The Bible


Agh va mee kiarit, nagh darrin hiuish yn nah cheayrt ayns trimshey.

But I determined this with myself, that I would not come again to you in heaviness.


Son my ta mish jannoo shiuish trimshagh, quoi eh eisht ta boggey dou, agh yn fer cheddin va jeant trimshagh liorym?

For if I make you sorry, who is he then that maketh me glad, but the same which is made sorry by me?


As shoh scrieu mish hiu, er-aggle tra harrin, dy beagh trimshey aym vouesyn lhisin boggey 'ghoaill jeu, myr ta my hreishteil mychione eu ooilley, dy vel yn boggey aym's yn boggey eu ooilley.

And I wrote this same unto you, lest, when I came, I should have sorrow from them of whom I ought to rejoice; having confidence in you all, that my joy is the joy of you all.


Son lesh mooarane trimshey as angaish cree, scrieu mee hiu lesh ymmodee jeir; cha nee dy chur trimshey erriu, agh dy voddagh fys ve eu er y ghraih jeean t'aym's erriu.

For out of much affliction and anguish of heart I wrote unto you with many tears; not that ye should be grieved, but that ye might know the love which I have more abundantly unto you.


Agh my ta fer erbee er choyrt oyr dy hrimshey, cha vel eh er yannoo mish trimshagh, agh ayns ayrn: nagh darrin ro hrome erriu ooilley.

But if any have caused grief, he hath not grieved me, but in part: that I may not overcharge you all.


S'lioar da'n dooinney shen ta'n kerraghey shoh, hie er coyrt er kiongoyrt rish ymmodee.

Sufficient to such a man is this punishment, which was inflicted of many.


Myr shen dy baare diu er yn aght elley leih da, as gerjaghey eh, er-aggle dy beagh e lheid sluggit seose lesh rouyr trimshey.

So that contrariwise ye ought rather to forgive him, and comfort him, lest perhaps such a one should be swallowed up with overmuch sorrow.


Shen-y-fa ta mee guee erriu, dy jin nagh shiu nyn ghraih y hickyraghey dasyn.

Wherefore I beseech you that ye would confirm your love toward him.


Son yn oyr shoh neesht scrieu mee hiu, dy voddagh prowal 've aym j'iu, dy vel shiu biallagh ayns dy chooilley nhee.

For to this end also did I write, that I might know the proof of you, whether ye be obedient in all things.


Dasyn ta shiuish leih nhee erbee, ta mish leih myrgeddin: son my leih mee red erbee, dasyn ren mish y leih eh, ve er y ghraih euish ayns lieh Chreest;

To whom ye forgive any thing, I forgive also: for if I forgave any thing, to whom I forgave it, for your sakes forgave I it in the person of Christ;


Er-aggle dy voghe yn Noid-anmey vondeish orrin: son cha vel e chialgyn gyn-yss dooin.

Lest Satan should get an advantage of us: for we are not ignorant of his devices.


Ny-sodjey, tra haink mee gys Troas dy phreacheil sushtal Chreest, as dy row dorrys er ny osley dou ayns y Chiarn,

Furthermore, when I came to Troas to preach Christ's gospel, and a door was opened unto me of the Lord,


Cha row fea aym ayns my spyrryd, son nagh dooar mee Titus my vraar: agh faagail bannaght oc, hie mee veih shen gys Macedonia.

I had no rest in my spirit, because I found not Titus my brother: but taking my leave of them, I went from thence into Macedonia.


Nish booise dy row gys Jee, ta dy kinjagh coyrt dooin oyr yn varriaght ayns Creest, as ta skeayley soar millish yn tushtey jehsyn liorin ayns dy chooilley ynnyd.

Now thanks be unto God, which always causeth us to triumph in Christ, and maketh manifest the savour of his knowledge by us in every place.


Son ta shin gys Jee soar millish trooid Creest, ayndoosyn t'er nyn sauail, as ayndoosyn ta cherraghtyn.

For we are unto God a sweet savour of Christ, in them that are saved, and in them that perish:


Da'n derrey yeh ta shin blass y vaaish gys baase; as da n jeh elley ta shin blass y vea gys bea: as quoi ta fondagh son ny reddyn shoh?

To the one we are the savour of death unto death; and to the other the savour of life unto life. And who is sufficient for these things?


Son cha vel shin myr ymmodee, ta soiaghey magh goo Yee dy molteyragh: agh myr jeh'n ynrickys agh myr jeh Jee, ayns shilley Yee ta shin loayrt ayns Creest.

For we are not as many, which corrupt the word of God: but as of sincerity, but as of God, in the sight of God speak we in Christ.