The Bible


Paul ostyl Yeesey Creest, liorish aigney Yee, as Timothy nyn mraar, gys agglish Yee ta ec Corinth, marish ooilley ny nooghyn t'ayns Achaia;

Paul, an apostle of Jesus Christ by the will of God, and Timothy our brother, unto the church of God which is at Corinth, with all the saints which are in all Achaia:


Grayse dy row hiu, as shee veih Jee nyn Ayr, as veih'n Chiarn Yeesey Creest.

Grace be to you and peace from God our Father, and from the Lord Jesus Christ.


Bannit dy row Jee, eer Ayr nyn Jiarn Yeesey Creest, yn Ayr dy vyghinyn, as Jee dy chooilley gherjagh;

Blessed be God, even the Father of our Lord Jesus Christ, the Father of mercies, and the God of all comfort;


Ta gerjaghey shinyn ayns ooilley nyn seaghyn, dy vod mayd ve abyl dy gherjaghey adsyn ta fo seaghyn erbee, lesh y gerjaghey liorish ta Jee dy gherjaghey shin hene.

Who comforteth us in all our tribulation, that we may be able to comfort them which are in any trouble, by the comfort wherewith we ourselves are comforted of God.


Son myr ta ny surranseyn ain son Creest bishaghey orrin, myr shen myrgeddin ta'n gerjagh ain bishaghey orrin veih Creest.

For as the sufferings of Christ abound in us, so our consolation also aboundeth by Christ.


As edyr shin ve seaghnit, te son y gerjagh as y saualtys euish, ta breeoil ayns gymmyrkey ny surranseyn cheddin mârin: ny edyr shin ve er nyn gherjaghey, te son y gerjagh as y saualtys eu.

And whether we be afflicted, it is for your consolation and salvation, which is effectual in the enduring of the same sufferings which we also suffer: or whether we be comforted, it is for your consolation and salvation.


As ta treishteil shickyr ain jiuish, toiggal myr ta ayrn eu jeh'n surranse, dy bee eu myrgeddin jeh'n gherjagh.

And our hope of you is stedfast, knowing, that as ye are partakers of the sufferings, so shall ye be also of the consolation.


Son cha baill lhien, vraaraghyn, dy beagh eh gyn-yss diu cre'n seaghyn haink orrin ayns Asia, dy row shin laadit ass towse erskyn nyn niart, ayns wheesh as nagh row veg y jerkal ain dy heet jeh lesh nyn mioys:

For we would not, brethren, have you ignorant of our trouble which came to us in Asia, that we were pressed out of measure, above strength, insomuch that we despaired even of life:


Agh va shin fo briwnys y vaaish aynin hene, nagh jinnagh shin treishteil orrin hene, agh er Jee ta troggal ny merriu.

But we had the sentence of death in ourselves, that we should not trust in ourselves, but in God which raiseth the dead:


Eh ren livrey shin veih baase cha dowil, as ta livrey shin: aynsyn ta shin treishteil dy jean eh foast livrey shin:

Who delivered us from so great a death, and doth deliver: in whom we trust that he will yet deliver us;


Shiuish myrgeddin coyrt nyn gooney cooidjagh lesh padjeryn er nyn son, dy vod booise v'er ny choyrt liorish ymmodee son y bannaght hie er stowal orrin er graih ymmodee persoonyn.

Ye also helping together by prayer for us, that for the gift bestowed upon us by the means of many persons thanks may be given by many on our behalf.


Son shoh nyn moggey, feanish nyn gooinsheanse, ayns ?nid, as ynrickys crauee, cha nee lesh creenaght seihltagh, agh liorish grayse Yee, dy vel shin er n'ymmyrkey shin hene 'sy theihll, as foddey smoo ny mast' euish.

For our rejoicing is this, the testimony of our conscience, that in simplicity and godly sincerity, not with fleshly wisdom, but by the grace of God, we have had our conversation in the world, and more abundantly to you-ward.


Son cha vel shin scrieu red erbee elley hiu, agh shen ny ta shiu hene toiggal dy mie ny goaill-rish, as ta mee treishteil dy gow shiu rish gys y jerrey.

For we write none other things unto you, than what ye read or acknowledge; and I trust ye shall acknowledge even to the end;


Myr ta shiuish myrgeddin ayns ayrn er n'ghoaill rooinyn, dy vel shin yn boggey eu, dy jarroo myr ta shiuish neesht yn boggey ainyn ayns laa yn Chiarn Yeesey.

As also ye have acknowledged us in part, that we are your rejoicing, even as ye also are our's in the day of the Lord Jesus.


As ayns y shickyrys shoh ve ayns m'aigney roish shoh dy heet hiu, dy voddagh bannaght dooble ve eu:

And in this confidence I was minded to come unto you before, that ye might have a second benefit;


As dy ghoaill shiuish er my raad gys Macedonia, as dy heet reesht veih Macedonia hiuish, as lieriuish dy ve er my choyrt lhiam er my raad gys Judea.

And to pass by you into Macedonia, and to come again out of Macedonia unto you, and of you to be brought on my way toward Judaea.


Tra va mee eisht 'syn aigney shoh, row mee er daa ockle? ny shen ta mee kiarail dy yannoo, vel foym dy yannoo eh er oyryn seihltagh, mârym's dy beagh she, she, as cha nee, cha nee.

When I therefore was thus minded, did I use lightness? or the things that I purpose, do I purpose according to the flesh, that with me there should be yea yea, and nay nay?


Agh myr ta Jee firrinagh, cha row yn goo ain hiuish she as cha nee.

But as God is true, our word toward you was not yea and nay.


Son Mac Yee, Yeesey Creest, v'er ny phreacheil nyn mast' eu liorinyn, dy jarroo liorym's, as Silvanus, as Timotheus, cha row eh she as cha nee, agh aynsyn va she.

For the Son of God, Jesus Christ, who was preached among you by us, even by me and Silvanus and Timotheus, was not yea and nay, but in him was yea.


Son ta ooilley gialdynyn Yee aynsyn she, as aynsyn amen, gys gloyr Yee liorinyn.

For all the promises of God in him are yea, and in him Amen, unto the glory of God by us.


Nish eshyn ta dy niartaghey shinyn mêriuish ayns Creest, as ta er ooillaghey shin, she Jee eh:

Now he which stablisheth us with you in Christ, and hath anointed us, is God;


Ta myrgeddin er sealal shin, as ta coyrt dooin eearlys y Spyrryd ayns nyn greeaghyn.

Who hath also sealed us, and given the earnest of the Spirit in our hearts.


Ny-sodjey, ta mee goaill Jee son feanish er m'annym, er coontey dy ymmyrkey lhieu nagh daink mee foast gys Corinth.

Moreover I call God for a record upon my soul, that to spare you I came not as yet unto Corinth.


Cha nee dy vel shin gymmyrkey reill harrish nyn gredjue, agh ta shin fir-choonee dy vishaghey nyn moggey: son liorish credjue ta shiu shassoo.

Not for that we have dominion over your faith, but are helpers of your joy: for by faith ye stand.