginaghey; son shiuish lhisagh v'er my voylley: son ayns nhee erbee cha vel mee ergooyl ny eer ostyllyn syrjey, ga nagh vel mee veg.

I am become a fool in glorying; ye have compelled me: for I ought to have been commended of you: for in nothing am I behind the very chiefest apostles, though I be nothing.


Dy firrinagh va cowraghyn jeh ostyl obbrit ny vud eu ayns dy chooilley hurranse, ayns cowraghyn as yindyssyn, as obbraghyn niartal.

Truly the signs of an apostle were wrought among you in all patience, in signs, and wonders, and mighty deeds.


Son cre eh, ayn va shiuish ergooyl rish kialteenyn elley, mannagh row eh son nagh dug mee shiu gys cost? leih-jee dou yn aggair shoh.

For what is it wherein ye were inferior to other churches, except it be that I myself was not burdensome to you? forgive me this wrong.


Cur-jee my-ner, yn trass cheayrt ta mish aarloo dy heet hiu; as cha bee'm costyllagh diu, son cha vel mee shirrey nyn gooid, agh shiu hene: son cha lhisagh y chloan cur ro-laue cour ny ayraghyn, agh ny ayraghyn cour y chloan.

Behold, the third time I am ready to come to you; and I will not be burdensome to you: for I seek not your's but you: for the children ought not to lay up for the parents, but the parents for the children.


As dy feer arryltagh nee'm baarail, as bee'm er my vaarail er nyn son eu; ga myr smoo dy mooar ta mish graihagh erriuish, sloo dy ghraih t'euish orrym.

And I will very gladly spend and be spent for you; though the more abundantly I love you, the less I be loved.


Agh gow-jee myr shen eh, cha dug mee currym erriu: ny-yeih, myr ta mee croutagh, [jir ad] ghow mee shiu lesh kialgyn.

But be it so, I did not burden you: nevertheless, being crafty, I caught you with guile.


Ren mish vondeish y yannoo jiuish liorish unnane erbee jeusyn hug mee hiu?

Did I make a gain of you by any of them whom I sent unto you?


Hir mee er Titus, as hug mee braar marish: ren Titus vondeish j'iu? nagh jimmee shin ayns yn un spyrryd? nagh huill shin ayns ny kesmadyn cheddin?

I desired Titus, and with him I sent a brother. Did Titus make a gain of you? walked we not in the same spirit? walked we not in the same steps?


Reesht, vel shiu smooinaghtyn dy vel shin jannoo leshtallyn? ta shin loayrt fenish Yee ayns Creest: agh ta shin jannoo dy chooilley nhee, chaarjyn ennoil, dy chur tushtey sodjey diu.

Again, think ye that we excuse ourselves unto you? we speak before God in Christ: but we do all things, dearly beloved, for your edifying.


Agh ta mee goaill aggle tra hig-ym's nagh voym shiuish lheid as baillym, as beem's er my gheddyn lieriuish lheid as nagh bailliu: er-aggle dy bee ny vud eu anvea, troo, jymmoose, streeu, cooyl-chassid, tutleraght, mooaralys, irree-magh:

For I fear, lest, when I come, I shall not find you such as I would, and that I shall be found unto you such as ye would not: lest there be debates, envyings, wraths, strifes, backbitings, whisperings, swellings, tumults:


As er-aggle tra hig-ym reesht, dy jean my Yee m'y injillaghey nyn mast' eu, as dy bee oyr trimshey aym er coontey ymmodee ta hannah er n'yannoo peccah, as nagh vel er ghoaill arrys jeh'n neu-ghlennid, as y vaarderys, as y rouanys shen, t'ad er ny ve cur rish.

And lest, when I come again, my God will humble me among you, and that I shall bewail many which have sinned already, and have not repented of the uncleanness and fornication and lasciviousness which they have committed.