The Bible


Ny-sodjey, vraaraghyn, cha baillym shiu ve neu-hushtagh, kys dy row ooilley ny ayraghyn ain fo'n vodjal, as hie ad ooilley trooid yn aarkey;

Moreover, brethren, I would not that ye should be ignorant, how that all our fathers were under the cloud, and all passed through the sea;


As v'ad ooilley bashtit gys Moses ayns y vodjal, as ayns yn aarkey;

And were all baptized unto Moses in the cloud and in the sea;


As ren ad ooilley gee yn beaghey spyrrydoil cheddin;

And did all eat the same spiritual meat;


As ren ad ooilley giu yn jough spyrrydoil cheddin: (son ren ad giu jeh'n Chreg spyrrydoil shen deiyr orroo; as y Chreg shen va Creest.)

And did all drink the same spiritual drink: for they drank of that spiritual Rock that followed them: and that Rock was Christ.


Agh jeh ymmodee jeu cha row Jee feer wooiagh; son v'ad er nyn goyrt mow ayns yn aasagh.

But with many of them God was not well pleased: for they were overthrown in the wilderness.


Nish va ny reddyn shoh son sampleyryn dooinyn, son nagh jinnagh shin saynt da nheeghyn olk, myr hug adsyn neesht saynt.

Now these things were our examples, to the intent we should not lust after evil things, as they also lusted.


Chamoo cur-jee shiuish ooashley da jallooyn, myr hug paart jeusyn; myr te scruit, Hoie yn pobble sheese dy ee as dy iu, as dirree ad seose dy ve rouanagh.

Neither be ye idolaters, as were some of them; as it is written, The people sat down to eat and drink, and rose up to play.


Chamoo lhig dooin cur rish maarderys, myr ren paart jeusyn, as huitt ad ayns un laa three thousaneyn as feed.

Neither let us commit fornication, as some of them committed, and fell in one day three and twenty thousand.


Chamoo lhig dooin Creest y vrasnaghey, myr ren paart jeusyn myrgeddin brasnaghey, as v ad er nyn stroie liorish ard-nieughyn.

Neither let us tempt Christ, as some of them also tempted, and were destroyed of serpents.


Chamoo jean shiuish tallagh, myr ren paart jeusyn neesht tallagh, as v'ad er nyn stroie liorish y stroieder.

Neither murmur ye, as some of them also murmured, and were destroyed of the destroyer.


Nish haink ooilley ny reddyn shoh orroosyn son sampleyryn: as t'ad scruit son raaue dooinyn, orrin ta jerrey'n theihll er jeet.

Now all these things happened unto them for ensamples: and they are written for our admonition, upon whom the ends of the world are come.


Shen-y-fa lhig dasyn ta smooinaghtyn dy vel eh ny hassoo, kiarail y ghoaill nagh duitt eh.

Wherefore let him that thinketh he standeth take heed lest he fall.


Cha vel miolagh erbee er jeet nyn raad, agh lheid as ta cadjin da dooinney: agh ta Jee firrinagh, nagh lhig diuish dy ve er nyn miolaghey erskyn ny oddys shiu y ymmyrkey; agh nee eh myrgeddin lesh y violagh raad y yannoo dy scapail, dy vod niart y ve ayndiu dy ymmyrkey eh.

There hath no temptation taken you but such as is common to man: but God is faithful, who will not suffer you to be tempted above that ye are able; but will with the temptation also make a way to escape, that ye may be able to bear it.


Shen-y-fa my chaarjyn deyr, chea-jee veih coyrt ooashley da jallooyn.

Wherefore, my dearly beloved, flee from idolatry.


Ta mee loayrt myr rish deiney creeney: briwnys-jee hene ny ta mee dy ghra.

I speak as to wise men; judge ye what I say.


Yn cappan dy vannaght ta shin dy oltaghey, nagh nee shoh dy ghoaill ayrn jeh fuill Chreest? Yn arran ta shin dy vrishey, nagh nee shoh dy ghoaill ayrn jeh corp Chreest?

The cup of blessing which we bless, is it not the communion of the blood of Christ? The bread which we break, is it not the communion of the body of Christ?


Son ta shinyn, ga ymmodee, un arran, as un chorp: son ta shin ooilley goaill ayrn jeh'n un arran shen.

For we being many are one bread, and one body: for we are all partakers of that one bread.


