- 1 Samuel
- 2 Samuel
- 1 Kings
- 2 Kings
- 1 Chronicles
- 2 Chronicles
- Psalm 1
- Song of Solomon
- 1 Corinthians
- 2 Corinthians
- 1 Thessalonians
- 2 Thessalonians
- 1 Timothy
- 2 Timothy
- 1 Peter
- 2 Peter
- 1 John
- 2 John
- 3 John
Ta shinyn eisht, myr fir-choonee mârishyn, guee erriuish myrgeddin, nagh jean shiu grayse Yee y ghoaill ayns fardail:
We then, as workers together with him, beseech you also that ye receive not the grace of God in vain.
(Son t'eh gra, Ta mee er dty chlashtyn ayns earish ghraysoil, as ayns laa yn taualtys ta mee er choyrt couyr dhyt: cur-my-ner, nish ta'n earish ghraysoil ayn; jeeagh, nish ta'n laa dy haualtys.)
(For he saith, I have heard thee in a time accepted, and in the day of salvation have I succoured thee: behold, now is the accepted time; behold, now is the day of salvation.)
Ny lhig dooin oyr dy scammylt y choyrt ayns nhee erbee, nagh bee cômys er ny choyrt da'n oik ain:
Giving no offence in any thing, that the ministry be not blamed:
Agh ayns dy chooilley nhee soilshaghey shin hene magh myr shirveishee Yee, ayns lane meenid, ayns seaghyn, ayns êgin, ayns chennid
But in all things approving ourselves as the ministers of God, in much patience, in afflictions, in necessities, in distresses,
Ayns buillaghyn, ayns pryssooney, ayns irree-magh nyn 'oï, ayns tooilleil, ayns watchal ayns trostey;
In stripes, in imprisonments, in tumults, in labours, in watchings, in fastings;
Liorish glennid-bea, liorish tushtey, liorish surranse-foddey, liorish kenjallys, liorish y Spyrryd Noo, liorish graih gyn foalsaght,
By pureness, by knowledge, by longsuffering, by kindness, by the Holy Ghost, by love unfeigned,
Liorish y goo dy irrinys, liorish pooar Yee, liorish yn eïlley dy chairys er y laue yesh as y laue chiare,
By the word of truth, by the power of God, by the armour of righteousness on the right hand and on the left,
Liorish ooashley as mee-ooashley, liorish drogh-ghoo as goo mie; myr molteyryn, as ny-yeih firrinagh;
By honour and dishonour, by evil report and good report: as deceivers, and yet true;
Myr sleih nagh vel enney er ny choyrt orrin, as foast ta enney vie; myr goll dy baase, as cur-my-ner ta shin bio, myr smaghtit, as gyn v'er nyn goyrt dy baase;
As unknown, and yet well known; as dying, and, behold, we live; as chastened, and not killed;
Myr laue dy hrimshey, foast dy kinjagh gennal; myr boghtyn, foast jannoo ymmodee berchagh; myr nagh beagh ain nhee erbee, as foast dy chooilley nhee ain.
As sorrowful, yet alway rejoicing; as poor, yet making many rich; as having nothing, and yet possessing all things.
O shiuish Chorinthianee, ta'n beeal ain er ny osley [ayns graih] hiuish, ta'n cree ain er ny heeyney magh erriu.
O ye Corinthians, our mouth is open unto you, our heart is enlarged.
Cha vel shiuish er nyn jionney ayninyn, agh ta shiuish chionnit ayns ny creeaghyn eu hene.
Ye are not straitened in us, but ye are straitened in your own bowels.
Nish son cooilleeney ayns y red cheddin (ta mee loayrt myr rish my chloan) lhig da'n cree euish myrgeddin roshtyn orrym's.
Now for a recompence in the same, (I speak as unto my children,) be ye also enlarged.
Ny bee-jee dy neu-chorrym sniemmit cooidjagh marish ny mee-chredjuee: son cre'n sheshaght t'ec cairys rish meechairys? ny cre'n chommeeys t'ec soilshey rish dorraghys?
Be ye not unequally yoked together with unbelievers: for what fellowship hath righteousness with unrighteousness? and what communion hath light with darkness?
As cre'n choardail t'ec Creest rish Belial? ny cre'n ayrn ta echeysyn ta credjal, marish an-chreestee?
And what concord hath Christ with Belial? or what part hath he that believeth with an infidel?
As cre'n chaarjys t'ec chiamble Yee rish jallooyn? son ta shiuish chiamble yn Jee bio; myr ta Jee er ghra, Neem's baghey ayndoo, as gimmeeaght maroo; as beem's yn Jee ocsyn, as bee adsyn yn pobble aym's.
And what agreement hath the temple of God with idols? for ye are the temple of the living God; as God hath said, I will dwell in them, and walk in them; and I will be their God, and they shall be my people.
Shen-y-fa tar-jee magh veih nyn mast' oc, as bee-jee er nyn scarrey voue, ta'n Chiarn dy ghra as ny benn-jee rish yn red neu-ghlen; as neem's goaill riu,
Wherefore come out from among them, and be ye separate, saith the Lord, and touch not the unclean thing; and I will receive you.
As beem's my Ayr diuish, as bee shiuish ny mec as ny inneenyn aym's, ta'n Chiarn Ooilley-niartal dy ghra.
And will be a Father unto you, and ye shall be my sons and daughters, saith the Lord Almighty.