The Bible


Lhoys da fer erbee eu, as cooish echey noi fer elley, goll gys y leigh fenish y vooinjer neu-chairagh, as cha nee fenish ny nooghyn?

Dare any of you, having a matter against another, go to law before the unjust, and not before the saints?


Nagh vel fys eu dy jean ny nooghyn yn seihll y vriwnys? as my vees yn seihll er ny vriwnys lieriuish, vel shiuish neu-feeu dy vriwnys ny cooishyn s'fardalee?

Do ye not know that the saints shall judge the world? and if the world shall be judged by you, are ye unworthy to judge the smallest matters?


Nagh vel fys eu dy jean shinyn ainleyn y vriwnys? cre-woad smoo reddyn ta bentyn rish y vea shoh?

Know ye not that we shall judge angels? how much more things that pertain to this life?


My ta shiu eisht son briwnys cooish yn seihltagh, jean-jee adsyn y phointeil dy chur briwnys sloo ta soit jeu ayns yn agglish.

If then ye have judgments of things pertaining to this life, set them to judge who are least esteemed in the church.


Ta mee loayrt gys y nearey eu. Nee shen myr te, nagh vel dooinney creeney nyn mast' eu? unnane hene vees abyl cooish y vriwnys eddyr e vraaraghyn?

I speak to your shame. Is it so, that there is not a wise man among you? no, not one that shall be able to judge between his brethren?


Agh ta braar goll gys y leigh rish braar, as shen ny enish ocsyn nagh vel jeh'n chredjue.

But brother goeth to law with brother, and that before the unbelievers.


Nish er yn oyr shen ta son shickyrys foill nyn mast' eu, dy vel shiu goll gys y leigh ry-cheilley: nagh baare diu goaill aggair? nagh baare diu surranse molteyraght?

Now therefore there is utterly a fault among you, because ye go to law one with another. Why do ye not rather take wrong? why do ye not rather suffer yourselves to be defrauded?


Agh ta shiu jannoo aggair as molteyraght, as shen er nyn mraaraghyn.

Nay, ye do wrong, and defraud, and that your brethren.


Nagh vel fys eu nagh vow ny mee-chrauee eiraght ayns reeriaght Yee? Ny bee-jee mollit: chamoo yiow maarderee, ny adsyn ta cur ooashley da jallooyn, ny adsyn ta brishey-poosey, ny ny soailtee, ny adsyn ta cur rish peccah noi dooghys,

Know ye not that the unrighteous shall not inherit the kingdom of God? Be not deceived: neither fornicators, nor idolaters, nor adulterers, nor effeminate, nor abusers of themselves with mankind,


Ny maarlee, ny ny sayntoilee, ny meshtyllee, ny oltooanee, ny tranlaasee, eiraght ayns reeriaght Yee.

Nor thieves, nor covetous, nor drunkards, nor revilers, nor extortioners, shall inherit the kingdom of God.


As nyn lheid va paart euish: agh va shiu er nyn niee, agh va shiu er nyn gasherickey agh va shiu er nyn seyrey ayns ennym y Chiarn Yeesey, as liorish Spyrryd yn Jee ain.

And such were some of you: but ye are washed, but ye are sanctified, but ye are justified in the name of the Lord Jesus, and by the Spirit of our God.


Ta dy chooilley nhee lowal dou, agh cha vel dy chooilley nhee cooie dy ve jeant

All things are lawful unto me, but all things are not expedient: all things are lawful for me, but I will not be brought under the power of any.


Bee son y volg, as y bolg son bee; agh nee Jee ad ny-neesht y choyrt naardey. Nish cha vel y corp son maarderys, agh son y Chiarn; as y Chiarn son y chorp:

Meats for the belly, and the belly for meats: but God shall destroy both it and them. Now the body is not for fornication, but for the Lord; and the Lord for the body.


As ta Jee chammah er hroggal seose y Chiarn, as nee eh myrgeddin shinyn y hroggal seose liorish e phooar hene.

And God hath both raised up the Lord, and will also raise up us by his own power.


Nagh vel fys eu, dy vel ny kirp eu oltyn Chreest? jeanym eisht oltyn Chreest y ghoaill, as ad y yannoo oltyn streebagh? Ny lhig eh Jee.

Know ye not that your bodies are the members of Christ? shall I then take the members of Christ, and make them the members of an harlot? God forbid.


Cre, nagh vel fys eu dy vel eshyn ta lhiantyn gys streebagh yn un chorp r'ee? son bee ad ny-neesht (t'eh gra) un eill.

What? know ye not that he which is joined to an harlot is one body? for two, saith he, shall be one flesh.


Agh eshyn ta lhiantyn gys y Chiarn, t'eh un spyrryd.

But he that is joined unto the Lord is one spirit.


Chea-jee veih maarderys. Ta dy chooilley pheccah ta dooinney dy yannoo, cheu-mooie jeh'n chorp; agh eshyn ta cur rish maarderys, t'eh jannoo peccah noi e chorp hene.

Flee fornication. Every sin that a man doeth is without the body; but he that committeth fornication sinneth against his own body.


Cre, nagh vel fys eu dy vel y corp eu chiamble y Spyrryd Noo ta ayndiu, ta eu veih Jee, as cha vel shiu lhieu hene?

What? know ye not that your body is the temple of the Holy Ghost which is in you, which ye have of God, and ye are not your own?


Son ta shiu kionnit lesh price: shen-y-fa jean-jee Jee y ghloyraghey ayns nyn gorp, as ayns nyn spyrryd, ta lesh.

For ye are bought with a price: therefore glorify God in your body, and in your spirit, which are God's.