Cur-jee my-ner Israel cordail rish yn eill: nagh vel adsyn ta gee jeh ny ourallyn, goaill ayrn jeh ny t'er ny hebbal er yn altar?

Behold Israel after the flesh: are not they which eat of the sacrifices partakers of the altar?


Cre jir-ym eisht? dy vel jalloo veg eddyr, ny dy vel shen ny ta er ny ouralley gys jallooyn veg eddyr?

What say I then? that the idol is any thing, or that which is offered in sacrifice to idols is any thing?


Agh ta mee gra, dy vel ny ourallyn ta ny Ashoonyn-quaagh dy hebbal, chebbit gys drogh-spyrrydyn, as cha nee gys Jee: as cha baillym shiu dy ghoaill commee marish drogh-spyrrydyn.

But I say, that the things which the Gentiles sacrifice, they sacrifice to devils, and not to God: and I would not that ye should have fellowship with devils.


Cha vod shiu giu jeh cappan y Chiarn, as jeh cappan drogh-spyrrydyn: cha vod shiu ayrn y ghoaill ec boayrd y Chiarn, as ec boayrd drogh-spyrrydyn.

Ye cannot drink the cup of the Lord, and the cup of devils: ye cannot be partakers of the Lord's table, and of the table of devils.


Vel shin brasnaghey yn Chiarn gys corree? vel shin ny s'troshey na eshyn?

Do we provoke the Lord to jealousy? are we stronger than he?


Te lowal dou ymmodee reddyn y yannoo, agh cha vel dy chooilley nhee cooie dy ve jeant: te lowal dou ymmodee reddyn y yannoo, agh cha vel dy chooilley nhee gys ynsagh Creestee.

All things are lawful for me, but all things are not expedient: all things are lawful for me, but all things edify not.


Ny lhig da dooinney erbee shirrey ynrycan e vondeish hene: agh dy chooilley unnane foays e naboo.

Let no man seek his own, but every man another's wealth.


Cre-erbee ta creckit ayns ny margaghyn, ee-jee, fegooish jannoo briaght erbee er graih cooinsheanse.

Whatsoever is sold in the shambles, that eat, asking no question for conscience sake:


Son lesh y Chiarn yn seihll, as ooilley ny t'ayn.

For the earth is the Lord's, and the fulness thereof.


My ta fer erbee jeusyn nagh vel jeh'n chredjue, cuirrey shiu gys gien, as shiuish aignagh dy gholl, cre-erbee ta soit kiongoyrt riu, ee-jee, fegooish jannoo briaght erbee er graih cooinsheanse.

If any of them that believe not bid you to a feast, and ye be disposed to go; whatsoever is set before you, eat, asking no question for conscience sake.


Agh my jir dooinney erbee riu, va shoh er ny hebbal ayns oural gys jallooyn, ny ee-jee jeh er y choontey echeysyn ren shoh y hoilshaghey, as er graih cooinsheanse. Son ta'n seihll lesh y Chiarn, as ooilley ny t'ayn.

But if any man say unto you, This is offered in sacrifice unto idols, eat not for his sake that shewed it, and for conscience sake: for the earth is the Lord's, and the fulness thereof:


Cooinsheanse, ta mee gra, cha nee dty chooinsheanse hene, agh shen jeh'n fer elley: son cre'n-fa ta my reamys er ny vriwnys liorish cooinsheanse ghooinney elley?

Conscience, I say, not thine own, but of the other: for why is my liberty judged of another man's conscience?


Son, my ta mee liorish grayse goaill ayrn jeh, cre'n-fa ta mee oltooanit son shen ny ta mee er oltaghey?

For if I by grace be a partaker, why am I evil spoken of for that for which I give thanks?


Shen-y-fa edyr shiu ve gee ny giu, ny cre-erbee ta shiu dy yannoo, jean-jee ooilley gys gloyr Yee.

Whether therefore ye eat, or drink, or whatsoever ye do, do all to the glory of God.


Ny cur-jee oyr erbee dy huittym ayns peccah, edyr da ny Hewnyn, ny da ny Ashoonyn-quaagh, ny da agglish Yee:

Give none offence, neither to the Jews, nor to the Gentiles, nor to the church of God:


Dy jarroo myr ta mee son booiys dy chooilley ghooinney ayns dy chooilley nhee, cha nee shirrey my vondeish hene, agh vondeish ymmodee, dy vod ad v'er nyn sauail.

Even as I please all men in all things, not seeking mine own profit, but the profit of many, that they may be saved.