The Bible

Ta shin myrgeddin, vraaraghyn, soilshaghey diu grayse Yee v'er ny hirveish ayns kialteenyn Macedonia:

Moreover, brethren, we do you to wit of the grace of God bestowed on the churches of Macedonia;

Kys fo prowal gyere dy heaghyn, ren yrjid y voggey oc, as nyn moghtynid hrome, bishaghey gys berchys nyn ghiastyllys.

How that in a great trial of affliction the abundance of their joy and their deep poverty abounded unto the riches of their liberality.

Son gys rere nyn booar (ta mee gymmyrkey feanish) dy jarroo, as erskyn ny va fort oc, v'ad arryltagh jeu hene:

For to their power, I bear record, yea, and beyond their power they were willing of themselves;

Guee orrin dy jeean, dy jinnagh shin soiaghey jeh'n gioot, as goaill orrin yn currym dy rheynn eh er ny nooghyn.

Praying us with much intreaty that we would receive the gift, and take upon us the fellowship of the ministering to the saints.

As shoh ren ad, cha nee myr va shin jerkal rish, agh hoshiaght heb ad ad-hene gys y Chiarn, as hooinyn liorish aigney Yee.

And this they did, not as we hoped, but first gave their own selves to the Lord, and unto us by the will of God.

Ayns wheesh as dy ren shin geearree er Titus, myr v'eh er n'yannoo toshiaght, dy jinnagh eh neesht goll trooid lesh y ghiastyllys cheddin ny vud eu.

Insomuch that we desired Titus, that as he had begun, so he would also finish in you the same grace also.

Shen-y fa myr ta shiu jeant magh ayns dy chooilley nhee, ayns credjue, ayns goan, as tushtey, as ayns dy chooilley chiarail, as ayns nyn ghraih er nyn son; jeeagh-jee dy jean shiu bishaghey ayns y ghrayse shoh myrgeddin.

Therefore, as ye abound in every thing, in faith, and utterance, and knowledge, and in all diligence, and in your love to us, see that ye abound in this grace also.

Cha vel mee loayrt liorish sarey, agh er coontey arryltys feallagh elley, as dy phrowal firrinys yn ghraih euish.

I speak not by commandment, but by occasion of the forwardness of others, and to prove the sincerity of your love.

Son shione diu grayse nyn Jiarn Yeesey Creest, ga dy row eh berchagh, ny-yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

For ye know the grace of our Lord Jesus Christ, that, though he was rich, yet for your sakes he became poor, that ye through his poverty might be rich.

As ayns shoh ta mee coyrt my choyrle: son ta shoh son y goo mie euish, t'er n'yannoo toshiaght ro-laue, cha nee ny-lomarcan dy yannoo, agh myrgeddin dy dy ve arryltagh bleïn er dy-henney.

And herein I give my advice: for this is expedient for you, who have begun before, not only to do, but also to be forward a year ago.

Nish er-y-fa shen cur-jee mullagh er yn obbyr; myr va aigney arryltagh eu, dy vod shen myrgeddin ve jeant mie ass shen ny ta fo nyn rere.

Now therefore perform the doing of it; that as there was a readiness to will, so there may be a performance also out of that which ye have.

Son my ta'n aigney hoshiaght arryltagh, ta soiagh jeant jeh cordail rish fort y dooinney, as cha nee cordail rish shen nagh vel echey.

For if there be first a willing mind, it is accepted according to that a man hath, and not according to that he hath not.

Son cha vel mee cheet er liorish shoh dy lhiggey lesh feallagh elley, as shiuish ve laadit:

For I mean not that other men be eased, and ye burdened:

Agh liorish corrymid, ec y traa t'ayn nish dy vod yn phalchey euish jannoo feaysley er y feme ocsyn, as dy vod yn phalchey ocsyn myrgeddin jannoo feaysley er y feme euish, dy vod yn errey ve co-trome,

But by an equality, that now at this time your abundance may be a supply for their want, that their abundance also may be a supply for your want: that there may be equality:

Myr te scruit, Eshyn ren chaglym mooarane, cha row veg smoo echey; as eshyn ren chaglym kuse fardalagh, cha row laccal er.

As it is written, He that had gathered much had nothing over; and he that had gathered little had no lack.

Agh booise dy row gys Jee, hug yn chiarail jeean cheddin ayns cree Titus er nyn son.

But thanks be to God, which put the same earnest care into the heart of Titus for you.

Son dy jarroo ghow: eh yn choyrle, agh myr v'eh hene ny s'arryltee, hie eh hiu jeh 'aigney hene.

For indeed he accepted the exhortation; but being more forward, of his own accord he went unto you.

As ta shin er choyrt mârish yn braar, ta'n moylley echey ayns y sushtal, mastey ooilley ny kialteenyn,

And we have sent with him the brother, whose praise is in the gospel throughout all the churches;

As cha nee ynrycan shen, agh v'eh myrgeddin er ny reih liorish ny kialteenyn, dy hroailt mârin lesh y ghiastyllys shoh, t'er ny hirveish liorinyn gys gloyr y Chiarn cheddin, as gys prowal jeh'n aigney arryltagh euish.

And not that only, but who was also chosen of the churches to travel with us with this grace, which is administered by us to the glory of the same Lord, and declaration of your ready mind:

Shaghney shoh, nagh der dooinney erbee cômys hooin ayns y phalchey shoh t'er ny hirveish liorin:

Avoiding this, that no man should blame us in this abundance which is administered by us:

Kiarail ro-laue reddyn onneragh, cha nee ny-lomarcan ayns shilley'n Chiarn, agh myrgeddin ayns shilley gheiney.

Providing for honest things, not only in the sight of the Lord, but also in the sight of men.

As ta shin er choyrt mâroosyn nyn mraar, eh ta shin dy mennick er gheddyn kiaralagh ayns ymmodee reddyn, agh nish foddey s'kiaralee, liorish yn treishteil shickyr t'aym's ayndiuish

And we have sent with them our brother, whom we have oftentimes proved diligent in many things, but now much more diligent, upon the great confidence which I have in you.

My ta veg eu briaght lurg Titus, t'eh my heshey, as my cho-obbree er y lieh euish: ny my ta briaght jeant lurg nyn mraaraghyn, t'adsyn chaghteryn ny kialteenyn, as gloyr Chreest.

Whether any do enquire of Titus, he is my partner and fellowhelper concerning you: or our brethren be enquired of, they are the messengers of the churches, and the glory of Christ.

Shen-y-fa jeeagh-jee dauesyn, as fenish ny kialteenyn prowal jeh'n ghraih eu, as jeh'n voggyssagh ain er y lieh euish.

Wherefore shew ye to them, and before the churches, the proof of your love, and of our boasting on your behalf.