The Bible

Nish ta mish Paul mee hene guee erriu liorish meenid as meiyghys Chreest, mish dy yeeaghyn orrym pene fardalagh nyn mast 'eu, agh dunnal tra ta mee veue.

Now I Paul myself beseech you by the meekness and gentleness of Christ, who in presence am base among you, but being absent am bold toward you:

Agh ta mee guee-erriu, nagh der shiu oyr dou dy ve gyere riu tra hig-ym kionfenish, lesh y dunnallys shen ta foym dy hoilshaghey noi paart ta gourys orrin, myr dy beagh shin gimmeeaght cordail rish yn eill:

But I beseech you, that I may not be bold when I am present with that confidence, wherewith I think to be bold against some, which think of us as if we walked according to the flesh.

Son ga dy vel shin gimmeeaght ayns yn eill, cha vel shin caggey lurg yn eill:

For though we walk in the flesh, we do not war after the flesh:

(Son cha vel ny greinyn-caggee ain jeh stoo foalley, agh niartal trooid Jee dy lhieggal sheese tooryn lajer.)

(For the weapons of our warfare are not carnal, but mighty through God to the pulling down of strong holds;)

Tilgey sheese resooney fardalagh, as dagh nhee mooaralagh ta soiaghey seose eh hene noi tushtey Yee, as coyrt lhien ayns cappeeys dy chooilley smooinaghtyn gys biallys Chreest:

Casting down imaginations, and every high thing that exalteth itself against the knowledge of God, and bringing into captivity every thought to the obedience of Christ;

As aarloo dy cherraghey dy chooilley vee-viallys, tra vees y viallys euish er ny chooilleeney.

And having in a readiness to revenge all disobedience, when your obedience is fulfilled.

Vel shiu briwnys reddyn lurg y caslys er cheu-mooie? my ta dooinney erbee treishteil huggey hene, dy vel eh lesh Creest, lhig da shoh neesht 'ghoaill mârish, myr t'eshyn lesh Creest, dy vel shinyn lesh Creest myrgeddin.

Do ye look on things after the outward appearance? If any man trust to himself that he is Christ's, let him of himself think this again, that, as he is Christ's, even so are we Christ's.

Son ga dy jinnin boggyssagh ny sodjey jeh'n phooar ain (ta'n Chiarn er choyrt dooin son y vondeish, as cha nee son yn assee eu) cha beagh nearey orrym.

For though I should boast somewhat more of our authority, which the Lord hath given us for edification, and not for your destruction, I should not be ashamed:

Nagh goghe shiu mee myr dy baillym shiu y agglaghey lesh screeunyn.

That I may not seem as if I would terrify you by letters.

Son ta ny screeunyn echey (jir adsyn) breeoil as niartal, agh dy yeeaghyn er y dooinney hene t'eh annoon, as e ghlare dyn bree.

For his letters, say they, are weighty and powerful; but his bodily presence is weak, and his speech contemptible.

Lhig dasyn ta smooinaghtyn myr shoh fys v'echey, lheid as ta shinyn ayns goan liorish screeuyn, tra nagh vel shin kionfenish, lheid cheddin bee mayd ayns jannoo, tra vees shin kionfenish.

Let such an one think this, that, such as we are in word by letters when we are absent, such will we be also in deed when we are present.

Son cha lhoys dooin jannoo shin hene jeh'n earroo ocsyn, ny soylaghey shin hene gys paart ta dy voylley adhene agh adsyn towse ad-hene lioroo hene, as soylaghey adhene roo hene, cha vel ad creeney.

For we dare not make ourselves of the number, or compare ourselves with some that commend themselves: but they measuring themselves by themselves, and comparing themselves among themselves, are not wise.

Agh cha jean shinyn boggyssagh jeh reddyn ta ass nyn roshtyn, agh cordail rish towse y rule, ta Jee er phointeil dooin, towse dy roshtyn dy jarroo hiuish.

But we will not boast of things without our measure, but according to the measure of the rule which God hath distributed to us, a measure to reach even unto you.

Son cha vel shin sheeyney shin hene harrish nyn dowse, myr nagh beagh shin er roshtyn hiu; son ta shin er jeet choud as hiuish myrgeddin, ayns preacheil sushtal Chreest.

For we stretch not ourselves beyond our measure, as though we reached not unto you: for we are come as far as to you also in preaching the gospel of Christ:

Cha nee boggyssagh jeh reddyn harrish nyn dowse, ta shen, jeh laboraght gheiney elley; agh treishteil, tra vees yn credjue euish er ny vishaghey, dy jean y towse ainyn roshtyn ny sodjey lieriuish dy gholl dy mooar er nyn doshiaght cordail rish y rule ainyn,

Not boasting of things without our measure, that is, of other men's labours; but having hope, when your faith is increased, that we shall be enlarged by you according to our rule abundantly,

Dy phreacheil y sushtal ayns ny cheeraghyn er cheu elley j'iu, as cha nee dy ve boggyssagh ayns rule dooinney elley, jeh reddyn jeant aarloo gys nyn laue.

To preach the gospel in the regions beyond you, and not to boast in another man's line of things made ready to our hand.

Agh eshyn ta boggyssagh, lhig da boggyssagh ayns y Chiarn.

But he that glorieth, let him glory in the Lord.

Son cha nee eshyn ta dy voylley eh, hene, ta soiagh jeant jeh, agh eshyn ta'n Chiarn dy voylley.

For not he that commendeth himself is approved, but whom the Lord commendeth.